السلام عليكم ، انا اتقبلت متطوع مع ايسيك في...

  • بادئ الموضوع بادئ الموضوع Ahmed Ashraf
  • تاريخ البدء تاريخ البدء
اولاً شكراً جدا لكل الناس ال حبت انها تساعدني ، تاني حاجه مبشربش سجاير ف هوفر بقي و اها في سكن متوفرلي هناك يا هوستل يا انترن هاوس ، انا كنت حابب اعرف يعني المبلغ ال هتحاجه بالكتير اكل و شرب و الكلام ده ، و المبلغ ال يكفيني مثلاً خروج او حفلات و ال كلام ده ، و المبلغ لازم يورو ولا مفيش في مصر رون مقابل الجنيه ؟ ، و التأشيره سهله ولا صعبه و طلبتها .
 
التأشيره رخمه. جدا جدا. لو انتا عايز ممكن تصرف فى رومانيا 1000 يورو فى يوم وممكن تصرفهم فى شهر زى ما انتا بتصرف
 
مفيش فى مصر رون اساسا. لازم تيجى بيورو او بدولار. انتا بالنسبه انك جاى جلاتس بس مش حتصرف كتير لانها مدينه صغيره. اعتقد انك لو عايز تتدلع حتدفع لك بتاع 800 يورو.
 
و الدلع هناك أرخص من بوخاريست و مقلكش علي القطع المتحركة الموجودة هناك هتلك ٢٠٠٠ يورو اسمع كلامي
 
بص يا احمد هو زي ما قلك هيثم من 800 الي 1000 يورو او دولار لان طالما السكن عليهم يبقي مفيش مشكله يبقي الاكل و الشرب و الفسح يبقي كفايه كده اما للقطع المتحركه انت هتشوف لما تيجي خليها مفاجاه
 
يا جماعه الف يورو يعنى 20 الف جنيه. عايزين الواد يجيبلكم ب 20 الف جنيه بسطرمه
وربنا ده يتعلق فى المطار
 
طب يعمل ايه هو بيقول مفيش ولا دولارات ولا يورو في مصر يبقي جبنه تركي و بسطرمه و الله هيتباعوا اول ما ينزل من الطيارة
 
هههه والله عنيا و من غير اي حاجه ❤، انا هحاول ف ال ٤ شهور دول اجمع فيهم دولار و يورو ، و ان شاء الله لو خلصت كل حاجه والدنيا عدت ع خير في بوست هينزل ع جروب مخصوص عشان البسطرمه بس وروني القطع المتحركه عشان هنا في اشباه قطع
 
اتقو الله. لو انتا جاى وناوى انك تغضب ربنا متنساش انك حتركب طياره رايح جاى وحتقعد فى غربه 40 يوم.
 
هاجي متطوع عشان اغضب ربنا طب مانا ممكن اعمل ال انا عاوزه هنا ، انا رايح لهدف معين و ممكن الوقت الفاضي ليا يبقي يوم في الاسبوع ، عموماً شكراً لنصيحه حضرتك.
 
بص انت فتحت موضوع سابق لأوانه لما تخلص ورقك و تاخد الفيزا و تجمع الي انت عايزه يورو دولار ين ياباني دينار كويتي المهم ميكونش جنيه مصري يبقي ربنا يسهل