H
Hend Salem
:: مسافر ::
#تأشيرة_المملكة_المتحدة_UK
المملكة المتحدة أو بريطانيا العظمى تضم كل من سكوتلاند و إنجلترا و أيرلندا الشمالية و ويلز
(جمهورية أيرلندا لها فيزا مستقلة)
هى كانت جزء من الإتحاد الأوروبى حتى تم التصويت على الإنفصال فى يونيو 2016 و لكن حتى الآن لم يتم أى إتخاذ إى إجراءات بخصوص الخروج
يتم التقديم على الفيزا الخاصة بها من خلال tlscontact سواء بالإسكندرية أو القاهرة
الأبليكيشن الخاص بها أنا أعتبره من أغلس الأبليكيشنز اللى ممكن تملاها للحصول على تأشيرة
خطوات التقديم:
- أولا يفضل إنك تدخل على الموقع /Visas and immigration - GOV.UK للتعرف على جميع الإجراءات و أنواع الفيزا المختلفة سواء كانت سياحة أو زيارة عائلية أو دراسة .... إلخ
ملحوظة يوجد موقعين للأبليكيشن و كل واحد فيهم له أنواع فيزا معينة الموقعين هم /Select your language و https://www.visa4uk.fco.gov.uk/home/welcome
- بالنسبة لفيزا السياحة أو الزيارة يتم الدخول على موقع /Visa4UK - Welcome to Visa4UK و يتم عمل أكونت عليه و بعد ما يوصلك إميل بالتأكيد بتقدر تدخل على الأكونت بتاعك و بتبدأ خطوات الأبليكيشن
-لما بتدخل على الأكونت بتلاقى فى كذا أوبشن applying for myself لو بتقدم لنفسك أو else applying for someone لو بتقدم لحد تانى من نفس الأكونت أو view my applications لو عايز تدخل على الأبليكيشنز اللى إنت عاملها
-بتختار أوبشن applying for myself بيطلب منك تدخل بعض البيانات الأساسية زى الإسم و تاريخ الميلاد و رقم الباسبور و تايخ السفر و البلد اللى هتسافر منها – بعد كده بيطلب منك تختار نوع التأشيرة اللى هتقدم عليها و بتضغط على create فبيدخل على صفحة الأبليكيشن
-الأبليكيشن فيه 7 أجزاء و كل الأجزاء الخاصة بالأبليكيشن لازم تتملا و كل ما تكمل جزء منها هيتحول من اللون الأسود للون الأخضر
-يفضل إنك تكون عامل حجز فندق مبدئى لأن فى الأبليكيشن هيطلب منك تدخل العنوان اللى هتنزل فيه
-بعد ما بتخلص كل أجزاء الأبليكيشن و تراجعها كويس جدا و تتأكد أنها سليمة بتعمل submit
-الخطوة اللى بعد الأبليكيشن إنك بتملا زى إقرار أو تعهد بصحة البيانات اللى فى الأبليكيشن
-بعدين بيفتح لك المواعيد المتاحة و بتختار الموعد المناسب لك سواء فى القاهرة أو فى الإسكندرية مع الأخذ فى الإعتبار إن مكتب إسكندرية فيه رسوم زيادة حوالى 60 دولار تقريبا و بيوصلك إيميل تأكيد بالموعد و العنوان
-بعد كده بينقلك لصفحة تانية بتروح تدفع عليها و للأسف المشكلة إن الدفع أون لاين هو الأوبشن الوحيد المتاح عندهم بعد الدفع بيوصلك إيميل تأكيد الدفع
-بعد كده بتسجل على موقع المكتب الوسيط /TLScontact center - Egypt و بتختار إسكندرية أو القاهرة و بتعمل أكونت على السايت بعد ما بيوصل لك إيميل التأكيد بتدخل على الأكونت بتاعك و بتعمل أبليكيشن بسيط برقم GWF بتاع الأبليكيشن بتاعك و برضو هيوصل إيميل تأكيد
-بعد كده بتطبع الأبليكيشن و توقع عليه و بتطبع إيميل تأكيد الدفع و بترفق المستندات المطلوبة و المناسبة لنوع الفيزا اللى مقدم عليها و اللى هى مبدئيا بتكون الباسبور و أى باسبورات قديمة و صور منها و كل الصفحات اللى عليها أختام و تأشيرات – كشف حساب بنكى عن ال 6 شهور اللى فاتت و أى مصدر للدخل كتبته فى الأبليكيشن لازم تقدم دليل عليه – خطاب من جهة العمل للموظفين و سجل تجارى و بطاقة ضريبية لأصحاب الأعمال الخاصة و شهادة قيد للطلبة – حجز الفندق اللى كتبت عنوانه فى الأبليكيشن (شهادة التحركات – حجز الطيران – التأمين مش مطلوبين للفيزا) لكن الناس اللى فى المكتب مش بيقولوا لأ على أى ورقة بتقدمها بصراحة بياخدوا أى حاجة
-فى مجموعة من الخدمات طبعا إسمها added value services فى حالة إنك مستعجل على الفيزا أو عايز تحتفظ بالباسبور معاك لحين الإنتهاء من الإجراءات أو إنك تستلم الباسبور بال DHL هتلاقوها على السايت و برضو بتتدفع أون لاين وإنت بتعمل الأبليكيشن /TLScontact center - Egypt
-اليوم اللى بتروح فيه الموعد بيتم إستلام الباسبور و المستندات و بيتم عمل بصمة ألكترونية و بصمة صوت و بيتم التصوير هناك (مش بيحتاجوا صور شخصية) و بتوقع ألكترونى
- سعر التأشيرة 110 دولار (الـ 6 شهور) و بتاخد 14 يوم تقريبا
حبة نصايح كده فى السريع
* الأبليكيشن طويل و مش شرط إنك تخلصه كله مرة واحدة بس نصيحة إنك كل ما تسجل معلومة تعمل لها save لأن ساعات الموقع لما بيحس إنك idle بيعمل log off من نفسه و لو مش عامل حفظ كل الداتا اللى دخلتها بتضيع
* التركيز مهم و إنت بتعمل الأبليكيشن عشان فى أسئلة بتكون مكررة بس بصيغة مختلفة (نظام توقيع)
* ماتعملش submit للأبليكيشن غير لما تكون راجعته أكتر من مرة و تأكدت إن المعلومات صحيحة
* لو عملت submit للأبليكيشن و إكتشفت إنك كتبت معلومة غلط أو عايز تغيرها لو إنت لسه مادفعتش إعمل أبليكيشن جديد و القديم بيتلغى لوحده بعد فترة معينة و لو كنت دفعت هتضطر تراسلهم عشان تقدر تعمل refund
*لو حبيت مستقبلا تقدم تانى على فيزا جديدة مش هتحتاج تعمل أكونت جديد بتدخل بنفس الأكونت اللى إنت عامله سواء على visa4uk أو tlscontact
معلش البوست طويل بس أنا حاولت أكتب كل الخطوات اللى فاكراها و لو فيه حاجة ناسياها ممكن تفكرونى بيها
#دمتم_مسافرين
#Travelers_Experience
المملكة المتحدة أو بريطانيا العظمى تضم كل من سكوتلاند و إنجلترا و أيرلندا الشمالية و ويلز
(جمهورية أيرلندا لها فيزا مستقلة)
هى كانت جزء من الإتحاد الأوروبى حتى تم التصويت على الإنفصال فى يونيو 2016 و لكن حتى الآن لم يتم أى إتخاذ إى إجراءات بخصوص الخروج
يتم التقديم على الفيزا الخاصة بها من خلال tlscontact سواء بالإسكندرية أو القاهرة
الأبليكيشن الخاص بها أنا أعتبره من أغلس الأبليكيشنز اللى ممكن تملاها للحصول على تأشيرة
خطوات التقديم:
- أولا يفضل إنك تدخل على الموقع /Visas and immigration - GOV.UK للتعرف على جميع الإجراءات و أنواع الفيزا المختلفة سواء كانت سياحة أو زيارة عائلية أو دراسة .... إلخ
ملحوظة يوجد موقعين للأبليكيشن و كل واحد فيهم له أنواع فيزا معينة الموقعين هم /Select your language و https://www.visa4uk.fco.gov.uk/home/welcome
- بالنسبة لفيزا السياحة أو الزيارة يتم الدخول على موقع /Visa4UK - Welcome to Visa4UK و يتم عمل أكونت عليه و بعد ما يوصلك إميل بالتأكيد بتقدر تدخل على الأكونت بتاعك و بتبدأ خطوات الأبليكيشن
-لما بتدخل على الأكونت بتلاقى فى كذا أوبشن applying for myself لو بتقدم لنفسك أو else applying for someone لو بتقدم لحد تانى من نفس الأكونت أو view my applications لو عايز تدخل على الأبليكيشنز اللى إنت عاملها
-بتختار أوبشن applying for myself بيطلب منك تدخل بعض البيانات الأساسية زى الإسم و تاريخ الميلاد و رقم الباسبور و تايخ السفر و البلد اللى هتسافر منها – بعد كده بيطلب منك تختار نوع التأشيرة اللى هتقدم عليها و بتضغط على create فبيدخل على صفحة الأبليكيشن
-الأبليكيشن فيه 7 أجزاء و كل الأجزاء الخاصة بالأبليكيشن لازم تتملا و كل ما تكمل جزء منها هيتحول من اللون الأسود للون الأخضر
-يفضل إنك تكون عامل حجز فندق مبدئى لأن فى الأبليكيشن هيطلب منك تدخل العنوان اللى هتنزل فيه
-بعد ما بتخلص كل أجزاء الأبليكيشن و تراجعها كويس جدا و تتأكد أنها سليمة بتعمل submit
-الخطوة اللى بعد الأبليكيشن إنك بتملا زى إقرار أو تعهد بصحة البيانات اللى فى الأبليكيشن
-بعدين بيفتح لك المواعيد المتاحة و بتختار الموعد المناسب لك سواء فى القاهرة أو فى الإسكندرية مع الأخذ فى الإعتبار إن مكتب إسكندرية فيه رسوم زيادة حوالى 60 دولار تقريبا و بيوصلك إيميل تأكيد بالموعد و العنوان
-بعد كده بينقلك لصفحة تانية بتروح تدفع عليها و للأسف المشكلة إن الدفع أون لاين هو الأوبشن الوحيد المتاح عندهم بعد الدفع بيوصلك إيميل تأكيد الدفع
-بعد كده بتسجل على موقع المكتب الوسيط /TLScontact center - Egypt و بتختار إسكندرية أو القاهرة و بتعمل أكونت على السايت بعد ما بيوصل لك إيميل التأكيد بتدخل على الأكونت بتاعك و بتعمل أبليكيشن بسيط برقم GWF بتاع الأبليكيشن بتاعك و برضو هيوصل إيميل تأكيد
-بعد كده بتطبع الأبليكيشن و توقع عليه و بتطبع إيميل تأكيد الدفع و بترفق المستندات المطلوبة و المناسبة لنوع الفيزا اللى مقدم عليها و اللى هى مبدئيا بتكون الباسبور و أى باسبورات قديمة و صور منها و كل الصفحات اللى عليها أختام و تأشيرات – كشف حساب بنكى عن ال 6 شهور اللى فاتت و أى مصدر للدخل كتبته فى الأبليكيشن لازم تقدم دليل عليه – خطاب من جهة العمل للموظفين و سجل تجارى و بطاقة ضريبية لأصحاب الأعمال الخاصة و شهادة قيد للطلبة – حجز الفندق اللى كتبت عنوانه فى الأبليكيشن (شهادة التحركات – حجز الطيران – التأمين مش مطلوبين للفيزا) لكن الناس اللى فى المكتب مش بيقولوا لأ على أى ورقة بتقدمها بصراحة بياخدوا أى حاجة
-فى مجموعة من الخدمات طبعا إسمها added value services فى حالة إنك مستعجل على الفيزا أو عايز تحتفظ بالباسبور معاك لحين الإنتهاء من الإجراءات أو إنك تستلم الباسبور بال DHL هتلاقوها على السايت و برضو بتتدفع أون لاين وإنت بتعمل الأبليكيشن /TLScontact center - Egypt
-اليوم اللى بتروح فيه الموعد بيتم إستلام الباسبور و المستندات و بيتم عمل بصمة ألكترونية و بصمة صوت و بيتم التصوير هناك (مش بيحتاجوا صور شخصية) و بتوقع ألكترونى
- سعر التأشيرة 110 دولار (الـ 6 شهور) و بتاخد 14 يوم تقريبا
حبة نصايح كده فى السريع
* الأبليكيشن طويل و مش شرط إنك تخلصه كله مرة واحدة بس نصيحة إنك كل ما تسجل معلومة تعمل لها save لأن ساعات الموقع لما بيحس إنك idle بيعمل log off من نفسه و لو مش عامل حفظ كل الداتا اللى دخلتها بتضيع
* التركيز مهم و إنت بتعمل الأبليكيشن عشان فى أسئلة بتكون مكررة بس بصيغة مختلفة (نظام توقيع)
* ماتعملش submit للأبليكيشن غير لما تكون راجعته أكتر من مرة و تأكدت إن المعلومات صحيحة
* لو عملت submit للأبليكيشن و إكتشفت إنك كتبت معلومة غلط أو عايز تغيرها لو إنت لسه مادفعتش إعمل أبليكيشن جديد و القديم بيتلغى لوحده بعد فترة معينة و لو كنت دفعت هتضطر تراسلهم عشان تقدر تعمل refund
*لو حبيت مستقبلا تقدم تانى على فيزا جديدة مش هتحتاج تعمل أكونت جديد بتدخل بنفس الأكونت اللى إنت عامله سواء على visa4uk أو tlscontact
معلش البوست طويل بس أنا حاولت أكتب كل الخطوات اللى فاكراها و لو فيه حاجة ناسياها ممكن تفكرونى بيها
#دمتم_مسافرين
#Travelers_Experience