M
Mario Samir
:: مسافر ::
#إحتلال_النمسا
عايز شوية ادرينالين ؟
حابب تجرب حاجة جديدة غير المتاحف و المزارات ؟
يوم ٥ فبراير ٢٠١٧ رحنا عشان نكتشف مكان جديد في النمسا بعيد عن ڤيينا و سالزبورج و الأماكن المعروفة ، رحنا "hohe wand" و دي قرية كلها جبال مفيهاش أي نوع من انواع التأمين ، يعني الجبال و المنحدرات ملهاش سور ... لو وقعت محدش هيسأل عليك .
الناس هناك ملهاش في دوشة المدينة ، يدوبك اللي عنده مزرعة و عايش منها و في الويك إند يطلع هو و عيلته الجبل .... طلعنا احنا كمان الجبل زييهم ، و من هنا بدأت محاولات الاحتلال و رفع العلم المصرى على الاراضى النمساوية .
درجة الحرارة يومها كانت 8 تحت الصفر تقريباً بس قلت أجرب احساس البطريق عايش ازاي من غير هدوم في التلج و الصراحة طلع عنده حق ، انت بعد ١٠ دقايق مش هتحس بأطرافك و هتبدأ تتعامل مع الموقف عادي جداً ... شفت علم الرياح رحت شيلته و حطيت مكانه علم مصر و رفعته ، الناس كانت بتتفرج عليّٙا و بتبتسم و تمشى او تسألنى هو دة علم ايه .
المتعة مش لازم تبقى موجودة في العواصم و الأماكن المشهورة ، فعلاً المكان دة من أحلى الأماكن اللي رحتها ؛ المنظر و بساطة المكان يخليك عايز تقعد هناك حتى لو فى خيمة ...
لو عايز تروح hohe wand هي ساعتين من ڤيينا ، احسن مواصلة لو انتوا كتير انك تأجر عربية ب ٢٥ يورو + مصاريف البنزين ... لو انتوا ٤ او ٥ تقريباً كل واحد هيدفع ١٠ يورو و المكان يستاهل ، او ممكن تشوف علي blabla car و تروح مع حد رايح .
ساعدنا ب لايك و شير لصفحتنا لو حابب
@ Travelling Tricks
عايز شوية ادرينالين ؟
حابب تجرب حاجة جديدة غير المتاحف و المزارات ؟
يوم ٥ فبراير ٢٠١٧ رحنا عشان نكتشف مكان جديد في النمسا بعيد عن ڤيينا و سالزبورج و الأماكن المعروفة ، رحنا "hohe wand" و دي قرية كلها جبال مفيهاش أي نوع من انواع التأمين ، يعني الجبال و المنحدرات ملهاش سور ... لو وقعت محدش هيسأل عليك .
الناس هناك ملهاش في دوشة المدينة ، يدوبك اللي عنده مزرعة و عايش منها و في الويك إند يطلع هو و عيلته الجبل .... طلعنا احنا كمان الجبل زييهم ، و من هنا بدأت محاولات الاحتلال و رفع العلم المصرى على الاراضى النمساوية .
درجة الحرارة يومها كانت 8 تحت الصفر تقريباً بس قلت أجرب احساس البطريق عايش ازاي من غير هدوم في التلج و الصراحة طلع عنده حق ، انت بعد ١٠ دقايق مش هتحس بأطرافك و هتبدأ تتعامل مع الموقف عادي جداً ... شفت علم الرياح رحت شيلته و حطيت مكانه علم مصر و رفعته ، الناس كانت بتتفرج عليّٙا و بتبتسم و تمشى او تسألنى هو دة علم ايه .
المتعة مش لازم تبقى موجودة في العواصم و الأماكن المشهورة ، فعلاً المكان دة من أحلى الأماكن اللي رحتها ؛ المنظر و بساطة المكان يخليك عايز تقعد هناك حتى لو فى خيمة ...
لو عايز تروح hohe wand هي ساعتين من ڤيينا ، احسن مواصلة لو انتوا كتير انك تأجر عربية ب ٢٥ يورو + مصاريف البنزين ... لو انتوا ٤ او ٥ تقريباً كل واحد هيدفع ١٠ يورو و المكان يستاهل ، او ممكن تشوف علي blabla car و تروح مع حد رايح .
ساعدنا ب لايك و شير لصفحتنا لو حابب
@ Travelling Tricks