M
Mahmoud Samir Bedair
:: مسافر ::
سفرية تركيا تعتبر اسهل سفرية للمصريين .تاشيرتها سهله و مصاريفها قليله واللى بيسافروا لتركيا سواء للشوبنج او للمزارت التاريخيه المهمه كلهم بيجمعوا انها بلد جميله و نظيفه و منظمه جدا وليها بنية تحتيه قوية لكن عيبها فرق اللغه لان الاتراك نادرا ما بيعرفوا لغه غير لغتهم وعندهم طباع غير محببه لنا كعرب زى عصبيتهم.
12- تركيا
السفر لتركيا يكاد يكون زى المنهج الدراسى محفوظ عشان كده ححاول اكسر المألوف شوية وانا بتكلم عن تركيا.
عاصمتها السياسية انقرة, عاصمتها التاريخيه و السياحية اسطنبول. بتتمتع بموقع جغرافى مميز بين اوروبا و اسيا جوها و مناخها رائعين و فيها تنوع جغرافى متميز و تاريخ طويل. عملتها الليرة. الدولار بيساوى تقريبا 3.5 ليرة وليها حدود مع جورجيا وأرمينيا وإيران والعراق وسوريا واليونان وبلغاريا. التاشيرة للمصريين سهله و معفى عن التقديم للسفارة كل من هو فوق ال40.
اسطنبول فيها شبكة مواصلات قوية جدا مش حتحتاج غير تذكرة المترو عشان تتحرك فيها بسهوله جدا
افضل مناطق الاقامة هى منطقة تقسيم لمحبى الشوبنج و منطقة السلطان احمد لمحبى المزارات و التاريخ.
اهم المزارات:
تقسيم : ساحة ميدان تقسيم الشهيره و شارع استقلال لمحبى التسوق و الحياة الليليه.
منطقة السلطان احمد : الجامع الازرق(السلطان احمد) - ايا صوفيا - المتحف الاسلامى - قصرو متحف توبكابى اللى فيه اثرالنبى - سوق الجراند بازار - و اعمدة اليرابيتان (خزان البازليك او خزان الكاتدرائية) و ده عبارة عن بحيرة مبنية تحت الارض
ميدان امين اونو : اللى فيه ميناء امين اونو و منه ممكن تاخدوا رحلات لمضيق البسفور - و الجامع الصغير يني كامى اللى فيه الحمام مبيسيبش ساحاته - و جسر غلاطه وده الكوبرى اللى بيعدى فوق المضيق زى قصر النيل عندنا كده - السوق المصرى او ميسير جارشى لمحبى التوابل و البضاعة الرخيصه - برج غلاطه الشهير اللى من ارتفاعه تشوف المضيق واسطنبول
قبطاش : و فيها ميناء تانى مهم منه ممكن تاخدوا رحلاب بالعبارة لبورصه و بالقرب منه واحد من اهم مزارات تركيا عموما وهو قصر الخلافة دولماباهتشه Dolmabahçe
الجانب الاسيوي: الجزء اللى فى قارة اسيا من اسطنبول مميز والناس اللى بتروح مش بتهتم بيه اوى مع ان فيه مناطق جميله جدا زى مرتفع تشاميليجا (تل العرايس)- ميني تورك و دى عبارة عن حديقة فيها معالم تركيا مصغيرة
سلطان ايوب : منطقة السلطان ايوب فيها ضريح سيدنا ايوب الانصارى - و فيها التليفريك و منطقة المدافن بالاضافة الى انها قريبه لواحد من اهم و اكبر الجوامع فى تركيا مسجد محمد الفاتح.
جزيرة الاميرات : 9 جزر جميله فى وسط البسفور بيتم تنظيم الرحلات ل 4 منهم اهمهم بيوك اضا اللى مجازا بيتقال عليها جزيرة الاميرات و دى ممكن يتنظم لها رحلة نصف يوم من ميناء يني كابى او باكيركوى تتفرجوا فيها على مضيق البسفور و متنسوق تلعبوا مع طيور النورس و تحدفولها حتت عيش .
فلوريا: و دى المنطقة الاحدث من اسطنبول فيها حديقة جميله جدا و المتحف المائى الاكواريوم اللى من اجمل المتاحف المائية فى العالم.
نهر ترابيا و غابات بلجراد : و دى تعتبر بره اسطنبول لكنها قريبه نسبيا 25 كم تقريبا و الوصول ليها سهل.
اخيرا الشوبنج : و غير منطقة تقسيم فى مولات مميزه جدا زى جواهر او جفاهر زى ما بينطقوها و ده فى الدور الارضى منه محطة مترو شيشلي و مول اوليفيوم فى منطقة زيتونبرنو و مول استنيا بارك.
--------------------
البرنامج المثالى لبلد زى تركيا بيعتمد انت مسافرها ليه, لو للشوبنج بس فاسطنبول حتكون كافية لكن لو نفسك تشوف طبيعه و مزارات اكتر لازم تروح بلاد تانيه مميزه غير اسطنبول زى :
بورصه: عشان تشوفوا جبل اولوداج اللى بيتغطى بالتلج فى الشتا و البيوت المميزه اللى على الجبل والشجره الكبيره اللى من الاقدم فى العالم.الوصول ليها بالعبارة سهل جدا من ميناء قبطاش او امين اونو او الميناء الرئيسي.
و بولو : اللى فيها طبيعه جميله جدا و بحيرة رائعه اسمها ابانت وليها رحلات سياحيه من اسطنبول.
كبادوكيا : المشهوره برحلات البالون الطائر و الطبيعه الجبلية و منطقة جوريمي goreme
باموكالى : اللى فيها الينابيع الحارة الشهيرة اللى لونها ابيض زى التلج فى منطقة دنزيلي
انطاليا : لمحبي البحر الابيض المتوسط مع العلم انها مدينة تتحدث العربية بطلاقة زى جنوب تركيا عموما و زيها فى الطبيعه داليان و مرمريس.
متنسوش تجربوا السميط خصوصا فى سميط ساراى و المشويات و الحلويات التوركيش ديلايتس و تدعولى
12- تركيا
السفر لتركيا يكاد يكون زى المنهج الدراسى محفوظ عشان كده ححاول اكسر المألوف شوية وانا بتكلم عن تركيا.
عاصمتها السياسية انقرة, عاصمتها التاريخيه و السياحية اسطنبول. بتتمتع بموقع جغرافى مميز بين اوروبا و اسيا جوها و مناخها رائعين و فيها تنوع جغرافى متميز و تاريخ طويل. عملتها الليرة. الدولار بيساوى تقريبا 3.5 ليرة وليها حدود مع جورجيا وأرمينيا وإيران والعراق وسوريا واليونان وبلغاريا. التاشيرة للمصريين سهله و معفى عن التقديم للسفارة كل من هو فوق ال40.
اسطنبول فيها شبكة مواصلات قوية جدا مش حتحتاج غير تذكرة المترو عشان تتحرك فيها بسهوله جدا
افضل مناطق الاقامة هى منطقة تقسيم لمحبى الشوبنج و منطقة السلطان احمد لمحبى المزارات و التاريخ.
اهم المزارات:
تقسيم : ساحة ميدان تقسيم الشهيره و شارع استقلال لمحبى التسوق و الحياة الليليه.
منطقة السلطان احمد : الجامع الازرق(السلطان احمد) - ايا صوفيا - المتحف الاسلامى - قصرو متحف توبكابى اللى فيه اثرالنبى - سوق الجراند بازار - و اعمدة اليرابيتان (خزان البازليك او خزان الكاتدرائية) و ده عبارة عن بحيرة مبنية تحت الارض
ميدان امين اونو : اللى فيه ميناء امين اونو و منه ممكن تاخدوا رحلات لمضيق البسفور - و الجامع الصغير يني كامى اللى فيه الحمام مبيسيبش ساحاته - و جسر غلاطه وده الكوبرى اللى بيعدى فوق المضيق زى قصر النيل عندنا كده - السوق المصرى او ميسير جارشى لمحبى التوابل و البضاعة الرخيصه - برج غلاطه الشهير اللى من ارتفاعه تشوف المضيق واسطنبول
قبطاش : و فيها ميناء تانى مهم منه ممكن تاخدوا رحلاب بالعبارة لبورصه و بالقرب منه واحد من اهم مزارات تركيا عموما وهو قصر الخلافة دولماباهتشه Dolmabahçe
الجانب الاسيوي: الجزء اللى فى قارة اسيا من اسطنبول مميز والناس اللى بتروح مش بتهتم بيه اوى مع ان فيه مناطق جميله جدا زى مرتفع تشاميليجا (تل العرايس)- ميني تورك و دى عبارة عن حديقة فيها معالم تركيا مصغيرة
سلطان ايوب : منطقة السلطان ايوب فيها ضريح سيدنا ايوب الانصارى - و فيها التليفريك و منطقة المدافن بالاضافة الى انها قريبه لواحد من اهم و اكبر الجوامع فى تركيا مسجد محمد الفاتح.
جزيرة الاميرات : 9 جزر جميله فى وسط البسفور بيتم تنظيم الرحلات ل 4 منهم اهمهم بيوك اضا اللى مجازا بيتقال عليها جزيرة الاميرات و دى ممكن يتنظم لها رحلة نصف يوم من ميناء يني كابى او باكيركوى تتفرجوا فيها على مضيق البسفور و متنسوق تلعبوا مع طيور النورس و تحدفولها حتت عيش .
فلوريا: و دى المنطقة الاحدث من اسطنبول فيها حديقة جميله جدا و المتحف المائى الاكواريوم اللى من اجمل المتاحف المائية فى العالم.
نهر ترابيا و غابات بلجراد : و دى تعتبر بره اسطنبول لكنها قريبه نسبيا 25 كم تقريبا و الوصول ليها سهل.
اخيرا الشوبنج : و غير منطقة تقسيم فى مولات مميزه جدا زى جواهر او جفاهر زى ما بينطقوها و ده فى الدور الارضى منه محطة مترو شيشلي و مول اوليفيوم فى منطقة زيتونبرنو و مول استنيا بارك.
--------------------
البرنامج المثالى لبلد زى تركيا بيعتمد انت مسافرها ليه, لو للشوبنج بس فاسطنبول حتكون كافية لكن لو نفسك تشوف طبيعه و مزارات اكتر لازم تروح بلاد تانيه مميزه غير اسطنبول زى :
بورصه: عشان تشوفوا جبل اولوداج اللى بيتغطى بالتلج فى الشتا و البيوت المميزه اللى على الجبل والشجره الكبيره اللى من الاقدم فى العالم.الوصول ليها بالعبارة سهل جدا من ميناء قبطاش او امين اونو او الميناء الرئيسي.
و بولو : اللى فيها طبيعه جميله جدا و بحيرة رائعه اسمها ابانت وليها رحلات سياحيه من اسطنبول.
كبادوكيا : المشهوره برحلات البالون الطائر و الطبيعه الجبلية و منطقة جوريمي goreme
باموكالى : اللى فيها الينابيع الحارة الشهيرة اللى لونها ابيض زى التلج فى منطقة دنزيلي
انطاليا : لمحبي البحر الابيض المتوسط مع العلم انها مدينة تتحدث العربية بطلاقة زى جنوب تركيا عموما و زيها فى الطبيعه داليان و مرمريس.
متنسوش تجربوا السميط خصوصا فى سميط ساراى و المشويات و الحلويات التوركيش ديلايتس و تدعولى
)