سؤال لو سمحتم هو لو مسافرين مكان ومفيهوش اكل...

  • بادئ الموضوع بادئ الموضوع Aisha Ahmed
  • تاريخ البدء تاريخ البدء
عرض العطلة
A

Aisha Ahmed

:: مسافر ::
#1
سؤال لو سمحتم هو لو مسافرين مكان ومفيهوش اكل حلال كتير وخاصه دول اوربا بتعملوا ايه نفسى اسافر مالطا او ايطاليا او اسبانيا بس موضوع الاكل ده عملى مشكله فخبراتكم ايه فى الموضوع ده
 
#2
بسم الله
انا سافرت كتير كل الاماكن دي ومعاكي حق فعلا بتكون مشكلة خصوصا لو ساكنة بفندق مش شقة
اولا لازم تكوني عارفة ان ربنا احل لينا ذبح اهل الكتاب وبالتالي اكل الطيور حلال والاسماك طبعا وحتى اللحوم ما عدا الخنزير اكلها حلال
الخنزير بيسمو لحمه هاام
اتاكدي ان المذبوح مش حرام وسمي الله وكلي
اما عني شخصيا اذا كنت انا وزوجي فقط بنحاول في المطاعم ناكل طيور غير ان في محلات اكل حلال لتوانسة ومغاربة كتير خصوصا روما وباريس
ولو معايا اولادي مش حاكذب عليكي باخد معايا لحوم مطهية مجمدة زي كفتة وصدور دجاج وكدا باعبي شنطة كاملة وباجر شقة مش فندق عشان الفريزر وتجهيز مكرونات او ارز جنب الاكل
 
#5
في مطاعم حلال
بيكون اصحابهابكستانين وعرب
في ايطاليا روما جمب محطة تريمني اكتر من 100مطعم كنا بناكل فيهم
وفي فرنسا باريس عند نوتردام شارع كامل
مطلاعم تركي وعربي وباكستاني
في لندن مطاعم كتير مكتوب عليها كمان بالعربي
في اليونان اثينا
مطاعم عربي كتير
ولو اي دوله معرفتيش تلاقي مطعم حلال كلي خضروات واساليهم على الدهون اللي فيها
انا طلبت بيتزا من الفندق طبعا همه شايفين الحجاب
قالولي بالليل نعملك بيتزا حلال مع اني طالبها بيتزا خضار
بس علشان هم بيحطوا في العجينه خمره وممكن دهون خنزير احترمتهم جدا
 
عرض العطلة
#8
الموضوع دلوقتي بقي اسهل من زمان بكتييير.
الانترنت بتدوري في اي مدين بتلاقي محلات الحلال موجوده او لو في حته مقطوعه بقضيها vegetarian or seafood
 
عرض العطلة
#11
أنا بسأل وبعدين الدول دي فيها جاليه مسلمه كبيره فموجود اكل حلال وبعدين دخلتي اَي مطعم اسألي ومعظم المطاعم مكتوب عليها حلال
 
#12
في اسبانيا دي كانت معاناتي ... للاسف معظم اللحوم خنزير .. حتي الكرواسون الشيبسيات والمخبوزات فيها خنزير .. بس هم من الهيئة بيعرفوا انك مسلمة فبيعرفوكي ... لكن الاكل لا يقلق ... القلق الاكبر يأتي من الحماااااااااااااام
 
#13
اوروبا مفهاش مشكلة تخص الاكل لان محلات العربي والسوري والتركي في كل مكان تقريبا . ربنا احل لينا ذبائح اهل الكتاب وكان فية نقطة خلاف اذا كان واجب لينا تتبع طريقة الذبح ولا لا . لان اللي بيحصل في بلاد كتير ان الذبيحة بتضرب رصاصة في المخ قبل ذبحها من رقبتها ودا عشان قوانين الرحمة بالحيوان . وكان الرأي الغالب ان مفيش داعي لتتبع طريقة الذبح ويكفي انهم مسيحيين او يهود . احيانا بيكون الاكل حلال لكن المواد المستخدمة في المكونات مش حلال . فيها اختلاف برضة لان ناس قالت لحم الخنزير حرام لكن دا لا يشمل دهونه وجلدة وشعرة . الخلاصة ان الواحد يعمل اللي علية بقدر الإمكان وخلاص .
 
#14
لو الموضوع صعب الحل سهل lidl او aldi او كارفور وقضوها تونة واسماك وفواكة والاسعار رخيصة جدا خاصة lidl والفروع منتشرة فى كل أوروبا فقط البحث gps عن أقرب فرع منكم . عامة موضوع الأكل سهل جدا ومش مكلف
 
#15
الفراخ و اللحوم مش حلال طبعا تعبت جدا و كنت عايشه على البطاطس و المكرونه في الفودكورت بس سمعت انك تسمي و تكلي طالما مش خنزير
 
عرض العطلة
#18
الجروب مش مكان امثل عشان مناقشة موضوع معتمد علي الفتوى الدينية . اللحوم بخلاف الخنزير حلال من اهل الكتاب بدون شروط . مفيش مبرر ان الموضوع يكون مقلق بالشكل دا والنت مليان فتاوى تخص النقطة دي .
 
#19
اوربا فيها اكل حلال في كل نواحيها، عليك فقط ان تبحثي. في حالة عدم وجود الاكل الحلال من الاحسن ان يختار المسافر السمك او يكتفي بالبيض، و ان يطلب اكل خال من الكحول.
و من الاحسن ان لا نتخذ لانفسنا اعذارا تافهة لاننا لا نسافر للضرورة بل للمتعة
 
#20
شكرا جدا على تعليقاتكم وطبعا هو مجرد سؤال جه على بالى واكيد بيشغل ناس كتير من اللى بيحبوا السفر وطبعا السؤال مش القصد منه انى تحصل على فتوى ابدا انا بسال هل هو متوفر ولا لاه لان زى ما ناس كتير علقت على نقطه حتى المعجنات بيدخل فيها خمر وحتى صوص السمك بيكون موجود فيه خمر فبسال انتم بنلاقوا اكل حلال بسهوله لا لاه عشان مش معقول حقضيها فاكهه وطبعا مستحيل فكره انى اخد اكل معايا
عموما شكرا جدا ليكم
 
عرض العطلة
عرض العطلة
عرض العطلة
أعلى أسفل
عودة
قائمة