مساء السفر و السعاده علي شباب الجروب بنات...

[Reham Elhamy]

Shereen AboSamra انت سافرتى كلهم مرة واحدة ,انا هسافر جنيف و ايطاليا باريس و اليونان بس كنت عايزة اعرف اتنقل اذاى ما بينهم

 

[Shereen AboSamra]

Reham Elhamy لا طبعا مش مرة واحدة
ممكن تتنقلى بكذا وسيلة بس الطيران بيبقى كتير أحسن حل لأنه تقريبا بيكون نفس تمن القطار بس أسرع ولو كده ممكن تدخلى على www.skyscanner.com هتلاقى أسعار الطيران الداخلى رخيصة جدا وشوفو اللى يناسبك

 

[Reham Elhamy]

طيب اة رايك فى جنيف اة الأماكن ال ممكن تتزاؤ فيها لانى نزلاها اول حاجة عشان طلعت ارخص سعر طيارة

 

[Mohamed Yehia]

جنيف مدينة حلوة بس مفيهاش حاجات كتير تتعمل
من المطار في تذكرة ببلاش للقطر تاخديها للسيتي سنتر تتمشي علي البحيرة وخلاص
لو في وقت تاخدوا القطر لمدينة مونتري ودي علي بحيرة جنيف برضه بس منظر الجبال والبحيرة جميلة جدا احسن من جنيف
ولو في وقت اكبر عندك قطر الجولدن باص من مونتري لانترلاكن ده قصة لوحده ومن اجمل الرحلات في اوروبا لانه طريقه وسط الجبال والبحيرات ولو عاوزه تكملي الطريق ممكن في يوم تاني تاخدي باقي اللاين من انترلاكن للوسيرن ده اجمل واجمل تقضي اليوم في لوسيرن ومنها قطر لاي مكان تاني سواء جنيف او بازل او زيروخ وتكملي رحلتك

 

[Shereen AboSamra]

چنيف بالنسبالى كفاية عليها يومين،، هتروحى Lake of Geneva وتزورى البلد القديمة دى حلوة اوى وتزورى كمان مبنى الامم المتحدة،، بس خدى بالك هى غالية كتير ومنصحكيش بشوبينج عشان حتى البراندات العادية زى Zara & H&M بيكونو غاليين عن الطبيعى
وبالنسبة للمواصلات هى ببلاش للسياح، هتنزلى المطار تدورى على ماشين بتدى تيكت فرى للأوتوبيس العام وانزلى طبعا فى اقرب مكان للأوتيل ولما تروحى الاوتيل اطلبى منه كارت للمواصلات وده بتكتبى فيه اسمك ومدة الإقامة واسم الاوتيل وده بيخليكى تركبى المواصلات ببلاش
ولازم تجربى الcheese fondue ودى من أشهر الأكلات عندهم ودى عبارة عن مجموعة جبن مخلوطة وسايحة وبيجيلك معاها إضافات مختلفة ممكن عيش او خضار او لحمة

 

[Mohamed Yehia]

سويسرا كلها يا مناظر طبيعية
ياجبال وتلفريك وهايكينج يعتمد علي ايه اللي عاوزينه

 

[Doaa Negm]

ممكن تحكي من اول الفيزا والطيران اختارتي ازاي وايه والفندق وكمان كل بلد فضلتي فيها كم يوم