S
Shereen AboSamra
:: مسافر ::
دائماً كان نفسى أزور دول شرق آسيا،، طبيعة ، خضرة، جبال، بحر ، ثقافات وديانات مختلفة عننا ،، حاجة كده غنية اوى بالتفاصيل .
بصراحة كنت مأجلة الموضوع عشان ناس كتير كانت راحت وبتقول انها مش أمان او الأكل مش حلو وحاجات كده كتير.
المهم السنة دى قررت أخوض التجربة بنفسى واخد خبرتك الشخصية عن الجانب ده من الكرة الارضيّة
طيب نبدأ بالڤيزا،، معظم دول شرق آسيا من غير فيزا زى اندونيسيا وماليزيا ،، طيب مفيش مشاكل اوى فى الفيزا ،، توكلنا على الله
نبتدى بتذكرة الطيران،، دورت على أرخص وجهة وألقيت انها تايلاند ، بس تايلاند بڤيزا ،، طب ايه طلباتها
كشف حساب م البنك
HR Letter
طيران وأوتيل مبدأى
وجواز سفر سارى
تمن الفيزا ٣٠٠ جنيه وبتاخدها خلال ٣ ايام عمل وبتكون لمده ٣ شهور ومش لازم تروح السفارة بنفسك ممكن تبعت اى حد
حجز الطيران:
طبعا دورت على skyscanner عشان اشوف أحسن سعر ،، المهم ونا بدور جاتلى الفكرة الشيطانية بتاعة كل سفرية وهى طالما كده كده دافع تذكرة الطيران ليه تزور بلد واحدة بس لما ممكن تزور اكتر من دولة
طب أنا نفسى أزور كوالالمبور وكمان ازاى اروح آسيا ومروحش بالى
وكده اكتملت الخطة.
بوكيت تايلاند،، كوالالمبور ماليزيا ،، بالى اندونيسيا وأخلى حاجة ان مفيش ولا واحدة من دول محتاجة فيزا
طيب دورت على تذكرة ولاقيت واحدة ع الملكية الاردنية ب ٣٦٥٠ جنيه القاهرة بانكوك وچاكرتا القاهرة والترانزيت كان فى عمان ٥ ساعات ونا رايحة و٣ ونا راجعة يعنى كويس جدا توكلنا على الله
ظبطت الطيران الداخلي كله على AirAsia وبيتراوح سعره بشنطة٢٠ ك من ٤٠٠-٦٠٠ جنيه على حسب المسافة
اول وجهة تايلاند
بما ان الطيران على بانكوك قررنا نقعد ليلة نشوف البلد،، البلد نضيفة جداا ومنظمة والنَّاس لطيفة "عكس الفكرة اللى كانت عندى"
حجزنا فى Glur Bangkok hostel بس أخدنا غرفة دبل كانت بحوالي ٢٥٠ جنيه فى الليلة
المواصلات خدنا المترو لغاية وسط البلد وبعد كده توكتوك الهوستيل
الهوستيل كان جنبه مول حلو جدا وشارع كله اكل ولبس وشارع تانى كله خضار وفاكهة وقدامنا سوير ماركت seven elevenيعنى مش محتاجين حاجة تانية ،، مكان صاحى جدا ولطيف،، البلد بتقفل ع الساعة ١٠ تقريبا وعشان كده ملحقناش نتحرك كتير فيها
تانى يوم الصبح طائرتنا لبوكيت
الإقامة ،، كنت حاجة فى اوتيل اسمه Swiss Patong وده فى Patong Beach Area الاوتيل متوسط وع البحر مباشرة والليلة كانت ب ٢٠٠ جنيه فى اليوم فى الغرفة الدبل
المواصلات،، لما هتنزل المطار فى عندك ٢ option فى shuttle bus ده ب١٨٠ بات بس مش بيتحرك غير لما يكمل وانت وحظك وممكن تاخد تاكسى وده ب٨٠٠ بات
جوه البد بقى المواصلة الرسمية هى التوكتوك بس اكبر شوية من بتاعنا
المواصلة بقى الاكتر شهرة هى الموتوسيكل،، يعنى حضرتك ممكن تأجير موتوسيكل تتحرك بيه زى مانت عايز ب٣٠٠ بات فى اليوم ودى تجربة فشلت فيها فشل زريع
الاكل،،، الأكل يا جماعة فظييييع فى تايلاند ،، أنا تقريباكنت باكل ١٠ مرات فى اليوم عشان اجرب الاكل كله
المهم كل الاكل اللى عايزة موجود لدرجة ان فى مطعم اسمه القاهرة بيعمل أكل مصرى وفى شاورمة سورى كله موجود يعنى
المزارات،، لازم تروح James Bond & Phi Phi islands ودوّل بيتراحو على يومين وبتحجزهم تبع شركة سياحة بيكونو موجودين فى الشارع وبيكون بحوالي ٥٠٠ جنيه فى اليوم شامل المواصلات والغدا وعدة الsnorkling
لو مجنون زيى ممكن تعمل zipping وده تحفة بحوالي ٥٠٠ جنيه بردو
بعد كده ممكن تأجر توكتوك يوم كامل يلففك مزارات البلد زى معبد Big Buddha & Wat Chalongومزارات تانية ممكن تختارها من الVouture اللى هتلاقيه مع سواق التوكتوك وده بياخد ٨٠٠ بات فى
اليوم
معلش طولت عليكو ،، ان شاء الله احكيلكم عن باقى الرحلة الأيام الجاية
وفى الاخر خليكو عارفين حاجة،، كل واخد بيحكى وجهة نظره من خلال تجربته الشخصية،، مفيش حلو ووحش عشان كلنا مش بنحب نفس الحاجة
م الاخر #سافر_get_your_own_Experience
بصراحة كنت مأجلة الموضوع عشان ناس كتير كانت راحت وبتقول انها مش أمان او الأكل مش حلو وحاجات كده كتير.
المهم السنة دى قررت أخوض التجربة بنفسى واخد خبرتك الشخصية عن الجانب ده من الكرة الارضيّة
طيب نبدأ بالڤيزا،، معظم دول شرق آسيا من غير فيزا زى اندونيسيا وماليزيا ،، طيب مفيش مشاكل اوى فى الفيزا ،، توكلنا على الله
نبتدى بتذكرة الطيران،، دورت على أرخص وجهة وألقيت انها تايلاند ، بس تايلاند بڤيزا ،، طب ايه طلباتها
كشف حساب م البنك
HR Letter
طيران وأوتيل مبدأى
وجواز سفر سارى
تمن الفيزا ٣٠٠ جنيه وبتاخدها خلال ٣ ايام عمل وبتكون لمده ٣ شهور ومش لازم تروح السفارة بنفسك ممكن تبعت اى حد
حجز الطيران:
طبعا دورت على skyscanner عشان اشوف أحسن سعر ،، المهم ونا بدور جاتلى الفكرة الشيطانية بتاعة كل سفرية وهى طالما كده كده دافع تذكرة الطيران ليه تزور بلد واحدة بس لما ممكن تزور اكتر من دولة
طب أنا نفسى أزور كوالالمبور وكمان ازاى اروح آسيا ومروحش بالى
وكده اكتملت الخطة.
بوكيت تايلاند،، كوالالمبور ماليزيا ،، بالى اندونيسيا وأخلى حاجة ان مفيش ولا واحدة من دول محتاجة فيزا
طيب دورت على تذكرة ولاقيت واحدة ع الملكية الاردنية ب ٣٦٥٠ جنيه القاهرة بانكوك وچاكرتا القاهرة والترانزيت كان فى عمان ٥ ساعات ونا رايحة و٣ ونا راجعة يعنى كويس جدا توكلنا على الله
ظبطت الطيران الداخلي كله على AirAsia وبيتراوح سعره بشنطة٢٠ ك من ٤٠٠-٦٠٠ جنيه على حسب المسافة
اول وجهة تايلاند
بما ان الطيران على بانكوك قررنا نقعد ليلة نشوف البلد،، البلد نضيفة جداا ومنظمة والنَّاس لطيفة "عكس الفكرة اللى كانت عندى"
حجزنا فى Glur Bangkok hostel بس أخدنا غرفة دبل كانت بحوالي ٢٥٠ جنيه فى الليلة
المواصلات خدنا المترو لغاية وسط البلد وبعد كده توكتوك الهوستيل
الهوستيل كان جنبه مول حلو جدا وشارع كله اكل ولبس وشارع تانى كله خضار وفاكهة وقدامنا سوير ماركت seven elevenيعنى مش محتاجين حاجة تانية ،، مكان صاحى جدا ولطيف،، البلد بتقفل ع الساعة ١٠ تقريبا وعشان كده ملحقناش نتحرك كتير فيها
تانى يوم الصبح طائرتنا لبوكيت
الإقامة ،، كنت حاجة فى اوتيل اسمه Swiss Patong وده فى Patong Beach Area الاوتيل متوسط وع البحر مباشرة والليلة كانت ب ٢٠٠ جنيه فى اليوم فى الغرفة الدبل
المواصلات،، لما هتنزل المطار فى عندك ٢ option فى shuttle bus ده ب١٨٠ بات بس مش بيتحرك غير لما يكمل وانت وحظك وممكن تاخد تاكسى وده ب٨٠٠ بات
جوه البد بقى المواصلة الرسمية هى التوكتوك بس اكبر شوية من بتاعنا
المواصلة بقى الاكتر شهرة هى الموتوسيكل،، يعنى حضرتك ممكن تأجير موتوسيكل تتحرك بيه زى مانت عايز ب٣٠٠ بات فى اليوم ودى تجربة فشلت فيها فشل زريع
الاكل،،، الأكل يا جماعة فظييييع فى تايلاند ،، أنا تقريباكنت باكل ١٠ مرات فى اليوم عشان اجرب الاكل كله
المهم كل الاكل اللى عايزة موجود لدرجة ان فى مطعم اسمه القاهرة بيعمل أكل مصرى وفى شاورمة سورى كله موجود يعنى
المزارات،، لازم تروح James Bond & Phi Phi islands ودوّل بيتراحو على يومين وبتحجزهم تبع شركة سياحة بيكونو موجودين فى الشارع وبيكون بحوالي ٥٠٠ جنيه فى اليوم شامل المواصلات والغدا وعدة الsnorkling
لو مجنون زيى ممكن تعمل zipping وده تحفة بحوالي ٥٠٠ جنيه بردو
بعد كده ممكن تأجر توكتوك يوم كامل يلففك مزارات البلد زى معبد Big Buddha & Wat Chalongومزارات تانية ممكن تختارها من الVouture اللى هتلاقيه مع سواق التوكتوك وده بياخد ٨٠٠ بات فى
اليوم
معلش طولت عليكو ،، ان شاء الله احكيلكم عن باقى الرحلة الأيام الجاية
وفى الاخر خليكو عارفين حاجة،، كل واخد بيحكى وجهة نظره من خلال تجربته الشخصية،، مفيش حلو ووحش عشان كلنا مش بنحب نفس الحاجة
م الاخر #سافر_get_your_own_Experience
المهم بعد مناقشات كتير مع الراجل قرر يضحى بموتوسيكل ويخلينى اجرب ،، الدنيا مشيت تمام والراجل بدأ يقتنع لغاية ونا بركن طلعت فوق الرصيف ووقعتله كل الموتوسيكلات التانية،،، ساعتها الراجل قالى انتى لو سوقتى انا ممكن اتسجن