E
EL Sadat MoHyi
:: مسافر ::
تجربة التقديم على فيزا جمهورية ايرلندا الجنوبية ( دبلن)
- في البداية انا كنت محتاج بلد غنية بالطبيعة وهادئة و مختلفة شوية عن دول اوروبا ف أخترت دبلن بعد طبعا ما قرأت كتير و طبعا الأخوة هنا كان ليهم عامل كبيرفي الإختيارمن خلال كتابة التجارب تبعهم و طبعا مشكورين على ذلك.
- أول خطوة عملتها اني حجزت فندق في مدينة دبلن و مدينة Galway طبعا كان حجزي عن طريق موقع بوكينج وطبعاً لازم ننتبه ان يكون الإلغاء مجاني إضافة الى لا يتطلب أي وديعة نقدية ... طبعا انا من رأيي ان خطوة حجز الفندق هي الأولى ... لأخذ العنوان وكتابته في الأبلكشين.
- تعبئة الابلكشين أون لاين عن طريق الموقع /AVATS
- بعد الإنتهاء من التعبئة سوف يتطلب طباعة Application Summary - - وده أول ورقة هتكون مرفقة مع الأوراق.
- حجز موعد عن طريق خدمة فودافون من الرقم 090070678 خط أرضي او عن طريق الموبايل 2101 .
- تجهيز الأوراق المطلوبة وهي كالتالي :-
1- خطاب تعريف من جهة العمل.
2- Application Summary اللي وضحته سابقاً.
3- كشف حساب بنكي ( 6 أشهر).
4- حجز الفندق.
5- عدد(2) صورة شخصية مقاس 3.5 *4.5
6- أصل جواز السفر واي جوازات سفر سابقة لفحصها اذا كانت تحتوي على فيز سابقة – او يتم اخذها احتياطي ما هتخسر + صورة كاملة من جوازات السفر طبعا الصفحات الموجود على اختام وتأشيرات وخلافه.
7- حجز طيران ... طبعاً انا عملت حجز طيران مؤكد وديه مخاطرة بس قلت عشان اثبت الجدية امام السفارة وحتى لو ما تم الموافقة على الفيزا مو مشكلة اني اخسر وبعد كده اعمل Refund ... وبالفعل حجزت ذهاب من خلال الموقع الإلكتروني لطيران الإتحاد و تذكرة عودة من خلال الخطوط التركية وطبعا كانت خطوط مختلفة لان انا رحلة ذهابي مختلفة عن عودتي على مكان أخر.
8- بخصوص التأمين الطبي فعلا كان مطلوب وممكن تعمله من أي مكتب جنب السفارة تعطي لهم جواز سفرك وتقول لهم البلد اللي انت مسافر ليها والمدة و اقل شيء 10 ايام بمبلغ 102 ج.
جهزت كل ده وطبعا لان في انترفيو رتبت أفكاري و الأسئلة المتوقعة وتوكلت على الله وذهبت للسفارة والموجودة في شارع حسن صبري – حي الزمالك طبعا هو يعتبر حي السفارات في مصر لأن اغلب السفارات موجودة فيه وسفارة هولندا + ايرلندا نفس المبنى
رحت وكلمت البنت تبع الأمن اني لدي موعد قالت هات جواز سفرك اتفضلي عملت تشك ... فتحت البوابة قالت اتفضل ... أكدت معاية معاك فلوس على ثمن التأشيرة بالظبط قلت ايوة قالت اكيد قلت اه قالت لية معاك خطاب موجه للسفارة لخطة سفرك قلت لأ قالت طيب خذ الابلكشين ده واكتبه وارفقه مع الأوراق ... بعد كده تشك سريع على أغراضك وعليك وبعد كده تتفضل على مقاعد خشبية كده وتنتظر لين يبلغ الموظف بالداخل تبع الأمن بدخولك... الموظف بلغ بعدها كده ب ربع ساعة قالت ادخل ... دخلت شباك رقم 1
موظف مصري في الظريف كده سألني كالأتي ... أنت مسافر ايرلندا ليه ... مسافر سياحة طيب لية اخترت ايرلندا قلت ليه عشان انا عايز بلد هادية وطبيعة وقرأت كتير عنها عشان كده اخترتها وانا محتاج بلد استجم فيها قبل عودتي للشغل تبعي بالسعودية ... سأل الموظف انت ليه طيب ما قدمت على فيزا UK قلت ليه انا ما فكرت اني اقدم على انجلترا لأنها Crowded قالي طيب سافرت قبل كده قلت ايوة كذا كذا قالي هات جوازات سفرك وورقك طيب فضل يفحص في جوازات سفري السابقة ويشوف الفيز من قبل قالي طيب تمام انتظرني بالخارج تاني وهنادي عليك قلت له طيب ... خرجت وانتظرته نادى عليه دخلت قالي انت موقفك قوي وورقك جيد وكذا وسجل سفرك ممتاز بس معلش انت لازم تقدم من سفارة الرياض ولأنك عامل 3 ابلكشين اون لاين ... (طبعا انت لما تكتب ابلكشين اون لاين بيقول لك انت بتقدم منين حاليا وفي النهاية بيحدد لك السفارة اللي راح تقدم منها ) والرابع انت كاتبه انك تقدم من مصر فلازم من الرياض قلت ليه طيب السبب هو اني مقيم في جدة واني اتصلت بالسفارة هناك قالوا لازم ترسل الورق عن طريق البريد و انا بصراحة ما بفضل طريقة الإرسال بالبريد تحسباً لأي ظروف وقلت انا بما اني نازل اجازة في مصر قلت اقدم من هنا وبعدها اسافر ايرلندا ومنها ارجع السعودية على شغلي وقلت ليه على فكرة لو انت شاكك 1% في اني هكسر فيزا انا اولا برفض هذا الفكرة ثانيا من سنة 2008 كان عندي اني اكسر فيزا في استراليا او امريكا او اوروبا وقلت ليه انا كمان حاجز تذاكر مؤكدة وبكده انا هخسر فيهم كتير ... قالي طيب انتظر تاني 10 د ... خرجت انتظرت دخلت لقيته بقى طلع ليه ال Supervisor تبعهم ست في منتصف سن الأربعين ايرلندية قالت ليه ( طبعا هي تتكلم انجليزي ) بص ي محي انت لازم تقدم من الرياض فعلا لأني ما اضمن صحة الأوراق وهناك عشان انت مقيم لازم تقدم من هناك وقالت قصة حجز الطيران المؤكد مش مشكلتي قلت ليها انا عارف ان ده شيء خاص فيني قالت على فكرة الكثير من دول الخليج بتقدم من هناك والسفارة سهلة انها تصدر لك الفيزا هناك طالما ورقك مظبوط و موقفك قوي قلت ليها يعني مستحيل قالت سوري قلت اوك اخذت ورقي ومشيت وهما بصراحة ما استلموا مني اي فلوس.
انا طبعا فهمت انها قلقانة تاخد قرار اعطائي الفيزا لأن خطاب التعريف تبعي والشركة والاقامة كلها في السعودية.
- في البداية انا كنت محتاج بلد غنية بالطبيعة وهادئة و مختلفة شوية عن دول اوروبا ف أخترت دبلن بعد طبعا ما قرأت كتير و طبعا الأخوة هنا كان ليهم عامل كبيرفي الإختيارمن خلال كتابة التجارب تبعهم و طبعا مشكورين على ذلك.
- أول خطوة عملتها اني حجزت فندق في مدينة دبلن و مدينة Galway طبعا كان حجزي عن طريق موقع بوكينج وطبعاً لازم ننتبه ان يكون الإلغاء مجاني إضافة الى لا يتطلب أي وديعة نقدية ... طبعا انا من رأيي ان خطوة حجز الفندق هي الأولى ... لأخذ العنوان وكتابته في الأبلكشين.
- تعبئة الابلكشين أون لاين عن طريق الموقع /AVATS
- بعد الإنتهاء من التعبئة سوف يتطلب طباعة Application Summary - - وده أول ورقة هتكون مرفقة مع الأوراق.
- حجز موعد عن طريق خدمة فودافون من الرقم 090070678 خط أرضي او عن طريق الموبايل 2101 .
- تجهيز الأوراق المطلوبة وهي كالتالي :-
1- خطاب تعريف من جهة العمل.
2- Application Summary اللي وضحته سابقاً.
3- كشف حساب بنكي ( 6 أشهر).
4- حجز الفندق.
5- عدد(2) صورة شخصية مقاس 3.5 *4.5
6- أصل جواز السفر واي جوازات سفر سابقة لفحصها اذا كانت تحتوي على فيز سابقة – او يتم اخذها احتياطي ما هتخسر + صورة كاملة من جوازات السفر طبعا الصفحات الموجود على اختام وتأشيرات وخلافه.
7- حجز طيران ... طبعاً انا عملت حجز طيران مؤكد وديه مخاطرة بس قلت عشان اثبت الجدية امام السفارة وحتى لو ما تم الموافقة على الفيزا مو مشكلة اني اخسر وبعد كده اعمل Refund ... وبالفعل حجزت ذهاب من خلال الموقع الإلكتروني لطيران الإتحاد و تذكرة عودة من خلال الخطوط التركية وطبعا كانت خطوط مختلفة لان انا رحلة ذهابي مختلفة عن عودتي على مكان أخر.
8- بخصوص التأمين الطبي فعلا كان مطلوب وممكن تعمله من أي مكتب جنب السفارة تعطي لهم جواز سفرك وتقول لهم البلد اللي انت مسافر ليها والمدة و اقل شيء 10 ايام بمبلغ 102 ج.
جهزت كل ده وطبعا لان في انترفيو رتبت أفكاري و الأسئلة المتوقعة وتوكلت على الله وذهبت للسفارة والموجودة في شارع حسن صبري – حي الزمالك طبعا هو يعتبر حي السفارات في مصر لأن اغلب السفارات موجودة فيه وسفارة هولندا + ايرلندا نفس المبنى
رحت وكلمت البنت تبع الأمن اني لدي موعد قالت هات جواز سفرك اتفضلي عملت تشك ... فتحت البوابة قالت اتفضل ... أكدت معاية معاك فلوس على ثمن التأشيرة بالظبط قلت ايوة قالت اكيد قلت اه قالت لية معاك خطاب موجه للسفارة لخطة سفرك قلت لأ قالت طيب خذ الابلكشين ده واكتبه وارفقه مع الأوراق ... بعد كده تشك سريع على أغراضك وعليك وبعد كده تتفضل على مقاعد خشبية كده وتنتظر لين يبلغ الموظف بالداخل تبع الأمن بدخولك... الموظف بلغ بعدها كده ب ربع ساعة قالت ادخل ... دخلت شباك رقم 1
موظف مصري في الظريف كده سألني كالأتي ... أنت مسافر ايرلندا ليه ... مسافر سياحة طيب لية اخترت ايرلندا قلت ليه عشان انا عايز بلد هادية وطبيعة وقرأت كتير عنها عشان كده اخترتها وانا محتاج بلد استجم فيها قبل عودتي للشغل تبعي بالسعودية ... سأل الموظف انت ليه طيب ما قدمت على فيزا UK قلت ليه انا ما فكرت اني اقدم على انجلترا لأنها Crowded قالي طيب سافرت قبل كده قلت ايوة كذا كذا قالي هات جوازات سفرك وورقك طيب فضل يفحص في جوازات سفري السابقة ويشوف الفيز من قبل قالي طيب تمام انتظرني بالخارج تاني وهنادي عليك قلت له طيب ... خرجت وانتظرته نادى عليه دخلت قالي انت موقفك قوي وورقك جيد وكذا وسجل سفرك ممتاز بس معلش انت لازم تقدم من سفارة الرياض ولأنك عامل 3 ابلكشين اون لاين ... (طبعا انت لما تكتب ابلكشين اون لاين بيقول لك انت بتقدم منين حاليا وفي النهاية بيحدد لك السفارة اللي راح تقدم منها ) والرابع انت كاتبه انك تقدم من مصر فلازم من الرياض قلت ليه طيب السبب هو اني مقيم في جدة واني اتصلت بالسفارة هناك قالوا لازم ترسل الورق عن طريق البريد و انا بصراحة ما بفضل طريقة الإرسال بالبريد تحسباً لأي ظروف وقلت انا بما اني نازل اجازة في مصر قلت اقدم من هنا وبعدها اسافر ايرلندا ومنها ارجع السعودية على شغلي وقلت ليه على فكرة لو انت شاكك 1% في اني هكسر فيزا انا اولا برفض هذا الفكرة ثانيا من سنة 2008 كان عندي اني اكسر فيزا في استراليا او امريكا او اوروبا وقلت ليه انا كمان حاجز تذاكر مؤكدة وبكده انا هخسر فيهم كتير ... قالي طيب انتظر تاني 10 د ... خرجت انتظرت دخلت لقيته بقى طلع ليه ال Supervisor تبعهم ست في منتصف سن الأربعين ايرلندية قالت ليه ( طبعا هي تتكلم انجليزي ) بص ي محي انت لازم تقدم من الرياض فعلا لأني ما اضمن صحة الأوراق وهناك عشان انت مقيم لازم تقدم من هناك وقالت قصة حجز الطيران المؤكد مش مشكلتي قلت ليها انا عارف ان ده شيء خاص فيني قالت على فكرة الكثير من دول الخليج بتقدم من هناك والسفارة سهلة انها تصدر لك الفيزا هناك طالما ورقك مظبوط و موقفك قوي قلت ليها يعني مستحيل قالت سوري قلت اوك اخذت ورقي ومشيت وهما بصراحة ما استلموا مني اي فلوس.
انا طبعا فهمت انها قلقانة تاخد قرار اعطائي الفيزا لأن خطاب التعريف تبعي والشركة والاقامة كلها في السعودية.