G
Gamal Abdelmeged
:: مسافر ::
إزاي تحجز تذكرة طيران رخيصة
تذاكر الطيران ملهاش كبير، كل شركة طيران ليها سعرها وأسعرها بتختلف كل يوم عن التاني وحتي علي نفس الطيارة كل كرسي ليه سعر مختلف عن التاني، مهما عملت حتلاقي دائما في ناس تعرف تجيب تذاكر أرخص منك، بس في خطوات كدة تعملها عشان تجيب أرخص حاجة ممكنة
طبعا أسهل حاجة كل الناس حتقولك عليها إحجز قبل ميعاد الطائرة بـ 3 أو 4 شهور، الكلام ده صحيح لكن مش في كل الأحوال، أحيانا بعض شركات الطيران بتغلي سعر التذكرة قبل معادها بفترة كبيرة علي أساس إن في موسم جاي وناس كتير حتسافر في اليوم ده وقبل ميعاد الطائرة بكام يوم ينزلوا سعر التذكرة عشان عدد الناس اللي حجزت مكانش كتير زي المتوقع، فاللي حجز بدري دفع أكتر.
الخطوات دي بسيطة وحتفرق معاك كتير جدا في سعر التذكرة
1) في حاجة إسمها المتصفح الخفي أو الخاص أيا كان المسمي بالعربي، لو بتستخدم متصفح جوجل كروم حتلاقي في حاجة إسمها
New incognito Window
ولو بتستخدم متصفح تاني حتلاقي غالبا حاجة إسمها
New Private Window
أو
Private Browsing
المتصفح الخفي أو الخاص ده حيخلي المواقع اللي بتعمل عليها سيرش متعرفش إنت عملت سيرش علي إيه قبل كدة، للأسف لو انت بتدور كتير علي تذاكر طيران علي الإنترنت حتلاقي دائما إنك بعد ما تشوف أسعار حلوة تعمل refresh أو تبحث عن سعر التذكرة تاني يوم تلاقي أسعار التذاكر غليت، تقوم شاري بسرعة عشان خايف تبقي أغلي، وهي مش غالية ولا حاجة ده هما بيعرفوا إنت عملت سيرش علي إيه ويغلوه عشان يخوفوك ويخلوك تشتري بسرعة، فالمتصفح الخفي حيخلي المواقع متعرفش إنت عملت سيرش علي إيه قبل كدة، ولما تخلص بحث وتعمل أي حاجة وترجع تفتح تاني حاول تقفل المتصفح وتفتحه تاني كل مرة حيشوفوا المتصفح علي إنه شخص جديد والسعر مش حيزيد
2) بالنسبة لأحسن موقع تشتري منه
معظم الناس حتقولك Skyscanner ده أحسن موقع وفيه إمكانيات حلوة ممكن تختار فترة من الزمن وهو يجيبلك أرخص طيران في الفترة كلها وهكذا، لكن من خبرتي المتواضعة، السفر ملهوش كبير ومفيش حاجة إسمها أحسن موقع، لو الموقع ده جابلك أحسن سعر تذكرة النهاردة أو من بلد معينة لبلد تانية فده مش معناه إنه أحسن موقع حجز طيران ده معناه إن الموقع ده قدم أحسن عرض للسفرية دي، لكن مش دائما حيكون أحسن عرض لنفس السفرية في يوم تاني أو في سفرية تانية من بلد تانية
عشان تضمن سعر تذكرة كويس لازم تدور في أكتر من موقع ومتقولش أنا بدور علي موقع كذا بيجيبلي كل المواقع، مش حيجيبلك أحسن حاجة، لازم تدور إنت بنفسك في كل المواقع والبحث ده ممكن ياخد منك 4 ساعات تقريبا عشان تلاقي سعر تذكرة رخيص لأي بلد إنت رايحها
3) كل موقع ليه ميزة ممكن تستفيد بيها ومش حينفع تستفيد بالميزة دي لو إنت عملت سيرش في موقع واحد بيستخدم كل المواقع، لأن الموقع الواحد اللي بيستخدم كل المواقع بيبحث بتواريخ معينة ومش بيستخدم الميزة دي
نبدأ بـ: Skyscanner ده ميزته إنك ممكن تعرف أرخص فترة طيران في السنة إمتي ومن مطار إيه، أو أرخص فترة طيران في الشهر ده ومن مطار إيه وعلي أنهي شركة طيران عشان تعرف كدة لما تيجي تحجز طيران في خانة التاريخ إختار Whole Month أو Cheapest Month وطبعا في إختيارات تانية حلوة
4) بعد ما تكون عرفت أرخص وقت وأرخص شركة طيران من Skyscanner روح لموقع شركة الطيران نفسه وشوف سعر التذكرة كام حتلاقيه في معظم الوقت أرخص من Skyscanner وحتي لو مش أرخص تقوم رايح لباقي مواقع البحث وتشوف سعر التذاكر في الوقت ده بكام وأكيد حتلاقي موقع أرخص من Skyscanner
وخد بالك دائما عشان تتأكد من السعر لازم تضغط علي زر الدفع كأنك خلاص حتدفع ثمن التذكرة لأن معظم المواقع مش بتظهر السعر الحقيقي للتذكرة بيكون في ضرائب وتأمين ومصاريف تانية هما مش ظاهرينها عشان تشتري علي طول
المواقع التانية اللي تدور فيها بعد Skyscanner بالترتيب
Momondo
Cheapoair
TripAdvisor
Google Flights
JetRadar
Azair
Webjet
خد بالك لو بتحجز داخلي لازم تشوف موقع الطيران الرسمي الدخلي وتسيبك من كل دول، يعني لو بتحجز دخلي في مصر مثلا، أحسن حاجة موقع مصر للطيران وكل بلد شوف الطيران الداخلي بتاعها إيه وروح علي الموقع الرسمي مش حتلاقي أرخص منه في أي حته
5) دائما إختار طرق أخري للسفر، يعني لو مسافر من القاهرة رايح نيويورك متعملش بحث علي القاهرة نيويورك بس، إعمل بحث علي القاهرة باريس وبحث تاني علي باريس نيويورك، أو القاهرة لندن و لندن نيويورك وحتلاقي دائما حاجة أرخص من إنك تسافر مباشر، مش كدة وبس، كمان جرب تروح مطارات مختلفة، يعني مثلا إعمل بحث علي الغردقة نيويورك أو إسكندرية نيويورك ممكن تلاقي السعر أرخص ألف أو ألفين جنيه وتروح الغردقة أو الإسكندرية بالسوبرجيت وتاكسي للمطار وحتلاقي نفسك وفرت برضوا
ودي ميزة تانية موجودة في موقع Skyscanner ممكن تكتب إسم البلد اللي إنت فيها وإسم البلد اللي إنت رايحها وهو حيقولك إيه أرخص مطار تسافر منه وأرخص مطار توصل عليه، بس ياريت متنساش تحسب التاكسيات والمواصلات الداخلية قبل ما تحجز عشان تتأكد إن التوفير ده في صالحك، أحيانا بتتعب وفي الآخر تلاقي نفسك دفعت نفس المبلغ أو مبلغ صغير ميستهلش البهدلة دي
6) بعد ما تلاقي أرخص تذكرة متشتريش
شوف شركة سياحة مصرية تعرفها وقولهم إنك لاقيت تذكرة علي النت من كذا لـ كذا من شركة طيران كذا في يوم كذا بسعر كذا تعرفوا تجيبولي سعر أرخص وهما في الغالب حيعرفوا وأقل حاجة حيعملوها حيقللوا في عمولتهم وحتلاقي سعر كويس وعلي أسوأ تقدير حيكون نفس السعر بس برضوا حتوفر عشان حتدفع بالمصري مش بالدولار زي عالنت
لازم تعمل الخطوة دي، عشان ساعات بيكون في طيران تشارتر مش موجود علي النت سعره أرخص كتير ومحدش حيعرف يحجزه غير شركات الطيران فلازم تسألهم في كل الأحوال
تذاكر الطيران ملهاش كبير، كل شركة طيران ليها سعرها وأسعرها بتختلف كل يوم عن التاني وحتي علي نفس الطيارة كل كرسي ليه سعر مختلف عن التاني، مهما عملت حتلاقي دائما في ناس تعرف تجيب تذاكر أرخص منك، بس في خطوات كدة تعملها عشان تجيب أرخص حاجة ممكنة
طبعا أسهل حاجة كل الناس حتقولك عليها إحجز قبل ميعاد الطائرة بـ 3 أو 4 شهور، الكلام ده صحيح لكن مش في كل الأحوال، أحيانا بعض شركات الطيران بتغلي سعر التذكرة قبل معادها بفترة كبيرة علي أساس إن في موسم جاي وناس كتير حتسافر في اليوم ده وقبل ميعاد الطائرة بكام يوم ينزلوا سعر التذكرة عشان عدد الناس اللي حجزت مكانش كتير زي المتوقع، فاللي حجز بدري دفع أكتر.
الخطوات دي بسيطة وحتفرق معاك كتير جدا في سعر التذكرة
1) في حاجة إسمها المتصفح الخفي أو الخاص أيا كان المسمي بالعربي، لو بتستخدم متصفح جوجل كروم حتلاقي في حاجة إسمها
New incognito Window
ولو بتستخدم متصفح تاني حتلاقي غالبا حاجة إسمها
New Private Window
أو
Private Browsing
المتصفح الخفي أو الخاص ده حيخلي المواقع اللي بتعمل عليها سيرش متعرفش إنت عملت سيرش علي إيه قبل كدة، للأسف لو انت بتدور كتير علي تذاكر طيران علي الإنترنت حتلاقي دائما إنك بعد ما تشوف أسعار حلوة تعمل refresh أو تبحث عن سعر التذكرة تاني يوم تلاقي أسعار التذاكر غليت، تقوم شاري بسرعة عشان خايف تبقي أغلي، وهي مش غالية ولا حاجة ده هما بيعرفوا إنت عملت سيرش علي إيه ويغلوه عشان يخوفوك ويخلوك تشتري بسرعة، فالمتصفح الخفي حيخلي المواقع متعرفش إنت عملت سيرش علي إيه قبل كدة، ولما تخلص بحث وتعمل أي حاجة وترجع تفتح تاني حاول تقفل المتصفح وتفتحه تاني كل مرة حيشوفوا المتصفح علي إنه شخص جديد والسعر مش حيزيد
2) بالنسبة لأحسن موقع تشتري منه
معظم الناس حتقولك Skyscanner ده أحسن موقع وفيه إمكانيات حلوة ممكن تختار فترة من الزمن وهو يجيبلك أرخص طيران في الفترة كلها وهكذا، لكن من خبرتي المتواضعة، السفر ملهوش كبير ومفيش حاجة إسمها أحسن موقع، لو الموقع ده جابلك أحسن سعر تذكرة النهاردة أو من بلد معينة لبلد تانية فده مش معناه إنه أحسن موقع حجز طيران ده معناه إن الموقع ده قدم أحسن عرض للسفرية دي، لكن مش دائما حيكون أحسن عرض لنفس السفرية في يوم تاني أو في سفرية تانية من بلد تانية
عشان تضمن سعر تذكرة كويس لازم تدور في أكتر من موقع ومتقولش أنا بدور علي موقع كذا بيجيبلي كل المواقع، مش حيجيبلك أحسن حاجة، لازم تدور إنت بنفسك في كل المواقع والبحث ده ممكن ياخد منك 4 ساعات تقريبا عشان تلاقي سعر تذكرة رخيص لأي بلد إنت رايحها
3) كل موقع ليه ميزة ممكن تستفيد بيها ومش حينفع تستفيد بالميزة دي لو إنت عملت سيرش في موقع واحد بيستخدم كل المواقع، لأن الموقع الواحد اللي بيستخدم كل المواقع بيبحث بتواريخ معينة ومش بيستخدم الميزة دي
نبدأ بـ: Skyscanner ده ميزته إنك ممكن تعرف أرخص فترة طيران في السنة إمتي ومن مطار إيه، أو أرخص فترة طيران في الشهر ده ومن مطار إيه وعلي أنهي شركة طيران عشان تعرف كدة لما تيجي تحجز طيران في خانة التاريخ إختار Whole Month أو Cheapest Month وطبعا في إختيارات تانية حلوة
4) بعد ما تكون عرفت أرخص وقت وأرخص شركة طيران من Skyscanner روح لموقع شركة الطيران نفسه وشوف سعر التذكرة كام حتلاقيه في معظم الوقت أرخص من Skyscanner وحتي لو مش أرخص تقوم رايح لباقي مواقع البحث وتشوف سعر التذاكر في الوقت ده بكام وأكيد حتلاقي موقع أرخص من Skyscanner
وخد بالك دائما عشان تتأكد من السعر لازم تضغط علي زر الدفع كأنك خلاص حتدفع ثمن التذكرة لأن معظم المواقع مش بتظهر السعر الحقيقي للتذكرة بيكون في ضرائب وتأمين ومصاريف تانية هما مش ظاهرينها عشان تشتري علي طول
المواقع التانية اللي تدور فيها بعد Skyscanner بالترتيب
Momondo
Cheapoair
TripAdvisor
Google Flights
JetRadar
Azair
Webjet
خد بالك لو بتحجز داخلي لازم تشوف موقع الطيران الرسمي الدخلي وتسيبك من كل دول، يعني لو بتحجز دخلي في مصر مثلا، أحسن حاجة موقع مصر للطيران وكل بلد شوف الطيران الداخلي بتاعها إيه وروح علي الموقع الرسمي مش حتلاقي أرخص منه في أي حته
5) دائما إختار طرق أخري للسفر، يعني لو مسافر من القاهرة رايح نيويورك متعملش بحث علي القاهرة نيويورك بس، إعمل بحث علي القاهرة باريس وبحث تاني علي باريس نيويورك، أو القاهرة لندن و لندن نيويورك وحتلاقي دائما حاجة أرخص من إنك تسافر مباشر، مش كدة وبس، كمان جرب تروح مطارات مختلفة، يعني مثلا إعمل بحث علي الغردقة نيويورك أو إسكندرية نيويورك ممكن تلاقي السعر أرخص ألف أو ألفين جنيه وتروح الغردقة أو الإسكندرية بالسوبرجيت وتاكسي للمطار وحتلاقي نفسك وفرت برضوا
ودي ميزة تانية موجودة في موقع Skyscanner ممكن تكتب إسم البلد اللي إنت فيها وإسم البلد اللي إنت رايحها وهو حيقولك إيه أرخص مطار تسافر منه وأرخص مطار توصل عليه، بس ياريت متنساش تحسب التاكسيات والمواصلات الداخلية قبل ما تحجز عشان تتأكد إن التوفير ده في صالحك، أحيانا بتتعب وفي الآخر تلاقي نفسك دفعت نفس المبلغ أو مبلغ صغير ميستهلش البهدلة دي
6) بعد ما تلاقي أرخص تذكرة متشتريش
شوف شركة سياحة مصرية تعرفها وقولهم إنك لاقيت تذكرة علي النت من كذا لـ كذا من شركة طيران كذا في يوم كذا بسعر كذا تعرفوا تجيبولي سعر أرخص وهما في الغالب حيعرفوا وأقل حاجة حيعملوها حيقللوا في عمولتهم وحتلاقي سعر كويس وعلي أسوأ تقدير حيكون نفس السعر بس برضوا حتوفر عشان حتدفع بالمصري مش بالدولار زي عالنتلازم تعمل الخطوة دي، عشان ساعات بيكون في طيران تشارتر مش موجود علي النت سعره أرخص كتير ومحدش حيعرف يحجزه غير شركات الطيران فلازم تسألهم في كل الأحوال
