M
Moutaz Mohamed
:: مسافر ::
واحه سيوه (الجوهره الصفراء)
من خلال البوست ده هتحس انك سافرت الواحه ديه و استمتعت بيها و عرفت ليه اطلقت عليها اسم الجوهره الصفراء.
سيوه زيها زي أي مكان في مصر مهدره و محدش يعرف قيمتها و لا يسمع عنها عشان الي ماسكها ميعرفش حاجه غير التامين و الدفاع لكن ميعرفش يروج لجوهره ديه لعالم و يفتح باب رزق لاهل المكان الطيبين.
في ناس بتسافر دول المغرب و الخليج عشان يعملوا سفاري و يشوفوا الصحراء و حلاوتها بالرغم ان واحه سيوه عندها احسن أماكن خلابه مش موجوده عند الدول ديه.
نبدا رحلتنا من القاهره والي بتستغرق حوالي من 10 الي 11 ساعه عشان توصل لواحه ديه.
نيجي بقي لفنادق هناك و طبعا اهم 3 فنادق هناك (Siwa Shali Resort - Adrer Amelal - Siwa oasis)
انا نزلت في siwa Shali و ده مبني علي الطراز البدوي و الغرف نفسها علي نفس الطراز البدوي عشان كده تلاقيها بسيطه.
نبدا نعمل رحله لمكان و نروح اشهر مكان هناك و هو عين كيلوباترا و ده مكان بدوي مشهور بمياه العين الكبريتيه الي بتشفي من امراض الروماتزم و غيرها و بتتميز بانها بتكون سخنه 24 ساعه عشان طالعه من علي عمق 1000 كم من بطن الأرض و هتلاقي شخص من اهل البلد كل وظفتوا انه يحافظ علي نظافه العين ديه عشان ديه مصدر دخل ليهم و هتلاقي حوليها قعدات بدوي ممكن تقعد تنبسط فيها
بعد كده نتحرك علي عين فطناس و ده ميقلش شهره عن عين كيلوبترا بس المكان ده هتشوف فيه غروب الشمس و تاكل ابومردم و ديه الفراخ المدفونه تحت الأرض و معاها الملوخيه البدويه و بعد اما تخاص اشرب بقي الشاي البدوي الي مش هتشبع منه و من حلوته و معاها احلي شيشه تفاح.
نبدا بقي نتحرك لمدينه الي هتركب فيها العجل أي عدد ساعات ب 10 جنيه بس و الغريبه انك تلاقي عجل حديث يعني مش متهالك او متكسر و امشي وست المدينه زي ما انت عايز و مرتاح عشان مش هتلاقي هناك عربيه ترخم عليك بس نصيحه خد العجله و اطلع علي كافيه تبع القوات المسلحه عند فندق اسمه واحه سيوه و هناك هتلاقي كافيه وسط الجبل تشرب زي ما انت عايز و أسعار رخيصه و مفهوش Minimum charge يعني يا عم لو مش معاك فلوس ممكن تقعد زي الباشا.
و اما ترجع المدينه هتلاقي أماكن ممكن تشتري منها هدايا بدويه لاصدقائك بس نصيحه اشتري تمور او زيتون او زيوت او مربات و متنساش تجرب مربه الزيتون الأسود و مربه الكركاديه و البلح و دول اعظم مربات هتدوقهم في حياتك و احسن و اشهر مكانين هناك هناك تشتري منهم الحجات ديه هي محل الجوهره و محل اسمه النجمه و خد بالك انك تنزل في سعر البرطمان من 20 جنيه الي 15 جنيه و ده السعر الطبيعي لبرطمان و اياك تخده ب 20 جنيه و التمور اذا قلك ب 12 جنيه خدها ب 10 جنيه.
نرجع بقي لمزارات و نروح المكان الي توج فيه إسكندر الأكبر و هناك هتشوف مناظر طبيعيه حلوه و خصوصا المعمار البدوي و بعد كده تتحرك علي جبل الموتي و تشوف مقابر الفراعنه و تسمع القصص الخاصه بالمكان و تطلع علي جبال الملح و تعتبر سيوه المصدر الرئيسي لتصدير الملح الي كثير من الدول و خصوصا الاوربيه عشان ده انقي أنواع الملح علي مستوي العالم و من كتر نقاءه هتحس انك وسط جبال الثلج.
نخص بقي علي السفاري و ديه اياك متعملهاش عشان هتندم طول حياتك و افتكر انك اتزليت في الطريق و انت جاي 11 ساعه فصعب انك تيجي تاني تعملها مخصوص
و هناك هتركب العربيات 4*4 و هيخدك رحله عمرك ما تحلم بيها من جمال الرمال الذهبيه و السماء النقيه و هتلاقي السواء البدوي الي معاك بيلعب معاك بالعربيه و يخدك علي جبال ارتفاعها اكثر من 15 متر و يتزحلق بالعربيه من علي الارتفاع ده فتحس انك في Cinma 3D و كان العربيه هتنقلب بيك بس طبعا البدو متدربين علي العربيات ديه فمفيش خوف و بعد كده يخدك عشان تعمل Sand Boarding و ده احسن مكان ممكن تلعب فيه بالبورد و اجمل من الفيوم كمان و بعد كده هتطلع علي بير واحد و ديه مياه كبريتيه سخنه و هتشرب هناك شاي بدوي و لازم تنزل الميه هناك و بعد كده جهز نفسك لمياه الكبريتيه البارده و السمك الي هيعملك مساج في جسمك
و بعد كده هتختمها في قاعده بدوي عشان تتعشه الاكل البدوي الصحي قبل ما ترجع علي الزحمه تاني.
طبعا مش هفكرك انك تزور قريه جعفرعشان تشوف اغلي و اغرب فندق في مصر و هو Adrer Amelal عشان الفندق ده بيتميز انه مفيهوش كهرباء و لا تيليفون محمول و بيعتمد علي الشموع و بس عشان كده اغلي غرفه ب 1700$ في الليله.
و كمان لازم تعدي علي شالي القديمه عشان تشوف اقدم معمار عندهم.
هناك اهل الواحه طيبين جدا و متخفش خالص هناك عشان هما بيخافوا عليك اكتر ما بيخافو علي نفسهم.
معدل البطاله و الجريمه صفر و أيام و انت هناك ترمي ورقه علي الأرض عشان هما بيحفظوا علي نظافه المكان اوي و هناك مش هتلاقي عربات ملاكي او تاكسي بس هتلاقي وسيله مواصلات وحده و هي التروسيكل.
و بكده احنا غطينا سيوه كلها و اسيبكم مع الصور
من خلال البوست ده هتحس انك سافرت الواحه ديه و استمتعت بيها و عرفت ليه اطلقت عليها اسم الجوهره الصفراء.
سيوه زيها زي أي مكان في مصر مهدره و محدش يعرف قيمتها و لا يسمع عنها عشان الي ماسكها ميعرفش حاجه غير التامين و الدفاع لكن ميعرفش يروج لجوهره ديه لعالم و يفتح باب رزق لاهل المكان الطيبين.
في ناس بتسافر دول المغرب و الخليج عشان يعملوا سفاري و يشوفوا الصحراء و حلاوتها بالرغم ان واحه سيوه عندها احسن أماكن خلابه مش موجوده عند الدول ديه.
نبدا رحلتنا من القاهره والي بتستغرق حوالي من 10 الي 11 ساعه عشان توصل لواحه ديه.
نيجي بقي لفنادق هناك و طبعا اهم 3 فنادق هناك (Siwa Shali Resort - Adrer Amelal - Siwa oasis)
انا نزلت في siwa Shali و ده مبني علي الطراز البدوي و الغرف نفسها علي نفس الطراز البدوي عشان كده تلاقيها بسيطه.
نبدا نعمل رحله لمكان و نروح اشهر مكان هناك و هو عين كيلوباترا و ده مكان بدوي مشهور بمياه العين الكبريتيه الي بتشفي من امراض الروماتزم و غيرها و بتتميز بانها بتكون سخنه 24 ساعه عشان طالعه من علي عمق 1000 كم من بطن الأرض و هتلاقي شخص من اهل البلد كل وظفتوا انه يحافظ علي نظافه العين ديه عشان ديه مصدر دخل ليهم و هتلاقي حوليها قعدات بدوي ممكن تقعد تنبسط فيها
بعد كده نتحرك علي عين فطناس و ده ميقلش شهره عن عين كيلوبترا بس المكان ده هتشوف فيه غروب الشمس و تاكل ابومردم و ديه الفراخ المدفونه تحت الأرض و معاها الملوخيه البدويه و بعد اما تخاص اشرب بقي الشاي البدوي الي مش هتشبع منه و من حلوته و معاها احلي شيشه تفاح.
نبدا بقي نتحرك لمدينه الي هتركب فيها العجل أي عدد ساعات ب 10 جنيه بس و الغريبه انك تلاقي عجل حديث يعني مش متهالك او متكسر و امشي وست المدينه زي ما انت عايز و مرتاح عشان مش هتلاقي هناك عربيه ترخم عليك بس نصيحه خد العجله و اطلع علي كافيه تبع القوات المسلحه عند فندق اسمه واحه سيوه و هناك هتلاقي كافيه وسط الجبل تشرب زي ما انت عايز و أسعار رخيصه و مفهوش Minimum charge يعني يا عم لو مش معاك فلوس ممكن تقعد زي الباشا.
و اما ترجع المدينه هتلاقي أماكن ممكن تشتري منها هدايا بدويه لاصدقائك بس نصيحه اشتري تمور او زيتون او زيوت او مربات و متنساش تجرب مربه الزيتون الأسود و مربه الكركاديه و البلح و دول اعظم مربات هتدوقهم في حياتك و احسن و اشهر مكانين هناك هناك تشتري منهم الحجات ديه هي محل الجوهره و محل اسمه النجمه و خد بالك انك تنزل في سعر البرطمان من 20 جنيه الي 15 جنيه و ده السعر الطبيعي لبرطمان و اياك تخده ب 20 جنيه و التمور اذا قلك ب 12 جنيه خدها ب 10 جنيه.
نرجع بقي لمزارات و نروح المكان الي توج فيه إسكندر الأكبر و هناك هتشوف مناظر طبيعيه حلوه و خصوصا المعمار البدوي و بعد كده تتحرك علي جبل الموتي و تشوف مقابر الفراعنه و تسمع القصص الخاصه بالمكان و تطلع علي جبال الملح و تعتبر سيوه المصدر الرئيسي لتصدير الملح الي كثير من الدول و خصوصا الاوربيه عشان ده انقي أنواع الملح علي مستوي العالم و من كتر نقاءه هتحس انك وسط جبال الثلج.
نخص بقي علي السفاري و ديه اياك متعملهاش عشان هتندم طول حياتك و افتكر انك اتزليت في الطريق و انت جاي 11 ساعه فصعب انك تيجي تاني تعملها مخصوص
و هناك هتركب العربيات 4*4 و هيخدك رحله عمرك ما تحلم بيها من جمال الرمال الذهبيه و السماء النقيه و هتلاقي السواء البدوي الي معاك بيلعب معاك بالعربيه و يخدك علي جبال ارتفاعها اكثر من 15 متر و يتزحلق بالعربيه من علي الارتفاع ده فتحس انك في Cinma 3D و كان العربيه هتنقلب بيك بس طبعا البدو متدربين علي العربيات ديه فمفيش خوف و بعد كده يخدك عشان تعمل Sand Boarding و ده احسن مكان ممكن تلعب فيه بالبورد و اجمل من الفيوم كمان و بعد كده هتطلع علي بير واحد و ديه مياه كبريتيه سخنه و هتشرب هناك شاي بدوي و لازم تنزل الميه هناك و بعد كده جهز نفسك لمياه الكبريتيه البارده و السمك الي هيعملك مساج في جسمك
و بعد كده هتختمها في قاعده بدوي عشان تتعشه الاكل البدوي الصحي قبل ما ترجع علي الزحمه تاني.
طبعا مش هفكرك انك تزور قريه جعفرعشان تشوف اغلي و اغرب فندق في مصر و هو Adrer Amelal عشان الفندق ده بيتميز انه مفيهوش كهرباء و لا تيليفون محمول و بيعتمد علي الشموع و بس عشان كده اغلي غرفه ب 1700$ في الليله.
و كمان لازم تعدي علي شالي القديمه عشان تشوف اقدم معمار عندهم.
هناك اهل الواحه طيبين جدا و متخفش خالص هناك عشان هما بيخافوا عليك اكتر ما بيخافو علي نفسهم.
معدل البطاله و الجريمه صفر و أيام و انت هناك ترمي ورقه علي الأرض عشان هما بيحفظوا علي نظافه المكان اوي و هناك مش هتلاقي عربات ملاكي او تاكسي بس هتلاقي وسيله مواصلات وحده و هي التروسيكل.
و بكده احنا غطينا سيوه كلها و اسيبكم مع الصور
