E
Engy Hamdy Emam
:: مسافر ::
بس انا قدمت علي الفيزا في نص ابريل انا و بنتين تانيين و اخدناها بعدها باسبوع لمدة شهر. قدمنا حجز الفنادق booking.com free cancellation و قدمنا حجز مبدأي للطيران من اي شركة سياحة ب ٥٠ جنية للرحلة من القاهرة لبرشلونة و من مدريد للقاهرة. و عملنا حجز الفنادق ٦ ايام في برشلونة و ٤ في غرناطة و نختم ب٤ ايام في مدريد. اخدنا screenshots بس لرحلة الطيران من برشلونة لغرناطة (لو عرفت يكون اسمك ظاهر يبقي احسن، معرفتش مش مشكلة) و كذلك لرحلة القطر من غرناطة لمدريد. بيحبوا لو مسافرين جروب و لو الhr letter مكتوب في المرتب و لو الbank statement كان فيها حركات كتير مش لازم فلوس كتير بس لازم حركات تثبت انك بتستخدم الحساب. و متدفعش فلوس في التذاكر او الفنادق بجد، مش بيحبوا كدة. كمان لو الباسبور ميغطيش اخر ٧ سنين علشان هو لسة جديد او في و لو حتي شهر بين الباسبور القديم و الجديد هتضطر تطلع شهادة تحركات من التحرير و تترجمها. لو تقدر تطلعها احتياطي يبقي خير و بركة