M
Mohamed Elnjjar
:: مسافر ::
هو انا بسافر شرم الشيخ عشان اقعد فى فندق ؟؟
طيب ايه الاماكن ال ممكن اروحها فى شرم الشيخ بما اننا داخلين على العيد وناس كتير اوى هتتجه الى شرم الشيخ ؟؟
البوست دا مش رحلة ولكن دا برنامج او تقدر تقول دليل سياحى لزيارتك لشرم الشيخ واهم الحاجات ال ممكن تزورها هناك . وكمان هديلك اسعار تقريبية للبرامج ال ممكن تعملها فى شرم الشيخ عشان محدش يستغلك او يضحك عليك
حضرتك التسكين فى اى فندق بيكون مش قبل الساعة 12 الظهر يعنى معنى كدا انك محتاج تريح اول يوم ويكون برنامج خفيف .. وبالتالى اول يوم دا ال هو يوم الوصول هيكون هو اليوم الوحيد ال هتقضيه فى الفندق بتاعك .. يعنى تريح وتشوف اليلاج الخاص فى الفندق وتنزل البسين
طيب تانى يوم ممكن تعمل ايه ؟؟ هقولك تعمل ايه .. هتشوف اى حد من الناس ال بنظمو رحلات داخلية داخل شرم الشيخ ودول مكاتب كتير جدا منتشرة فى كل حتة فى شرم وكمان ممكن تلاقى جوا الفندق بتاعك .. اسال الريشبسان واطلب منه انك عاوز تعمل رحلة بحرية (يوم كامل) والرحلة هتكون رحلة من الساعة 8 ص الى 4 م شاملة الغداء والمشروبات على اليخت فى البحر الاحمر وهتكون لمكان من اتنين (منطقة راس محمد او جزيرة تيران) والاتنين حلوين وممتعين جدا ونفس التكلفة تقريبا ... سعر الرحلة دى شاملة الانتقالات من والى الفندق مش هتعدى 150 جنيه تقريبا . وقبل ما تطلع على اليخت تكون عامل حسابك فى ماسك لو ناوى تنزل تعمل سنوركلينج من اليخت وتشوف الشعاب والاسماك الملونة ودول بيتم تاجيرهم من المرسى البحرى ال هتركب منه . وممكن لو عاوز تعمل غطس بتنسق مع مشرف المركب قبلها وبتنزل من اليخت
طيب باقى اليوم هتعمل فيه ايه ؟؟ هترجع الفندق تغير وتخد وجبتك وبعدها تبتدى تستعد عشان المفروض الساعة 8 بالدقيقة تكون موجود فى الهضبة فى مكان اسمه الف ليلة وليلة ودى عبارة عن مبنى ضخم قرية فيها حفلات وسهرة حلوة .. هتخد تاكسى وتقوله ودينى الف ليلة وليلة والحفلات دى والدخول التكت بتاعهم مش هيتجاوز 90 جنيه للفرد بس فى حاجة مهمة وانت بتقطع التكت لازم تاكد عليها على الشباك .. انك تحضر الحفل كامل يعنى العرض التراثى والعرض الفلكلورى والحفل الفنى والشرقى لان فى حفلتين بسعرين مختلفين .. فى حفل كامل ال هو ممتع ومفيد جدا وفى حفل فنى فقط ودا ارخص ومش ممتع اوى لكل الناس . الحفلة بتبدء 9 تقريبا وبتنتهى 12 بالليل .
طيب تالت يوم هتعمل ايه ؟؟ هتصحى الصبح تخد وجبتك فى الفندق وبعدها تكون متفق مع حد من اتنين (لو معاك عربية هتحتاج معاك دليل بس / ولو مش معاك عربية هتحتاج عربية بالسواق ) عشان تزور اجمل واروع محمية فى حياتك ممكن تزورها فى حياتك فيها متعة ونزول بحر ومغامرة جميلة وهى محمية راس محمد بس المرة دى هتزورها برى مش باليخت وعلى فكرة زيارتك للمنطقة باليخت مختلفة تماما عن الزيارة البرية يعنى دى لا تغنى عن دى
طيب العربية لو هتاجر تاكسى لاربع افراد مش هياخد منك اكتر من 250 ج بس اتاكد منه انه حافظ الطريق جوا المحمية وزارها قبل كدا ولو هتاجر اى ميكروباص ل 14 فرد مش هيخد اكتر من 500 ج للمجموعة كلها .. على البوابة كل فرد هيدفع تكت 5 جنيه للفرد ومواعيد المحمية كل يوم من 5 ص الى 4 م ومتنساش البطاقة الشخصية معاك ضرورى جدا . طيب هتشوف ايه جوا المحمية ؟؟
هتبدء بالبوابات الحجرية الضخمة ال هتعدى منها وتقف تتصور عندها .. بعد كدا هتدخل على غابات المانجروف وبعدين شق الزلزال وبعدين الخليج الخفى او البحيرة المسحورة .. وبعد كدا هتروح على المنظار فوق الجبل فى منطقة التقاء خليج السويس بخليج العقبة (مجمع البحرين) وهناك ممكن تتفرج بالمنظار من فوق الجبل على البحر والمراكب ال ماشية والسفن وبعدها تنزل على منطقة تحت الجبل مليااانة شعاب مرجانية واسماك ملونة من الشط من برا وتقدر تنزل فيها وتستمتع باحلى سنوركلينج .
هتخلص يومك وترجع على فندقك تغير وتخد وجبتك طيب هتنام ؟؟؟ انت مش جاى شرم عشان تنام اصلا هتنزل تخد تاكسى او عربية وتعمل لفة حلوة هتروح مكان عام كدا اسمه سوهو سكوير وهناك هتتفرج على عروض النافورة الراقصة ال بتشتغل فى عرض جميل كل ساعة وهتتصور احلى صور هناك ... وكمان ممكن تطلع على منطقة اسمها هوليود شرم الشيخ هناك مدينة العاب اطفال وحدائق وحفلات ونافورة راقعة وعروض رائعة جدا .. تخلص بعدها بمسافة صغيرة تروح تتمشى فى خليج نعمة هتلاقى محلات وفنادق وكافيهات وعروض فنية كتير .. ممكن تختم سهرتك فى السوق القديم فى شرم الشيخ .. كل الاماكن دى دخولها مجانا ومفتوح للناس اماكن عامة ماعدا هوليود شرم الشيخ هى ال بتكت 30 جنيه بس
اخر يوم فى رحلتك ال هو يوم المغادرة .. هتكون حاجز رحلة سفارى بيتش باجى ودى رحلة ممتعة اوى ممكن واحد او اتنين يركبو على البيتش باجى وبتطلع لها من بالليل وقت الفجر عشان تحضر شروق الشمس فى الجبل ودى سعرها مش هيتجاوز 130 جنيه للفرد او الاتنين مع بعض الرحلة بتخد حوالى 3 ساعات وبترجع وقت الفطار وممكن بعد الفطار تستعد تسلم الغرفة للفندق وتروح تختم البرنامج بتاعك برحلة من خليج نعمة بتخد حوالى نص ساعة بالجلاس بوت .. بتركب بوت زجاجى وتمشى بيه فى البحر تتفرج على الشعاب المرجانية والاسماك من المركب ودى سعرها مش هيتجاوز 60 جنيه للفرد او ممكن تركب الغواصة ودى بتكون اغلى شوية
فى كمان محمية جميلة فى شرم الشيخ ممكن تزورها فى النهار اسمها محمية نبق ودى فيها نباتات المانجروف وطيور مهاجرة كتيرة ودخولها مجانا بدون تكت بس هتحتاج برضو عربية معاك تتحرك بيها جوا المحمية لانها منطقة جبلية
فى طريقك وانت رايح او جاى من شرم بتعدى على شوية حاجات فى الطريق اشهرها نفق الشهيد احمد حمدى فى السويس ال بتعدى منه اسفل قناه السويس عشان تعدى من السويس الى شبه جزيرة سيناء او العكس وكمان هتعدى فى الطريق على راس سدر وحمام فرعون وعيون موسى والطور
البرنامج دا جزء مبسط من اجمل واهم حاجات ممكن تعملها فى شرم الشيخ فى اى وقت مع العلم ان شرم الشيخ فى فترة الصيف بتكون حر شوية ولكن بتفضل من اجمل مدن مصر وبحرها روعة .. وانصحك اوعى تفوت زيارة محمية راس محمد برى .. لانها من اجمل محميات العالم كله بلا مبالغة
اتمنى لحضراتكم رحلات سعيدة واعياد امنه على مصر والمصرين والاخوة العرب وكل عام وحضراتكم بالف خير
البوست الجاى ان شاء الله بعد يومين هيكون موجه للناس ال مسافرين الغردقة عشان نعملهم برنامج سياحى شامل فى الغردقة
ملحوظة : هتلاقى لكل مكان اتذكر هنا فى البوست صورة مكتوب عليها اسم المكان ادخل على الصور واتفرج بنفسك
بعض الصور بالتقرير من تصوير الفنان سامح شاهين وباقى الصور من تصويرى
تقدرو باستمرار تتابعو بروفايلى وكل البوستات الجديدة فى صفحتى الشخصية من الرابط دا :
/Mohamed Elnjjar | Facebook
#مصر_التى_لا_تعرفونها
اتعرفو معانا على تاريخكم وشوفوا بلدكم بعيون مختلفة . تقدروا تتابعونا وتعرفوا اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
/حملات تنشيط السياحة الداخلية Campaign of the Egyptian Tourism
او الجروب الرسمى بتاعنا من الرابط التالى :
/فيها حاجة حلوة
طيب ايه الاماكن ال ممكن اروحها فى شرم الشيخ بما اننا داخلين على العيد وناس كتير اوى هتتجه الى شرم الشيخ ؟؟
البوست دا مش رحلة ولكن دا برنامج او تقدر تقول دليل سياحى لزيارتك لشرم الشيخ واهم الحاجات ال ممكن تزورها هناك . وكمان هديلك اسعار تقريبية للبرامج ال ممكن تعملها فى شرم الشيخ عشان محدش يستغلك او يضحك عليك
حضرتك التسكين فى اى فندق بيكون مش قبل الساعة 12 الظهر يعنى معنى كدا انك محتاج تريح اول يوم ويكون برنامج خفيف .. وبالتالى اول يوم دا ال هو يوم الوصول هيكون هو اليوم الوحيد ال هتقضيه فى الفندق بتاعك .. يعنى تريح وتشوف اليلاج الخاص فى الفندق وتنزل البسين
طيب تانى يوم ممكن تعمل ايه ؟؟ هقولك تعمل ايه .. هتشوف اى حد من الناس ال بنظمو رحلات داخلية داخل شرم الشيخ ودول مكاتب كتير جدا منتشرة فى كل حتة فى شرم وكمان ممكن تلاقى جوا الفندق بتاعك .. اسال الريشبسان واطلب منه انك عاوز تعمل رحلة بحرية (يوم كامل) والرحلة هتكون رحلة من الساعة 8 ص الى 4 م شاملة الغداء والمشروبات على اليخت فى البحر الاحمر وهتكون لمكان من اتنين (منطقة راس محمد او جزيرة تيران) والاتنين حلوين وممتعين جدا ونفس التكلفة تقريبا ... سعر الرحلة دى شاملة الانتقالات من والى الفندق مش هتعدى 150 جنيه تقريبا . وقبل ما تطلع على اليخت تكون عامل حسابك فى ماسك لو ناوى تنزل تعمل سنوركلينج من اليخت وتشوف الشعاب والاسماك الملونة ودول بيتم تاجيرهم من المرسى البحرى ال هتركب منه . وممكن لو عاوز تعمل غطس بتنسق مع مشرف المركب قبلها وبتنزل من اليخت
طيب باقى اليوم هتعمل فيه ايه ؟؟ هترجع الفندق تغير وتخد وجبتك وبعدها تبتدى تستعد عشان المفروض الساعة 8 بالدقيقة تكون موجود فى الهضبة فى مكان اسمه الف ليلة وليلة ودى عبارة عن مبنى ضخم قرية فيها حفلات وسهرة حلوة .. هتخد تاكسى وتقوله ودينى الف ليلة وليلة والحفلات دى والدخول التكت بتاعهم مش هيتجاوز 90 جنيه للفرد بس فى حاجة مهمة وانت بتقطع التكت لازم تاكد عليها على الشباك .. انك تحضر الحفل كامل يعنى العرض التراثى والعرض الفلكلورى والحفل الفنى والشرقى لان فى حفلتين بسعرين مختلفين .. فى حفل كامل ال هو ممتع ومفيد جدا وفى حفل فنى فقط ودا ارخص ومش ممتع اوى لكل الناس . الحفلة بتبدء 9 تقريبا وبتنتهى 12 بالليل .
طيب تالت يوم هتعمل ايه ؟؟ هتصحى الصبح تخد وجبتك فى الفندق وبعدها تكون متفق مع حد من اتنين (لو معاك عربية هتحتاج معاك دليل بس / ولو مش معاك عربية هتحتاج عربية بالسواق ) عشان تزور اجمل واروع محمية فى حياتك ممكن تزورها فى حياتك فيها متعة ونزول بحر ومغامرة جميلة وهى محمية راس محمد بس المرة دى هتزورها برى مش باليخت وعلى فكرة زيارتك للمنطقة باليخت مختلفة تماما عن الزيارة البرية يعنى دى لا تغنى عن دى
طيب العربية لو هتاجر تاكسى لاربع افراد مش هياخد منك اكتر من 250 ج بس اتاكد منه انه حافظ الطريق جوا المحمية وزارها قبل كدا ولو هتاجر اى ميكروباص ل 14 فرد مش هيخد اكتر من 500 ج للمجموعة كلها .. على البوابة كل فرد هيدفع تكت 5 جنيه للفرد ومواعيد المحمية كل يوم من 5 ص الى 4 م ومتنساش البطاقة الشخصية معاك ضرورى جدا . طيب هتشوف ايه جوا المحمية ؟؟
هتبدء بالبوابات الحجرية الضخمة ال هتعدى منها وتقف تتصور عندها .. بعد كدا هتدخل على غابات المانجروف وبعدين شق الزلزال وبعدين الخليج الخفى او البحيرة المسحورة .. وبعد كدا هتروح على المنظار فوق الجبل فى منطقة التقاء خليج السويس بخليج العقبة (مجمع البحرين) وهناك ممكن تتفرج بالمنظار من فوق الجبل على البحر والمراكب ال ماشية والسفن
وبعدها تنزل على منطقة تحت الجبل مليااانة شعاب مرجانية واسماك ملونة من الشط من برا وتقدر تنزل فيها وتستمتع باحلى سنوركلينج .هتخلص يومك وترجع على فندقك تغير وتخد وجبتك طيب هتنام ؟؟؟ انت مش جاى شرم عشان تنام اصلا
هتنزل تخد تاكسى او عربية وتعمل لفة حلوة هتروح مكان عام كدا اسمه سوهو سكوير وهناك هتتفرج على عروض النافورة الراقصة ال بتشتغل فى عرض جميل كل ساعة وهتتصور احلى صور هناك ... وكمان ممكن تطلع على منطقة اسمها هوليود شرم الشيخ هناك مدينة العاب اطفال وحدائق وحفلات ونافورة راقعة وعروض رائعة جدا .. تخلص بعدها بمسافة صغيرة تروح تتمشى فى خليج نعمة هتلاقى محلات وفنادق وكافيهات وعروض فنية كتير .. ممكن تختم سهرتك فى السوق القديم فى شرم الشيخ .. كل الاماكن دى دخولها مجانا ومفتوح للناس اماكن عامة ماعدا هوليود شرم الشيخ هى ال بتكت 30 جنيه بس اخر يوم فى رحلتك ال هو يوم المغادرة .. هتكون حاجز رحلة سفارى بيتش باجى ودى رحلة ممتعة اوى ممكن واحد او اتنين يركبو على البيتش باجى وبتطلع لها من بالليل وقت الفجر عشان تحضر شروق الشمس فى الجبل ودى سعرها مش هيتجاوز 130 جنيه للفرد او الاتنين مع بعض الرحلة بتخد حوالى 3 ساعات وبترجع وقت الفطار وممكن بعد الفطار تستعد تسلم الغرفة للفندق وتروح تختم البرنامج بتاعك برحلة من خليج نعمة بتخد حوالى نص ساعة بالجلاس بوت .. بتركب بوت زجاجى وتمشى بيه فى البحر تتفرج على الشعاب المرجانية والاسماك من المركب ودى سعرها مش هيتجاوز 60 جنيه للفرد او ممكن تركب الغواصة ودى بتكون اغلى شوية
فى كمان محمية جميلة فى شرم الشيخ ممكن تزورها فى النهار اسمها محمية نبق ودى فيها نباتات المانجروف وطيور مهاجرة كتيرة ودخولها مجانا بدون تكت بس هتحتاج برضو عربية معاك تتحرك بيها جوا المحمية لانها منطقة جبلية
فى طريقك وانت رايح او جاى من شرم بتعدى على شوية حاجات فى الطريق اشهرها نفق الشهيد احمد حمدى فى السويس ال بتعدى منه اسفل قناه السويس عشان تعدى من السويس الى شبه جزيرة سيناء او العكس وكمان هتعدى فى الطريق على راس سدر وحمام فرعون وعيون موسى والطور
البرنامج دا جزء مبسط من اجمل واهم حاجات ممكن تعملها فى شرم الشيخ فى اى وقت مع العلم ان شرم الشيخ فى فترة الصيف بتكون حر شوية ولكن بتفضل من اجمل مدن مصر وبحرها روعة .. وانصحك اوعى تفوت زيارة محمية راس محمد برى .. لانها من اجمل محميات العالم كله بلا مبالغة
اتمنى لحضراتكم رحلات سعيدة واعياد امنه على مصر والمصرين والاخوة العرب وكل عام وحضراتكم بالف خير
البوست الجاى ان شاء الله بعد يومين هيكون موجه للناس ال مسافرين الغردقة عشان نعملهم برنامج سياحى شامل فى الغردقة
ملحوظة : هتلاقى لكل مكان اتذكر هنا فى البوست صورة مكتوب عليها اسم المكان ادخل على الصور واتفرج بنفسك
بعض الصور بالتقرير من تصوير الفنان سامح شاهين وباقى الصور من تصويرى
تقدرو باستمرار تتابعو بروفايلى وكل البوستات الجديدة فى صفحتى الشخصية من الرابط دا :
/Mohamed Elnjjar | Facebook
#مصر_التى_لا_تعرفونها
اتعرفو معانا على تاريخكم وشوفوا بلدكم بعيون مختلفة . تقدروا تتابعونا وتعرفوا اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
/حملات تنشيط السياحة الداخلية Campaign of the Egyptian Tourism
او الجروب الرسمى بتاعنا من الرابط التالى :
/فيها حاجة حلوة