S
Steven Gerrard Bergkamp
:: مسافر ::
أول حاجه اشرحلك زمن الرحله لو هنروح علي الخطوط التركيه من مصر لاسطنبول نقول 3 ساعات وترانزايت 3 ساعات ونص وبعد كدة 14 ساعه ....بالنسبه ساوباولو بلد أمان والناس طيبين جدا هناك المشكله كلها في البرازيل اللغه ومش زي ما احنا بنسمع خطر ومش هتعرفي تنزلي الشارع والكلام دة لا طبعا مافيش الكلام دة بس نبعد عن المناطق العشوائية ...وتعتبر ساوباولو منطقه صناعيه مش زاي ريو دي جانيرو ...ريو حاله خاصه ...من شواطئ لأماكن سياحيه زاي شواطئ الكوباكبانا أشهر شواطئ العالم ..ورمز ريو دي جانيرو تمثال كريستو ريدينتور. ...والتلفريك بين الجبالين مع احترامي الكامل لأوروبا امريكا الجنوبية ليها سحر خاص ....بالنسبه الموصلات متوافرة سعر الأتوبيس العام تقريبا 3 ونص ريال برازيلي سعر الريال البرازيلي حوالي 2 جنيه مصري تقريبا بس ريو دي جانيرو بحكم أنها منطقه سياحيه اكيد الجريمه بتكون اكتر في المناطق السياحيه عموما مش البرازيل لوحدها عندها حكايه الحراميه ديه حتي في أوربا ... يعني ناخد بالنا اكيد .....بالنسبه للانتقال من ساوباولو الي ريو أفضل طيران أفضل ...من الاتوبيس لأن الاتوبيس من ساو بالو الي ريو 7 ساعات كدة هنضيع الرحله في الموصلات بحكم طول الرحله لو فترة الرحله مش طويله بمعني البرازيل محتاجه علي الأقل 10 أيام علي شأن الواحد يستمتع ونخالي أكبر فترة ممكنه تكون في ريو مش ساوباولو. ...أهم حاجه منخفش والبرازيل مفهاش مشاكل ورحله سعيدة أن شاء الله