انا عايز اعمل جواه لكذا بلد فى اوروبا...

[Ahmed Bakr]

انا عايز اعمل جواه لكذا بلد فى اوروبا والانتقالات هتكون بالقطار زى فرنسا وهولندا وبلجيكا .
التاشيره معتقدش هتبقى مشكله لانى مهندس وشغال فى شركه مالتى ناشيونال .
بس هى الفكره انى معرفش اروح فين بالظبط واعمل ايه وايه البلاد إللى جنب بعض اروحها وهتتكلف كام وطبعا مفيش افضل منكم اساله

 

[Mohamed Elansary]

افتح خريطه اوروبا ... و سيبها قدامك علي الكمبيوتر كام يوم ... عينك لوحدها كده حتقول نروح هنا و هنا .. اوروبا كلها موصوله ببعضها .... و بعدين في افكار عامه يعني مثلا رحلهه العواصم .. تزور 2 ل 3 عواصم مهمه ..او فكره البلد الكامله يعني .. ايطاليا كلها. بالمدن بتاعتها .. او جنوب اسبانيا كله ... او رحله يكون ليها ثيم. يعني تزور مثلا المدن اللي شهدت معارك مهمه او فيها متاحف مهمة او نايت لايف. ..حط الخريطه قدامك و الكلام حيجي لوحده .. نصيحه اخيره دور علي كتاب اسمه لونلي بلاننت يوروب lonely planet euorp ده جايد لا غني عنه في كل اللي انت عاوزه و رحلات و مسارات مقترحه للرحلات و اهم المهرجانات و الاحتفالات ف الدول الاوروبيه

 

[Mohammed Zakaria Abou Taqa]

قلنا الأول: إنت عاوز إيه من السفر؟ تحب تعمل إيه في سفريتك؟ وسافرت فين قبل كده؟

 

[Maher Badawy]

ناوي تروح لوحدك ولا مع الجماعة

 

[Karim Youseef]

رحله زي دي تتكلف كام لو مثلا من اسبوع ل ١٠ايام

 

[Ahmed N. El-hawawchy]

الهوستيل و الفنادق فى موقع بيجبها رخيصه اوى بس ب ميمبرشيب و انا فيه قولى عاوز تقعد اد ايه فين و انا هقول tripsavr

 

[Mohamed Abdelhack]

أكتر موقع بحب أدور فيه هو wikitravel

 

[Ahmed Bakr]

من الخريطه
هولندا وبلجيكا وفرنسا وايطاليا واسبانيا جنب بعض
ايه الافضل بقا بينهم ؟

 

[Ko Ky]

م

 

[Eman ElAmir]

الاتوبيس ارخص بكتير بين فرنسا وبلجيكا وهولندا . فيه واحد بيطلع من بورت مايوو في باريس ب 12 يورو

 

[Mariem Ouaali]

جرب تشوف طيران داخلي ممكن يكون ارخص من القطار.. انا مشيت من lyon بفرنسا ل venise ب 35 يورو مع easyjet