صباح الخير عليكو.. وكل سنه وكلكو طيبين.. انا...

[Shaimaa Fathy]

صباح الخير عليكو.. وكل سنه وكلكو طيبين.. انا لسه جديدة معاكو بس عجبانى الفكرة قوى وشابو لكل الناس الموجودين
كنت محتاجة بقي مساعدتكو ليا عشان قررت اسيب البلد واسافر اشتغل برة مصر وانا ابيض يافل لافى فلوس ولافى باسبور ولافى اى حاجه نهائى الحمدلله... معرفش هتساعدونى ازاى وانا ابيض من الصينى بعد غسيلة بس عشمى ف ربنا كبير
تحياتى ليكو جميعا

 

[Maha Abd El Barry]

التجارب الى هنا كلها تجارب سفر للسياحه معتقدنش انى شوفت ولا بوست له علاقه بتجربة حد سافر يشتغل.ربنا معاكى عامتاً

 

[Anos Ana]

بصي هو طبعا الموضوع محتاج حاجتين اولا الصبر وثانيا شويه فلوس تحركك بس وشوفي آراء الناس أكيد هيساعدوكي

 

[Lobna Abd El Azeez]

Awel haga lazm t3mleha enk tetal3y passport da darouri awii ... tany haga ebd2y qarary 3wza teshtghli f magal eh ? Magalek wla fe eh w ebd2y 3la asaso qarary htrohi anhy balad w shofi sa3tha el visa bt3tha eh nezamha w ebd2y eb3ty le vacancies fl balad de w isa rabena hywaf2k ..w btw el nas bthazr m3aki 3shn ur post is funny fe seeny b3d el ghasel de

 

[Anos Ana]

أنت عاوز تشتغل على طول انا تجيب لك من الاخر على كوريا الجنوبيه وأجرى هناك مصانع بالعبيط وفيزا سهله جدا جدا والدخل من 1000 دولار شهريا ل 1500 دولار اعتقد زي الفل وهناك الشباب بيحبوا سكن مع بعض وعيش بقا

 

[Hayam Mostafa]

اول حاجه تخصصك ايه والمهنه اللي مسافره عشانها تكون متوافقه مع الباسبور وعشان تتطلعيها متوافقه يبءا تروحي للنقابه التابعه ليها وتتطلعي كارنيه وع اساسه تغيري البطاقه ومنها تعملي الباسبور ولو بطاقتك فيها المهنه يبءا هتستغني عن اللفه دي وتطلعي الباسبور علطول ان شاء الله

 

[Hayam Mostafa]

وبعدين تشوفي البلد اللي رايحه ليها ايه هي عربيه ولا اجنبيه

 

[Hayam Mostafa]

وهل في تاشيره قدامك ولا لا

 

[Moataz Abo El Dahab]

والله لو عرفتى تخلعى وتسيبى البلد يبى ربنا بيحبك وكاتبلك النجاة نصيحة تطلعى باسبور وبعد كدة تدورى على منحة او اى دراسة برة مصر ولو سافرتى ابى خدينى معاكى على جناح الطيارة

 

[Abd El-Rahman Hassan]

السفر سهل اوي للي عايز يسافر ومصمم عليه .. طلعي باسبور وشوفي الدولة اللي تناسب مهنتك وقدمي ..بس حاولي تقدمي في بلاد فيزة الشغل فيها سهلة في البداية بس لحد ما ربنا يكرمك ..وبالتوفيق

 

[Muhammad T. Badr El-din]

Good luck ✌

 

[Muhammad T. Badr El-din]

I can help u with a good job here

 

[Ibrahim Abozena]

هو سفر الشغل بيميل ناحية المؤهلات اكتر من الباسبور والحاجات دى ...

 

[Shaimaa Fathy]

حقيقي ميرسي جدا لكل حد محترم رد عليا وفكر معيا ومتريقش.. ميرسي لمساعدتكم حتى لو بالنصيحة والدعوات

 

[Shaimaa Fathy]

اه على فكرة نسيت ااقول ع شىء مهم انا الحمدلله كنت شغالةHR Specialist ف شركة software كبيرة وكنت مرتاحة وبتكلم انجليزى وشوية المانى وبدوحر ف العبرى بس الظروف احيانا بتحكم بحاجات منحبهاش.. وتاتى الرياح بما لاتشتهى السفن.. التنويه دا بس لكل الاشخاص المحترمين اللى اتريقو علي سؤالى
شكرا كتير لكل اللى ساعدنى مرة تانيه وكل سنه وانتو طيبين