لو سمحتم هو انا لو عاوزة اسافر تركيا ازاى اطلع...

[Nosha Elmansy]

لو سمحتم هو انا لو عاوزة اسافر تركيا ازاى اطلع التصريح الامنى والفيزا والحجز بتاع الاوتيل يبقا ازاى ارخص واى الاماكن السياحية الى هناك

 

[Moutaz Mohamed]

Gamal Abdelmeged

 

[Moutaz Mohamed]

Ahmed Anwar

 

[Nervana S. Seleem]

التصريح الامنى من مجمع التحرير ، الدور الاول ، ظابط الاتصال و بياخد حاولى اسبوع على ما يخلص ولازم تكون الفيزا معاكى والباسبور

الفيزا بتقدمى على الموقع بتاعهم الاول و تاخدى ميعاد و تروحى فى الميعاد السفاره معاكى :
Hr letter - bank statement - حجز فندق مبدئى من على booking.com واعمليه free cancellation-حجز طيران مبدئى - و قسيمه الجواز لو متجوزه علشان بتسهل الاجراءات - تأمين طبى- الباسبور - صوره الباسبور - صوره شخصيه خلفيه بيضاء - و ٤٧٠ جنيه

 

[Nervana S. Seleem]

بالنسبه للفسح هتروحى فين فى تركيا ؟؟

 

[Ahmed Anwar]

السلام عليكم انا اسف انى اتأخر فى الرد
اولا بالنسبة للتصريح الأمنى من مجمع التحرير الدور الأول زى ما انسة نرفانا قالت
أما بالنسبة للأماكن و الفندق
احسن مكان للسكن منطقة فى اسطنبول أسماها اكاسراى اولا لأنها وسط البلد من كل حاجة المترو العادى و المترو الإنفاق و موقف الأتوبيسات و التاكسيات بردوا
تانية لأنها بجوار السلطان حمد و كل المزارات 10 دقائق مشى بس
تالتا لأنها قريبة جدا بردوا من الميناء و تقريبا كل فسحك عن طريق الميناء
رابعا انطاليا بكبرها اوى تلات ليالى بس و اسطنبول باقى اليالى
على فكرة انا ممكن اسيب نمرة تلفونى و ممكن اشرح لزوجك كل حاجة خليه بس يتواصل معايا على الخاص و انا تحت أمركم Nosha Elmansy

 

[Ahmed Anwar]

على فكرة انا عملت كل حاجة لوحدى من غير ولا شركة سياحة بس بمساعدة معتز و مساعدة صحابى و فعلا وفرت كتير اوى
أما بالنسبة للشراء دا موال تانى بي الحمد الله عرفت أرخص الأماكن و عرفت كمان الأسواق الرخيصة اللى ممكن تشترى منها
خلى بس زوجك يتواصل معايا و ان شاء الله هظبطه فى كل حاجة

 

[Gamal Abdelmeged]

صديقى احمد انور قال كل حاجة , بس الفيزا ممكن تتعمل اون لاين بـ 20 دولار

 

[Nervana S. Seleem]

الفيزا الاون لاين للسن تحت ١٨ سنه و فوق ٤٥ سنه

 

[Gamal Abdelmeged]

Yes true ,I think she is of that age if I I'm right

 

[Nervana S. Seleem]

I don't know

 

[Nosha Elmansy]

No

 

[Fatma Fathi El Naggar]

روحي اسطنبول و انطاليا يا نوشه .. و طبعا هتاخدوا دولارات من هنا مبيعترفوش بالمصري هناك و في مكاتب صرافة بتحولي فيها الفلوس لليرا التركي .. اشتري اسطنبول كارد ده كارت للمواصلات هتلاقيه في اي كشك هناك ده بتشحنوه و اشحنيه من نفس الكشك و بتركبوا بيه المواصلات بينفع لكذا شخص عادي و بعد كده بتشحنيه من ماكينات كده هتلاقيها جنب مكان المواصلات .. اشتري كمان خريطه المترو هتخليكوا تفهموا كل حاجه ..
اماكن الفسح في منطه السلطان احمد دي بتروحيها بالترام في هناك ايا صوفيا و مسجد السلطان احمد او المسجد الازرق و قصر توب كابي .. و في محطه اسمها جراند بزار دي ذي الحسين عندنا كده و لو عايزه تروحي مطاعم على البحر و جو المسلسلات التركي كده في محطه في الترام اسمها الامينونو و اخر خط الترام محطه اسمها كابتاش دي بقى بتحجزوا منها رحله البورصه و رحله جزر الاميرات و طبعا هتروحوا رحله مضيق البسفور بردو و في قصر دولما باهشته في محطه الكابتاش بردو .. اتعاملوا لوحدكوا تمامااااا متتعاملوش مع شركات سياحه هتستمتعوا جدا و هتوفروا جدااااااا بالنسبه للشوبنج في هناك ميدان التقسيم بالمترو شارع كله محلات
و كلي ساندويتش الشاورما و المعجنات بتاعتهم و في بطاطس مشويه كده اسمها كومبير و في ساندوتشات سمك على البحر بردو حلوه اوووي .. احجزوا بقى منطقه الفاتح او اكسراي لما سافرت انا و منعم قعدنا في اكسراي هي ذي وسط البلد كل حاجه حواليكي و في هناك ماكدونالدز

 

[Rehab Rabeaa]

يعني سؤال لو سمحت تكلفه السفر ككل لفردين هتبقي في حدود كام

 

[Ahmed Anwar]

تحت امر اى حد فى اى استفسار فى اى وقت ولو حد عايز يكلمنى يتواصل معايا على الخاص و انا تحت أمره

 

[Rawda Madina]

كنت عاوزه اسال هل بورصه تستحق الزياده
والاسعار الرخيصه

 

[Nosha Elmansy]

Moataz Fawzy