A
Aly Adel Aly
:: مسافر ::
Water rafting سمعت عنه ومجتش فرصة اني اعملة غير لما روحت جورجيا فكرة حلوة ومجنونة وقررت اعملها قبل مارجع مصر بدات ادور علي النت اعملة ازاي وفين في جورجيا واسم النهر اية واي تفاصيل عنة كان aragvi riverفي منطة اسمها باسنوري بدات افكر هروح ازاي وهنرجع ازاي فكرت نركب الميني باص واسمة هنا مارشوتكا بس لاقيت الموضع صعب بالنسبة للعودة لان الكامب اللي هنعمل فية الرافتنج كان علي الطريق وبعيد عن تبليسي حوالي ساعة ونص بالعربية في الاخر قررت ندور ونسئل في شركات السياحة ونحاول ناخد خبرة عن الموضوع اكتر نزلت انا واحمد شارع ابخازي ودة متفرع من ميدان الحرية لافينا كتير علي شركات السياحة ولاقيت اننا لازم ناخد عربية مخصوص تودينا وترجعنا ودة افضل حل بعد مادورنا وسئلنا علي الاسعار وقارنا بين اسعار الشركات لاقينا افضل شركة سياحية بتاعت واحد مصري اسمة مستر شريف الشركة اسمها vip Georgia اتكلمنا معاه وعمل ديل بي ١٠٠ لاري شامل الرافتنج والانتقالات من عند الهوستل لغاية الكامب وهيرجعنا تاني عند الهوستل لما نخلص ،،جهزنا نفسنا للمغامرة والعربية كانت معادها عشرة صباحا اتحركنا للكامب الجو كان الحمدلله مشمس وجميل ويشجع جدا في الطريق طبعا الجبال الخضراء والطبيعة الساحرة بعد ساعة ونص تقريبت وصلنا الكامب وبدانا نغير الملابس واتصورنا طبعا مكان الكامب تحفة جدا وسط الجبال والمية استعدينا وفجاة اكتشفنا اننا نسينا نعمل اوردر تصوير احنا اقتكرنا انة هيبقي موجود عادي بس للاسف لازم نعمل اوردرالاول المهم فكرنا هنعمل اية حاجة زي دي اول مرة نعملها ومش عارفين هتتقرر تاني ولا لا ،، اقترحنا ان حد من الكامب ياخد الموبايل ويصورنا لاقينا واحد من اللي شغالين في الكامب وعرضنا علية ووافق مقابل ٢٠ لاري قولنا تمام بسيطة اخد الموبايل وهيمشي جنبنا بالعربية وهيصورنا ،، ركبنا القارب وبدا المسئول عن الكامب يشرحلنا ازاي نعمل الرافتنج ووسائل الامان اتحركنا فعلا الرافتنج حاجة فوق الخيال المية بتتحرك تحتتا بسرعة واحنا بنقدف الجو جميل وطبعا انا عملت فيهاشجيع السيما وقعدت قدام والمية بدات تغرقني بمعني الكلمة المية باردة ومنعشة بصراحة كل تمام والمدرب كان معانا وبيوجهنا نعمل اية والرجل اللي بيصور معانا علي الخط وبيصور فيديو وكلة تمام وفجاة اتشقلبنا والقارب اتقلب بينا بصراحة المية كانت باردة اوي
وطبعا كنا لابسين لايف جاكت وكلة تمام بس المنظر كان مرعب بصراحة والمية بتحرك فينا بسرعة وانا بدور علي الناس الي معايا عشان اطمن عليهم لان محمد كان خايف من الاول وبيخاف من المية عموما
الخمدلله لاقيتة جانبي بدانا نجمع نفسا ونحاول نعدل القارب والحمدلله كلة بقي تمام وطلعنا القارب وكملنا الرافتنج علي خير
اي حد ناوي يعمل رافتنج اعمل حسابك في لابس زيادة معاك لانك هتتغرق يعني هتتغرق واحتمال كبير القارب يتقلب في المية
متلبس حاجة في ايدك ولا في رجلك ومتعملش زي وتاخد الشبشب لانة ضاع
متفكرش تاخد موبايلك معاك خاالص ولا اي حاجة مهمة وتقول عادي لانها هتضيع ومش هتعرف تجبها تاني
الافضل انك تروح بعربية مخصوص عشان طريق العودة هيبقي في ارهاق وهتبقي مرهق بعد اللي حصل
مدة الرافتنج ساعة ونص ودي كفاية ان دراعك وكتفك يقف
لو روحت جورجيا لازم لازم تعمل رافتنج واعمل اتشيك علي الطقس عشان الجو بيمطر ديما هنا
رحلة سعيدة ان شاء الله
وطبعا كنا لابسين لايف جاكت وكلة تمام بس المنظر كان مرعب بصراحة والمية بتحرك فينا بسرعة وانا بدور علي الناس الي معايا عشان اطمن عليهم لان محمد كان خايف من الاول وبيخاف من المية عموما
الخمدلله لاقيتة جانبي بدانا نجمع نفسا ونحاول نعدل القارب والحمدلله كلة بقي تمام وطلعنا القارب وكملنا الرافتنج علي خير
اي حد ناوي يعمل رافتنج اعمل حسابك في لابس زيادة معاك لانك هتتغرق يعني هتتغرق واحتمال كبير القارب يتقلب في المية
متلبس حاجة في ايدك ولا في رجلك ومتعملش زي وتاخد الشبشب لانة ضاع
متفكرش تاخد موبايلك معاك خاالص ولا اي حاجة مهمة وتقول عادي لانها هتضيع ومش هتعرف تجبها تاني
الافضل انك تروح بعربية مخصوص عشان طريق العودة هيبقي في ارهاق وهتبقي مرهق بعد اللي حصل
مدة الرافتنج ساعة ونص ودي كفاية ان دراعك وكتفك يقف
لو روحت جورجيا لازم لازم تعمل رافتنج واعمل اتشيك علي الطقس عشان الجو بيمطر ديما هنا
رحلة سعيدة ان شاء الله