E
Eman ElAmir
:: مسافر ::
#سريلانكا_بعيون_مصرية
اليوم الأول
السفر من القاهرة على الخطوط السعودية كان الأربعاء 6 يوليو الساعة 8
القاهرة - جدة - كولومبو
مبدئيا موظف الجوزات مكانش فاهم يعني ايه فيزا أونلاين وفضل نص ساعة معطلنا يكتشف ايه ده.
وصلنا مطار جدة عشان نلاقي مكان جميل كدة فيه مشروبات وهدايا مكتوب عليها عيد سعيد عبارة عن بوكس صغير فيه 3 قطع شوكولاتة صغيرة.
ترانزيت مدة مش كبيرة تقريبا ساعة ونص ركبنا بعدها الطيارة التانية.
الطيارة مكانش شغال فيها شاشة الترفيه ودول 6 ساعات سفر طيب هعمل ايه ياربي قريت شوية ونمت شوية . لمحت أطفال بيلونوا . كلمت المضيفة قولتلها عايزة Kids kit قالتلي معاكي أطفال في الرحلة؟ قولتلها لأ بس الشاشة مش شغالة. قالتلي يعني عايزة تعملي شكوى. قولتلها لأ أنا عايزة ألون زيهم.
اخيرا فهمت اني عايزة kids kit لنفسي جابتهالي وقعدت ألون الديناصور وأوصل والعب المتاهة وقضيت وقت لطيف.
وانت نازل من الطيارة تحس انك نازل في قطعة من البروكلي الحياة كلها لونها أخضر
وصلنا المطار Bandra Nayaka International airport اللي مفروض انه في كولومبو لكن اكتشفت انه اقرب ل نيجمبو اكتر.
كنا حاجزين عربية فان 7 راكب واحنا كنا 4 اشخاص.
وصلنا الفندق في نيجمبو بعد نص ساعة تقريبا وهو لطيف وصغير والخدمة جميلة ونظيف وفيه حمام سباحة صغير.
لفينا شوية في البلد زورنا ال Dutch Canal و ال Dutch fort و ال Duch clock tower يعني حاجات عادية مش عظيمة بس تغيير.
بعدها زورنا كاتدرائية كبيرة كدة في الطريق .
سوق السمك وفيه اتنين منه سوق السمك المجفف والسمك الصاحي اللي لسى بيلعب.
طبعا ريحته عظيمة زي أي سوق سمك بس منظم ومرتب والناس فيه بسيطة ومبتسمة.
رجعنا الفندق تاني و نزلنا روحنا ال beach
الشاطيء طبعا نجيلة خضراء بعدين رمل وشجر جوز هند.
كان فيه اطفال مسلمين كتير بيعيدوا على الشاطيء في المحيط وكان زحمة بشكل مش طبيعي. اتكلموا معانا شوية وقالولنا عيد مبارك بالعربي.
الجو كان رائع وبسيط وعربيات كتير بتبيع كابوريا وجمبري وسبيط مقلي ومنتجات محلية ومقرماشت سريلانكية. كان ناقص لهم بس واحد بتاع فريسكا
انتهينا من التمشية على المحيط وروحنا زورنا معبد بوذي صغير كدة.
طبعا ممنوعخول المحجبات لأن في عقيدتهم ممنوع تغطية الرأس والقدمين ويجب تغطية المنطقة من الصدر للركبة والدخول حافيين للمعبد.
اخدنا صور من برة ومشينا.
روحنا اتعشينا في مطعم ياباني اسمه Ramen الضيافة هناك عبقرية الناس مبتسمة وذوق وحاجة كدة تفتح النفس على الحياة .
اللي هو من جمال المضيفة وهي بتبتسم وتطمن عليك تبقى عايز تبات في المطعم ومتروحش.
بيعملوا نودلز ياباني مخصوصة اسمها Ramen وبيقدموا اكلات سريلانكية كمان.
الكمبات كانت كبيرة جدا والسعر رخيص.
المدينة في الظلام بليل مفيهاش حاجة تتعمل روحنا الفندق عشان ننام. لأننا كنا مسافرين تاني يوم دامبولا.
نيجمبو مدينة صغيرة وبسيطة لكنها جميلة وهادية وممكن تبقى بداية الرحلة أو نهايتها لقربها من المطار تقريبا 8 كيلو متر. متستاهلش اكتر من يوم او نص يوم. ورحلة bird watching في ال قناة دي ملهاش لازمة.
اليوم الأول
السفر من القاهرة على الخطوط السعودية كان الأربعاء 6 يوليو الساعة 8
القاهرة - جدة - كولومبو
مبدئيا موظف الجوزات مكانش فاهم يعني ايه فيزا أونلاين وفضل نص ساعة معطلنا يكتشف ايه ده.
وصلنا مطار جدة عشان نلاقي مكان جميل كدة فيه مشروبات وهدايا مكتوب عليها عيد سعيد عبارة عن بوكس صغير فيه 3 قطع شوكولاتة صغيرة.
ترانزيت مدة مش كبيرة تقريبا ساعة ونص ركبنا بعدها الطيارة التانية.
الطيارة مكانش شغال فيها شاشة الترفيه ودول 6 ساعات سفر طيب هعمل ايه ياربي قريت شوية ونمت شوية . لمحت أطفال بيلونوا . كلمت المضيفة قولتلها عايزة Kids kit قالتلي معاكي أطفال في الرحلة؟ قولتلها لأ بس الشاشة مش شغالة. قالتلي يعني عايزة تعملي شكوى. قولتلها لأ أنا عايزة ألون زيهم.
اخيرا فهمت اني عايزة kids kit لنفسي جابتهالي وقعدت ألون الديناصور وأوصل والعب المتاهة وقضيت وقت لطيف.
وانت نازل من الطيارة تحس انك نازل في قطعة من البروكلي الحياة كلها لونها أخضر
وصلنا المطار Bandra Nayaka International airport اللي مفروض انه في كولومبو لكن اكتشفت انه اقرب ل نيجمبو اكتر.
كنا حاجزين عربية فان 7 راكب واحنا كنا 4 اشخاص.
وصلنا الفندق في نيجمبو بعد نص ساعة تقريبا وهو لطيف وصغير والخدمة جميلة ونظيف وفيه حمام سباحة صغير.
لفينا شوية في البلد زورنا ال Dutch Canal و ال Dutch fort و ال Duch clock tower يعني حاجات عادية مش عظيمة بس تغيير.
بعدها زورنا كاتدرائية كبيرة كدة في الطريق .
سوق السمك وفيه اتنين منه سوق السمك المجفف والسمك الصاحي اللي لسى بيلعب.
طبعا ريحته عظيمة زي أي سوق سمك بس منظم ومرتب والناس فيه بسيطة ومبتسمة.
رجعنا الفندق تاني و نزلنا روحنا ال beach
الشاطيء طبعا نجيلة خضراء بعدين رمل وشجر جوز هند.
كان فيه اطفال مسلمين كتير بيعيدوا على الشاطيء في المحيط وكان زحمة بشكل مش طبيعي. اتكلموا معانا شوية وقالولنا عيد مبارك بالعربي.
الجو كان رائع وبسيط وعربيات كتير بتبيع كابوريا وجمبري وسبيط مقلي ومنتجات محلية ومقرماشت سريلانكية. كان ناقص لهم بس واحد بتاع فريسكا
انتهينا من التمشية على المحيط وروحنا زورنا معبد بوذي صغير كدة.
طبعا ممنوعخول المحجبات لأن في عقيدتهم ممنوع تغطية الرأس والقدمين ويجب تغطية المنطقة من الصدر للركبة والدخول حافيين للمعبد.
اخدنا صور من برة ومشينا.
روحنا اتعشينا في مطعم ياباني اسمه Ramen الضيافة هناك عبقرية الناس مبتسمة وذوق وحاجة كدة تفتح النفس على الحياة .
اللي هو من جمال المضيفة وهي بتبتسم وتطمن عليك تبقى عايز تبات في المطعم ومتروحش.
بيعملوا نودلز ياباني مخصوصة اسمها Ramen وبيقدموا اكلات سريلانكية كمان.
الكمبات كانت كبيرة جدا والسعر رخيص.
المدينة في الظلام بليل مفيهاش حاجة تتعمل روحنا الفندق عشان ننام. لأننا كنا مسافرين تاني يوم دامبولا.
نيجمبو مدينة صغيرة وبسيطة لكنها جميلة وهادية وممكن تبقى بداية الرحلة أو نهايتها لقربها من المطار تقريبا 8 كيلو متر. متستاهلش اكتر من يوم او نص يوم. ورحلة bird watching في ال قناة دي ملهاش لازمة.