ياجماعة انا اخدت فيزا اسبانيا بس فى مشكلة...

[Ali Morsi]

ياجماعة انا اخدت فيزا اسبانيا
بس فى مشكلة ماقبالنى وهى انى قاعد فترة ١٢ يوم ومحتاج يورو والبنك مبيديش اكتر من 500 يورو ولفيت كتير على مكاتب الصرافة ومحدش عنده خالص وكلوا بيقول معندناش وانا محتاج 2500 يورو انتوا تفيدونى بايه
ايه الحل

 

[Mahmoud Rageh]

خد دولار وهناك غير يورو

 

[Ahmed Mansour]

انت مسافر امتى ؟

 

[Kesho Rizk]

بس ليه تاخد من الصرافه ٢٥٠٠ يورو بمبلغ اكبر من البنك كتير
اسحب بالكارت من برا
بس طبعا امن نفسك بمبلغ علشان متروحش هناك يوقفوا الكروت وتشحت هناك

 

[Hesham Elkashawy]

Mohamed Fikry

 

[Eman Ismail]

بص حاول تعمل وتدفع كل حجوزاتك من هنا بالكريديت
وممكن تكمل الكاش 500 كمان مثلا من الصرافة هاتلاقى اكيد طالما المبلغ مش كبير
وخلى بالك السحب من كروت الديبيت يا أما موقوف خالص يا أما مبلغ بسيط وعلى حسب البنك بتاعك
انا مسافرة بردو بإذن الله وبحاول أتعامل مع القصة دى واخلص كل الحجوزات من هنا قبل السفر علشان الكاش يبقى فى أضيق الحدود

 

[Nehad Gmaldin]

حاول من صرافات تانيه. اسال في المنطقة اللي حضرتك فيها يمكن تلاقي حد حول من مكان تاني

 

[Yasser Salama]

أحيانا شركات الصرافة بيخافوا يبيعوا لمن غير معروف لديهم
حاول عن طريق أحد معارفهم

 

[Nader Fouda]

البنك المفروض فى فيزا الشنجن بالذات مابيديش اقل من 1000 يورو بس طبعا نظرا للظروف الهباب اللى البلد وصلتلها انصحك تسافر ومعاك visa أو master card بس ائتمان مش بتاعة الحساب علشان الأئتمان مايقدروش يوقفوها بره وهناك تقدر تسحب يورو من اى صراف آلى

 

[Mohamad El Agmy]

اشترى دوﻻرات وهتﻻقى نفسك انتا الكسبان. ﻻن الفرق بين اليورو والدوﻻر حوالى جنيه انما برة الفرق مش اكتر من 10 او 20 سنت

 

[Akram Ezzat Moselhy]

خد يورو او بريطاني..و حول هناك
اوعاك تسافر بجنيه مصري و تفتكر انك هتحول هناك

 

[Amal Said]

دور في الصرافات هتلاقي بس طبعا أغلى من البنك هو من أسبوعين كان ١٢:٣٠

 

[Khaled Hossny]

انا في بنك qnb وفعلا وقفنا كل الفيزا خارج مصر حاول تتصرف داخل مصر قبل السفر

 

[Nehad Gmaldin]

انا عايزه اسال هو ايه اللي وقف بره مصر الفيزا والماستر كارد ولا الفيزا الالكترون اللي على الحساب