M
Muhammad Abdel Rahman
:: مسافر ::
زي النهاردة من سنة فاتت، كنت بخطط لاول رحلة ليا خارج مصر، اشتغلت freelance و full time ، طبقت ايام كتير، حوشت فلوس علي قد ما اقدر وكان الهدف واضح قدامي ( تركيا )!
وعلي مدار 4 شهور عملت صداقات مع اتراك كتير في كل مدينة ناوي ازورها وعملت ريسيرش علي مدي 4 شهور وحددت المدن اللي عايز ازورها في تركيا وحددت حتي الفنادق، قدمت علي الفيزا واحلامي كلها اتحطمت في مجمع التحرير لما ظابط الاتصال قالي مش هتسافر تركيا عشان باسبورك مفيهوش مهنة!
بعد الصدمة بدأت اقول لنفسي انا قررت السفر في نوفمبر ومفيش اي حاجة هتوقفني وعملت لستة من 3 دول
1- روسيا
2- جورجيا
3- تونس
وبعد ريسيرش مطول قررت اسافر لروسيا! خصوصا ان الوقت ده كان بداية فصل الشتاء في روسيا وانا كنت عايز ازور روسيا في الشتاء- قابلت مشاكل بعد كده في التجنيد عشان اخد تصريح سفر وعملت ريسك كبير لما عملت حجوزات مؤكدة وربنا سترها وسافرت يوم 19 نوفمبر لموسكو!
كان مسار الرحلة القاهرة – دبي – موسكو بسبب ان الطيران المباشر وقف بين مصر وروسيا بعد حادثة الطيارة الروسية!
خطتي كانت 3 ايام في موسكو
3 ايام في سان بيترسبرج
.....................................................................
الفيزا:
ده لينك لموقع السفارة الروسية وفيه هتلاقوا الورق المطلوب
/سفارة روسيا في مصر
.....................................................................
الاقامة:
عن طريق couchsurfing واحد روسي استضافني في بيته يومين
وفي سان بيترسبرج قعدت في فندق 3 نجوم، الليلة كانت ب 35 دولار! كنت مبذر وقتها قبل ما اعرف طريق الهوستيلز
.....................................................................
ملاحظات سريعة عن كل مدينة:
(موسكو):
كل حاجة في المدينة دي اتعملت عشان تحسسك قد ايه المدينة دي عظيمة! كل حاجة فخمة في المدينة وحجمها ضخم جدا!!!!
مساحة المدينة كبيرة جدا ، تخيل موسكو مساحتها قد القاهرة 5 مرات!
المباني، الكنائس، الشوارع، المترو ضخم جدا جدا وانبهرت لما شفت موسكو مترو تحس انك داخل متحف مش مترو! وهو تاني اكبر مترو في العالم وفيه 9 خطوط!
انا عامتا مش بحب العواصم لان بحسها مملة بس انا حبيت موسكو جدا، عازفين الموسيقي في الشوارع مميزين جدا
مكانهم مش الشوارع وكنت منبهر ازاي دول بيعزفوا في محطات المترو!
الفيديو ده انا مصوره لعازفين الموسيقي في مدخل محطة مترو جنب ال red square
الفن المعماري في موسكو زي ما هتشوفوا في الصور هيخليك منبهر بموسكو وبروسيا، الاهتمام بالتفاصيل في المباني حاجة خلتني منبهر وفاتح بوقي وانا واقف قدام اغلب المباني هناك ، اسخف حاجة في موسكو ان محطات المترو اسمائها بالروسي بس وده خلاني كل مرة ركبت فيها المترو اتوه بالساعات جوه المترو!
(سان بيترسبرج) :
مدينة مختلفة تماما بالمقارنة بموسكو، الفن المعماري وشكل المباني مختلف تماما عن موسكو وبيميل اكتر للطابع الاوروبي،
متحف الارميتاج مبهر مبهر مبهر! من اكبر متاحف العالم وفيه اكتر من 3 مليون قطعة فنية! واكبر متحف في العالم فيه لوحات ل مايكل انجلو، ليوناردو دا فينشي! حجم المتحف كبير لدرجة رهيبة، مكنتش عارف اصور المتحف من كبر حجمه!
المدينة اصغر بكتير وفي منتهي الجمال بليل!
كل حاجة فيها تقريبا ارخص من موسكو، اهلها مختلفين تماما عن موسكو، دايما تلاقي ابتسامة علي وش اهل سان بيتر
عكس موسكو زي اغلب العواصم الحياة فيها اسرع والناس قافشين شوية
.....................................................................
ملاحظات عن روسيا:
اغلب الملاحظات دي شخصية استنتجتها من مقابلاتي مع اكتر من روسي في موسكو وسان بيترسبرج، انا مؤمن ان امتع حاجة في السفر انك تقابل locals، لانك مهما زرت اماكن جميلة هتنساها في يوم من الايام واللي هيفضل في ذاكرتك الناس الطيبة والملهمة اللي بتقابلهم حوالين العالم!
1- الروس ليهم طبيعة مختلفة عن اغلب الجنسيات اللي شفتها، بسبب العزلة اللي كانت مفروضة علي الروس ايام الاتحاد السوفيتي ( مكانوش يقدروا يخرجوا خارج دول الاتحاد السوفيتي ) وكانوا مش بيشوفوا اي جنسيات مختلفة لمدة عقود فهما اتعودوا ميشوفوش اجانب لسنين طويلة وده خلاهم لغاية دلوقتي بيتعاملوا بحذر مع الاجانب بس لما يعرفوك كويس هتحس انهم شعب لطيف جدا!
2- وانا مسافر روسيا كنت مفكر اني رايح اكبر دولة ملحدة زي ما بنسمع، لما وصلت هناك كنت كل ما اخش كنسية الاقيها مليانة! مش سياح لا روس بيصلوا! لما سالت اصحابي الروس قالولي فيه روس كتير متدينين وان ده اتجاه الدولة حاليا!
3- كل اللي قابلتهم تقريبا بيكرهوا بوتين وبيقولوا عليه سفاح بس مبينكروش ذكائه الشديد وقدرته علي ادارة دولة بحجم روسيا.
4- نادرا لما تلاقي روسي بيتكلم انجليزي!
5- الروس ناشفين شوية في التعامل ويمكن ده بسبب طبيعة المناخ القاسية هناك!
6- سالت اكتر من حد من اصحابي هناك ايه اكبر مشاكل بتواجهكم، اغلبهم اجمعوا ان الشتاء اكبر مشكلة بتواجههم هناك يمكن اكبر من مشكلة البطالة لدرجة ان في روس بيهاجروا بسبب قسوة المناخ!
7- روسيا عايش فيها ناس كتير من اوزباكستان وطاجكستان والدول الكتير اللي اخرها ستان وللاسف مواطنين الدول دي بيشتغلوا باجور زهيدة جدا وممكن يكون دكتور في بلده وشغال حارس في فندق!
8- بياكلوا كميات كبيرة بسبب البرد وطوال جدا واجسامهم ضخمة، اول مرة اسافر مكان احس اني قصير فيه
9- العملة بتاعتهم وقعت جدا في اخر 3 سنوات وخصوصا بعد احتلال روسيا لجزر الكرم الاوكرانية!
10- شعب لطيف جدا وبيساعدك علي قد ما يقدر حتي لو بيتكلم روسي بس والشرطة هناك عاملين دور هايل في مساعدة اي سائح!
11- روسيا امان جدا انا كنت كل يوم بتمشي من الساعة 11 ل 4 الفجر في موسكو وسان بيتر ومقابلتش اي مشكلة
12- ربنا ما يوريكوا الجو هناك عامل ازاي انا قعدت 6 ايام هناك مشفتش الشمس فيهم فبسال صحبتي هو الشمس مش هتطلع الايام دي؟ كان سؤالي ده في 24 نوفمبر، ردت عليا قالتلي الشمس هتطلع علي فبراير
13- سافرت من موسكو لسان بيترسبرج بالقطر الطلقة supsan، تذاكر القطر اغلي من تذاكر الطيران والقطر انضف من اغلب الطيارات اللي ركبتها في حياتي
14- مشوفتش اي شحات في موسكو او سان بيترسبرج!
15- شعب بيقدر الموسيقي والفن جدا جدا جدا!
.....................................................................
خلاصة الرحلة: كانت اول رحلة ليا ومن كتر انبهاري بروسيا نمت اول 3 ايام لمدة ساعتين بس وكنت طول اليوم في الشارع عيني بتشوف الفن المعماري الروسي المبهر ووداني بتسمع موسيقي عازفين الشوارع الجميلة! كنت حاسس اني بطل في فيلم جميل جدا، وان شاء الله هرجع روسيا مرة تانية عشان ازور سيبيريا المرة الجاية!
اعذروني لو الصور مش مظبطة بس الحرارة كانت ما بين -2 ل -8 واغلب الصور طالعة مهزوزة او مش مظبوطة عشان مكنتش بقدر امسك الكاميرا من البرد!
وعلي مدار 4 شهور عملت صداقات مع اتراك كتير في كل مدينة ناوي ازورها وعملت ريسيرش علي مدي 4 شهور وحددت المدن اللي عايز ازورها في تركيا وحددت حتي الفنادق، قدمت علي الفيزا واحلامي كلها اتحطمت في مجمع التحرير لما ظابط الاتصال قالي مش هتسافر تركيا عشان باسبورك مفيهوش مهنة!
بعد الصدمة بدأت اقول لنفسي انا قررت السفر في نوفمبر ومفيش اي حاجة هتوقفني وعملت لستة من 3 دول
1- روسيا
2- جورجيا
3- تونس
وبعد ريسيرش مطول قررت اسافر لروسيا! خصوصا ان الوقت ده كان بداية فصل الشتاء في روسيا وانا كنت عايز ازور روسيا في الشتاء- قابلت مشاكل بعد كده في التجنيد عشان اخد تصريح سفر وعملت ريسك كبير لما عملت حجوزات مؤكدة وربنا سترها وسافرت يوم 19 نوفمبر لموسكو!
كان مسار الرحلة القاهرة – دبي – موسكو بسبب ان الطيران المباشر وقف بين مصر وروسيا بعد حادثة الطيارة الروسية!
خطتي كانت 3 ايام في موسكو
3 ايام في سان بيترسبرج
.....................................................................
الفيزا:
ده لينك لموقع السفارة الروسية وفيه هتلاقوا الورق المطلوب
/سفارة روسيا في مصر
.....................................................................
الاقامة:
عن طريق couchsurfing واحد روسي استضافني في بيته يومين
وفي سان بيترسبرج قعدت في فندق 3 نجوم، الليلة كانت ب 35 دولار! كنت مبذر وقتها قبل ما اعرف طريق الهوستيلز
.....................................................................
ملاحظات سريعة عن كل مدينة:
(موسكو):
كل حاجة في المدينة دي اتعملت عشان تحسسك قد ايه المدينة دي عظيمة! كل حاجة فخمة في المدينة وحجمها ضخم جدا!!!!
مساحة المدينة كبيرة جدا ، تخيل موسكو مساحتها قد القاهرة 5 مرات!
المباني، الكنائس، الشوارع، المترو ضخم جدا جدا وانبهرت لما شفت موسكو مترو تحس انك داخل متحف مش مترو! وهو تاني اكبر مترو في العالم وفيه 9 خطوط!
انا عامتا مش بحب العواصم لان بحسها مملة بس انا حبيت موسكو جدا، عازفين الموسيقي في الشوارع مميزين جدا
مكانهم مش الشوارع وكنت منبهر ازاي دول بيعزفوا في محطات المترو!
الفيديو ده انا مصوره لعازفين الموسيقي في مدخل محطة مترو جنب ال red square
الفن المعماري في موسكو زي ما هتشوفوا في الصور هيخليك منبهر بموسكو وبروسيا، الاهتمام بالتفاصيل في المباني حاجة خلتني منبهر وفاتح بوقي وانا واقف قدام اغلب المباني هناك
، اسخف حاجة في موسكو ان محطات المترو اسمائها بالروسي بس وده خلاني كل مرة ركبت فيها المترو اتوه بالساعات جوه المترو!(سان بيترسبرج) :
مدينة مختلفة تماما بالمقارنة بموسكو، الفن المعماري وشكل المباني مختلف تماما عن موسكو وبيميل اكتر للطابع الاوروبي،
متحف الارميتاج مبهر مبهر مبهر! من اكبر متاحف العالم وفيه اكتر من 3 مليون قطعة فنية! واكبر متحف في العالم فيه لوحات ل مايكل انجلو، ليوناردو دا فينشي! حجم المتحف كبير لدرجة رهيبة، مكنتش عارف اصور المتحف من كبر حجمه!
المدينة اصغر بكتير وفي منتهي الجمال بليل!
كل حاجة فيها تقريبا ارخص من موسكو، اهلها مختلفين تماما عن موسكو، دايما تلاقي ابتسامة علي وش اهل سان بيتر
عكس موسكو زي اغلب العواصم الحياة فيها اسرع والناس قافشين شوية
.....................................................................
ملاحظات عن روسيا:
اغلب الملاحظات دي شخصية استنتجتها من مقابلاتي مع اكتر من روسي في موسكو وسان بيترسبرج، انا مؤمن ان امتع حاجة في السفر انك تقابل locals، لانك مهما زرت اماكن جميلة هتنساها في يوم من الايام واللي هيفضل في ذاكرتك الناس الطيبة والملهمة اللي بتقابلهم حوالين العالم!
1- الروس ليهم طبيعة مختلفة عن اغلب الجنسيات اللي شفتها، بسبب العزلة اللي كانت مفروضة علي الروس ايام الاتحاد السوفيتي ( مكانوش يقدروا يخرجوا خارج دول الاتحاد السوفيتي ) وكانوا مش بيشوفوا اي جنسيات مختلفة لمدة عقود فهما اتعودوا ميشوفوش اجانب لسنين طويلة وده خلاهم لغاية دلوقتي بيتعاملوا بحذر مع الاجانب بس لما يعرفوك كويس هتحس انهم شعب لطيف جدا!
2- وانا مسافر روسيا كنت مفكر اني رايح اكبر دولة ملحدة زي ما بنسمع، لما وصلت هناك كنت كل ما اخش كنسية الاقيها مليانة! مش سياح لا روس بيصلوا! لما سالت اصحابي الروس قالولي فيه روس كتير متدينين وان ده اتجاه الدولة حاليا!
3- كل اللي قابلتهم تقريبا بيكرهوا بوتين وبيقولوا عليه سفاح
بس مبينكروش ذكائه الشديد وقدرته علي ادارة دولة بحجم روسيا. 4- نادرا لما تلاقي روسي بيتكلم انجليزي!
5- الروس ناشفين شوية في التعامل ويمكن ده بسبب طبيعة المناخ القاسية هناك!
6- سالت اكتر من حد من اصحابي هناك ايه اكبر مشاكل بتواجهكم، اغلبهم اجمعوا ان الشتاء اكبر مشكلة بتواجههم هناك يمكن اكبر من مشكلة البطالة
لدرجة ان في روس بيهاجروا بسبب قسوة المناخ!7- روسيا عايش فيها ناس كتير من اوزباكستان وطاجكستان والدول الكتير اللي اخرها ستان
وللاسف مواطنين الدول دي بيشتغلوا باجور زهيدة جدا وممكن يكون دكتور في بلده وشغال حارس في فندق!8- بياكلوا كميات كبيرة بسبب البرد وطوال جدا واجسامهم ضخمة، اول مرة اسافر مكان احس اني قصير فيه
9- العملة بتاعتهم وقعت جدا في اخر 3 سنوات وخصوصا بعد احتلال روسيا لجزر الكرم الاوكرانية!
10- شعب لطيف جدا وبيساعدك علي قد ما يقدر حتي لو بيتكلم روسي بس والشرطة هناك عاملين دور هايل في مساعدة اي سائح!
11- روسيا امان جدا انا كنت كل يوم بتمشي من الساعة 11 ل 4 الفجر في موسكو وسان بيتر ومقابلتش اي مشكلة
12- ربنا ما يوريكوا الجو هناك عامل ازاي
انا قعدت 6 ايام هناك مشفتش الشمس فيهم فبسال صحبتي هو الشمس مش هتطلع الايام دي؟ كان سؤالي ده في 24 نوفمبر، ردت عليا قالتلي الشمس هتطلع علي فبراير 13- سافرت من موسكو لسان بيترسبرج بالقطر الطلقة supsan، تذاكر القطر اغلي من تذاكر الطيران والقطر انضف من اغلب الطيارات اللي ركبتها في حياتي
14- مشوفتش اي شحات في موسكو او سان بيترسبرج!
15- شعب بيقدر الموسيقي والفن جدا جدا جدا!
.....................................................................
خلاصة الرحلة: كانت اول رحلة ليا ومن كتر انبهاري بروسيا نمت اول 3 ايام لمدة ساعتين بس وكنت طول اليوم في الشارع عيني بتشوف الفن المعماري الروسي المبهر ووداني بتسمع موسيقي عازفين الشوارع الجميلة! كنت حاسس اني بطل في فيلم جميل جدا، وان شاء الله هرجع روسيا مرة تانية عشان ازور سيبيريا المرة الجاية!
اعذروني لو الصور مش مظبطة بس الحرارة كانت ما بين -2 ل -8 واغلب الصور طالعة مهزوزة او مش مظبوطة عشان مكنتش بقدر امسك الكاميرا من البرد!
.. تسلم أيدك