its long time ago since i post something...

  • بادئ الموضوع بادئ الموضوع Mohamed Abdelhady
  • تاريخ البدء تاريخ البدء
عرض العطلة
M

Mohamed Abdelhady

:: مسافر ::
#1
its long time ago since i post something
المره دى هحكى موقف بسيط وهو ازاى دخلت ايرلندا الجنوبيه من غير فيزا مسبقه مع ان لازم الحصول على فيزا مسبقه للمصرين قبل السفر .No risk No life


انا كنت فى لندن وكان ليا صحاب فى مدينه دبلن بايرلندا الجنوبيه فكنت عاوز اشوفهم وما كنش فيه وقت اطلع فيزا ايرلندا فقلت هحجز من لندن واروح واعمل انى مش عارف ان ليها فيزا مستقله وانا وظروفى ... حجزت الطيران بحوالى 35 استرلينى ورحت المطار ففى لندن قالو فين فيزا ايرلندا لان ما بتتدخلهاش بفيزا انجلترا قولتلهم لا احنا المصريين مسموحلنا ندخلها عادى وناخد الفيزا فى المطار فعملت اتصال كده وتقريبا اللى رد عليها غبي فقلها ماشي اسمحيله انو يطلع على الطياره
والحمد الله ركبت الطياره ووصلت دبلن وفى المطار وصلت الجوازات وفتحت الباسبور على فيزا انجلترا واديتها لمسؤله الجوزات فى المطار فقالت ايه دى انا عاوز فيزا ايرلندا دى فيزا انجلترا ... فهنا بقى عملت من بنها ..... قولتلا هيا مش تبع انجلترا بنفس الفيزا قالت لا دى ايرلندا الشماليه مش الجنوبيه ... فقولتلها ما اعرفش ان ايرلندا الجنوبيه ليها فيزا لوحدها ... فقالت اسفه انا كده مطره ارجعك تانى .... فقلت ازاى انا بجد ما اعرفش ان ايرلندا ليها فيزا منفصله ولو اعرف كنت طلعتها زى انجلترا ... فقالت طب ثوانى اقول للمسؤل عن الجوزات وجه راجل باين عليه الشر وقالى يعنى باسبورك عليه كل الفيز وفيز ايرلندا لا سورى مش هقدر ادخلك ومشى :( :( .... فحسيت ان موظفه الجوزات في امل منها ... فقلتها بجد انا جاى زيار لصحابى يومين ومسافر بعدها اسكتلندا وده حجز الطيران بتاعى لاسكتلندا ... وبعد ما سالتنى شويه اساله اهمها انت شغال ايه قولتلها جراح تجميل فقالت wooooow فانا بعدها عرفت انى هدخل =D =D فقالت انا هدخلك على مسؤليتى الشخصيه واديتنى فيزا من المطار مدتها 30 يوم ودخلت ايرلندا =D =D
دا بس مجرد سرد بسيط للاحداث لكل كان فيه كلام كتييير في النص بس ما رضيتش اطول البوست
السفر مغامره :) :)

#سافر
#عيش_شبابك
#جراح_لكن_رحال
16427246_1774054335953778_3407664005420793361_n.jpg
 
#3
ياريت بقى الادمن يشيل البوست ده .. ✋✋

و ربنا سترها معاك مش لازم تنشر حاجه زي كده للناس عشان ممكن تحصل مشاكل فعلاً ..
 
عرض العطلة
#6
كل الاحترام لحضرتك .. وصدقني لا اقصد أي اهانة .. لكن الموقف ده يجسد الفهلوة المصرية اللي مشوهة صورتنا في العالم كله وهي سبب كل ما نحن فيه ... رد الفعل الأفضل هو الالتزام بقواعد ونظم الدول لتكون نموذج مصري ملتزم .. اكرر تقديري لحضرتك
 
#7
وليه كل وجع القلب ده يا معلم ..
انا عايش في لندن ولما بحب اروح دبلن باخد العبارة لبلفاست ولا بتحتاج تأشيرة ولا اي تصريح دخول ولا مطار ولا وجع قلب
ثانياً ان مطار دبلن مش بيديك ختم دخول او خروج لاني قبل كدة روحت دبلن قعدت فترة وحبيت انزل مصر روحت المطار وبص في الباسبور وقالي اتفضل .. وانا راجع من مصر علي دبلن عمل نفس الحوار ومخدتش لا ختم دخول ولا خروج .. انما لما بنزل مصر من لندن باخد اختام عادي
 
#9
دكتور اه
بس مجرم
الله ينور ..... لا بجد الله ينور
تعجبنى فكرة انك اتفاجئت دى ان ايرلندا الجنوبية ليها فيزا لوحدها لا وايه فالمطار
اهم حاجة انك تبقى مصدق نفسك
 
عرض العطلة
#14
دا مثال حي للنصب والفهلوة والرخامة علي خلق الله والفخر بانك اخدت حاجة مش من حقك ولا عملت اللي عليك عشان تاخدها ومسمهاش عملت نفسي مش عارف اسمها كذبت
 
#15
على فكرة انا الشخص اللى رجع من مطار جورجيا عشان كنت مسافر قبل الميعاد بيومين بس فعلا والله انا معرفش وموظف البوردنج في المطار مخدش باله منها عشان كده لما رجعت اداره المطار حجزت ليه فى فندق محترم جدا جدا فى الغردقة على حسابهم أقامه كاملة ورجعت على أول طيارة
وفى جورجيا دخلت عادى مفيش مشكلة وانا خارج كان معي تأشيرتين دخول لدولتين تانين وانا راحت واحده منهم وفى المطار عشان انا اقعدت 5 ايام بس سألوني عن رأي فى البلد و ايه أحب اشوفه في البلد لما ارجع
وليه ماشى بسرعة يعنى رأيى بشكل عام عن جورجيا .
 
عرض العطلة
#16
ازاي ياجدع دي حاجه ولا في الخيال عمري ما اصدقها طبعا ..... قوانين التأشيرات قوانين صارمة مستحيل يبقى فيها استثناءات لأي باسبور في العالم فما بالك لو باسبور مصري
 
#18
الرد لكل اللي بينتقد ده مجرد موقف حصلي وانا ما بقلش للناس اعملو كده زيي ولو كنت عاوز اطلع فيزا ايرلندا كنت طلعتها بسهوله جداا بس الحكايه كلها كانت في الوقت كان ديق خالص ودي كانت نصيحه من واحد صاحبي انجليزي في لندن ان اخد الريسك واروح وهما في المطار هناك مش اغبيه ولا بياخدو بالعواطف ولا هتصعب عليهم يعني ولا هتفرق معاهم رخامتك زي ما حد قال دول موظفين امن للدوله في مدخل الدوله وهو المطار ولو عندهم نسبه شك واحد في المليون ما كنوش دخلوني لا عواطف ولا رخامه ولا نصب ولا كدب ولا حاجه هتفرق معاهم واسف اني فكرت اني اشارك موقف حصلي هنااا وشكرا علي الاسلوب الحضاري اللي بتتناقشو بيه هيا دي فعلا مصر
 
#20
انا كنت مسافر باتومي وكان الجو وحش جدا وكانت النتيجة إن الطيارة هبطت اضطراري مطار طرابزون في تركيا والكابتن بعد الهبوط مباشرة اتكلم في مايكرفون الطيارة وقال إن إن الجو وحش في مطار باتومي ومقدرناش نهبط هناك وتركش ايرلاينز هاتوفر اتوبيسات لنقل جميع الركاب لباتومي وقبل ما أنزل من الطيارة قابلته وقولتله إن فيزا تركيا اللي معايه منتهية وظابط الجوازات مش هايرضى يعديني قاللي دي حالة استثنائية وأكيد هايعديك وبعت معايا مضيف من الطيارة وروحنا للظابط وبص في الباسبور بتاعي وقاللي مش هاتعدي والمضيف اللي كان معايا قعد يكلمة بالتركي اكتر من نص ساعة ولما غلب معاه راح جابله مندوب من تركش ايرلاينز عشان يضغط عليه وبرضو مافيش فايدة وكان معايا واحد كويتي ومراته مصرية والظابط قال له انت تعدي لاكن مراتك متعديش والراجل قعد يتنطط قدامة مافيش فايدة وفي الآخر اتكلمت انا معاه وقولتله ياعمنا ده فاضل كل الحكاية 180 كيلوا على الحدود ابعت معانا ظابط من عندك يوصلنا لغاية هناك قاللي دي قوانين ومقدرش اخالفها لو حتى اردوغان ذات نفسة طلب مني اخالفها مستحيل اخالفها وكانت النتيجة اني رجعت اسطنبول تاني على نفس الطيارة وبيتت هناك لتاني يوم وركبت طيارة باتومي اللي بعدها كانت اكتر تجربة مريرة مرت عليا في السفر
 
عرض العطلة
عرض العطلة
عرض العطلة
أعلى أسفل
عودة
قائمة