بعد السلام والتحية سؤال لأهل الخبرة خارج...

[Yasser Salama]

بعد السلام والتحية
سؤال لأهل الخبرة خارج المنهج
إبن أخى مسافر من ألمانيا ترانزيت سويسرا إلى القاهرة وعلى نفس الخطوط السويسرية
مدة الترانزيت 50 دقيقة فقط فهل ستكون كافية لختم جواز السفر فى سويسرا للخروج من أوروبا لأنه فى هذه الحالة لن يختم فى ألمانيا ؟
وهل ستظل مسئولية الشركة الناقلة لأن الرحلتين على نفس خطوط الطيران ؟

 

[Hany Adel]

لو هو مسافر من المانيا الى القاهرة عبورا بسويسرا ترانزيت هو هيختم فى المانيا خروج و فى القاهرة دخول يعنى ختمين فقط مش هيختك فى سويسرا لانه ترانزيت و الترانزيت مش هيختم لانه من نفس ال terminal و مش هيخرج بره مطار سويسرا و بالنسبة للوقت الكافى طالما سيستم الحجز اداله الرحلتين على بعض كده ومدة الترانزيت كده يبقى شركة الطيران موافقة ان المدة كافية و اى تأخير فى رحلة المانيا سويسرا ستتحمل الخطوط السويسرية نتيجته من اقامة و غيره فى حالة ضياع رحلة سويسرا القاهرة لاقدر الله..زلازم هيعمل اتنين بوردنج المانيا سويسرا و سويسرا القاهرة.

 

[Ashraf Ahmed]

على فكرة ساعات بيختموا و ساعات لا
هو ممكن يطلب من ضابط الجوازات فى سويسرا ختم الخروج لو مختمش فى المانيا او فى المانيا يسأل الضابط و هو خارج من الجوازات

 

[Sameh Mohamed]

غالباً الختم في سويسرا لان المانيا لسويسرا طيران داخلي
ومفروض ينزل ويطلع علي الترمينال التانية فوراً ودي بتكون انترناشونال وبيعدي من بوابة جوازات عند بوابة الجوازات لازم يبلغ الظباط اللي بينظم الصفوف ان طيارته فاضل لها وقت قليل حيعدوه بسرعة ولو راحت منه الطيارة مفروض شركة الطيران بتوفر له اول طيارة ولو حيستني فترة طويلة او بيات بيبقي علي نفقتهم عادة الطيران حيده كوبون للاكل والشرب في المطار في الحالة دي

 

[Tawfik Azer]

عن تجربة ينفع وخصوصا اذا كانت تذكرته واحدة
من لوفتهانزا مثلا لان سويس اير تبع جروب لوفتهانزا
دى مسئولية الشركة الناقلة

 

[Yasser Salama]

الرحلتين على نفس الخطوط (السويسرية)