M
Mahmoud Samir Bedair
:: مسافر ::
المره دى حكلمكم عن الوجهه المفضله لكل الناس اللى طالعه شهر عسل و محبى المغامرات ,انا لسه راجع منها.
بلد فى جنوب شرق اسيا بتتميز بنفس الطبيعه اللى حتلاقوها فى الفلبين و ماليزيا و اندونيسيا مع اختلاف بسيط انها ارخصهم و فيها حياة ليلية مميزه
13 تايلاند
تايلاند مملكة حديثة نوعا ما. زمان كان اسمها سيام حدودها مع لاوس وكمبوديا وماليزياو ميانمار.عاصمتها بانكوك. عملتها اسمها بات THB و الدولار بيساوى تقريبا 34 بات. عدد سكان تايلاند حوالي 66 مليون و اقتصادها بيعتمد 100% على السياحة.
تايلاند بتتميز انها من اهم الوجهات السياحية فى العالم. فى 2016 زارها سياح اكتر من باريس ولندن حسب كلام مجلة التايم.
انا ممكن كلامى ميعجبش ناس كتير بس انا من واقع خبرتى مع اسيا شايف ان تايلاند مش رقم واحد. هى بتتميز بالسعر اى نعم لكن من ناحية الطبيعه فى بلاد اقوى بكتير.
مش معنى كلامى انها وحشه بالعكس تايلاند جميله جدا.
و غير كده كل شركات السياحه اللى بتروج ليها لشهر العسل وكده بتروج لبوكيت و بانكوك مع ان من وجهة نظرى برضه هما غير مناسبين لشهر العسل و الشواطىء اللى فى بوكيت فى احسن منها مليون مره.
عشان كده انا حقدملكم نصيحتى للسفر لتايلاند و يارب تكون مفيده.
اولا محبى الحياة الليلية و الديسكوهات الخ بانكوك فيها سوخومفيت و مدينة باتايا القريبه من بانكوك و شارع بانجلا فى بوكيت حيقوموا بالواجب و زياده.
محبى الشوبنج فى مولات مميزه جدا فى بانكوك زى MBK و التايم سكوير فى سوخومفيت (شارع العرب) ومولات سيام فى منطقة سيام اللى فيها برضه اكواريوم جميل جدا ممكن تعوموا مع اسماك القرش فيه بالاضافة ان باتايا اسعارها اقل شوية من بانكوك.
بانكوك برضه فيها بعض المزارات المهمه زى الجراند بالاس و معابد وات برا ووات بو و فيها نهر تشاو فرايا اللى ممكن تاخدوا رحلة بالمواصلات العامة فيه رخيصه و بلاش الرحلات الغالية. اللى يروح بانكوك بنصحه باستخدام السكاى ترين و بلاش تاكسيات نهائيا.
بالنسبة لمحبى المغامرات فى جزيره اسمها كوه ساموى مميزه جدا اعملوا سيرش عليها و فى منطقة شينج ماى لمحبى المناطق الجبلية. ده غير طبعا الانشطه المشهور فى بوكيت زى ركوب الافيال و ال zipline و الbungee jump و الرياضات الساحلية و رحلات اليوم الواحد للجزر المشهوره زى جزيرة جيمس بوند.
الناس اللى طالعه شهر عسر و محبى الطبيعه الخلابه تعالولى هنا بقى على جمب, بدل ما تروحوا بوكيت فى منطقة ساحلية مواجهه لبوكيت اسمها كرابى krabi, بتتميز انها انظف و ارقى بكتير و الطبيعه فيها احلى و فيها حاجات اكتر. ده غير انها ارخص و اهدى و ممكن تعملوا فيها نفس الانشطة اللى بتتعمل فى بوكيت زى رحلة جيمس بوند و ممكن منها كمان تزوروا بوكيت بالمراكب.
فى جزيرة اسمها phi phi island بنصح اللى طالعين شهر عسر يباتوا فيها يوم او اتنين احسن من طلوعها رحلة يوم واحد لانها جميله جدا و مناسبة لشهر العسل و دى اللى فيها اتصور فيلم the beach بتاع ليوناردو ديكابريو.
و اخيرا احب انوه برضه ان الزميل محمد السيد Mohamed Elsayed لفت نظرنا لمناطق جميله جدا على نهر ماى كلونج و شلالات Erawan و معابد مدينة ايوتايا اللى اتصور فيها مورتال كومبات.
و اخيرا متنسوش تعملوا ماساج و تدعولى, متخافوش من الاكل من العربيات اللى فى الشارع اكلها جميل و نظيف و رخيص و ممكن تسالوا حلال ولا لأ و متنسوش تجربوا الفواكه الموسمية هناك زى الباشن فروت حتحبوها اوى.
يا رب الصور تعجبكم وبرجاء عدم نقلها
بلد فى جنوب شرق اسيا بتتميز بنفس الطبيعه اللى حتلاقوها فى الفلبين و ماليزيا و اندونيسيا مع اختلاف بسيط انها ارخصهم و فيها حياة ليلية مميزه
13 تايلاند
تايلاند مملكة حديثة نوعا ما. زمان كان اسمها سيام حدودها مع لاوس وكمبوديا وماليزياو ميانمار.عاصمتها بانكوك. عملتها اسمها بات THB و الدولار بيساوى تقريبا 34 بات. عدد سكان تايلاند حوالي 66 مليون و اقتصادها بيعتمد 100% على السياحة.
تايلاند بتتميز انها من اهم الوجهات السياحية فى العالم. فى 2016 زارها سياح اكتر من باريس ولندن حسب كلام مجلة التايم.
انا ممكن كلامى ميعجبش ناس كتير بس انا من واقع خبرتى مع اسيا شايف ان تايلاند مش رقم واحد. هى بتتميز بالسعر اى نعم لكن من ناحية الطبيعه فى بلاد اقوى بكتير.
مش معنى كلامى انها وحشه بالعكس تايلاند جميله جدا.
و غير كده كل شركات السياحه اللى بتروج ليها لشهر العسل وكده بتروج لبوكيت و بانكوك مع ان من وجهة نظرى برضه هما غير مناسبين لشهر العسل و الشواطىء اللى فى بوكيت فى احسن منها مليون مره.
عشان كده انا حقدملكم نصيحتى للسفر لتايلاند و يارب تكون مفيده.
اولا محبى الحياة الليلية و الديسكوهات الخ بانكوك فيها سوخومفيت و مدينة باتايا القريبه من بانكوك و شارع بانجلا فى بوكيت حيقوموا بالواجب و زياده.
محبى الشوبنج فى مولات مميزه جدا فى بانكوك زى MBK و التايم سكوير فى سوخومفيت (شارع العرب) ومولات سيام فى منطقة سيام اللى فيها برضه اكواريوم جميل جدا ممكن تعوموا مع اسماك القرش فيه بالاضافة ان باتايا اسعارها اقل شوية من بانكوك.
بانكوك برضه فيها بعض المزارات المهمه زى الجراند بالاس و معابد وات برا ووات بو و فيها نهر تشاو فرايا اللى ممكن تاخدوا رحلة بالمواصلات العامة فيه رخيصه و بلاش الرحلات الغالية. اللى يروح بانكوك بنصحه باستخدام السكاى ترين و بلاش تاكسيات نهائيا.
بالنسبة لمحبى المغامرات فى جزيره اسمها كوه ساموى مميزه جدا اعملوا سيرش عليها و فى منطقة شينج ماى لمحبى المناطق الجبلية. ده غير طبعا الانشطه المشهور فى بوكيت زى ركوب الافيال و ال zipline و الbungee jump و الرياضات الساحلية و رحلات اليوم الواحد للجزر المشهوره زى جزيرة جيمس بوند.
الناس اللى طالعه شهر عسر و محبى الطبيعه الخلابه تعالولى هنا بقى على جمب, بدل ما تروحوا بوكيت فى منطقة ساحلية مواجهه لبوكيت اسمها كرابى krabi, بتتميز انها انظف و ارقى بكتير و الطبيعه فيها احلى و فيها حاجات اكتر. ده غير انها ارخص و اهدى و ممكن تعملوا فيها نفس الانشطة اللى بتتعمل فى بوكيت زى رحلة جيمس بوند و ممكن منها كمان تزوروا بوكيت بالمراكب.
فى جزيرة اسمها phi phi island بنصح اللى طالعين شهر عسر يباتوا فيها يوم او اتنين احسن من طلوعها رحلة يوم واحد لانها جميله جدا و مناسبة لشهر العسل و دى اللى فيها اتصور فيلم the beach بتاع ليوناردو ديكابريو.
و اخيرا احب انوه برضه ان الزميل محمد السيد Mohamed Elsayed لفت نظرنا لمناطق جميله جدا على نهر ماى كلونج و شلالات Erawan و معابد مدينة ايوتايا اللى اتصور فيها مورتال كومبات.
و اخيرا متنسوش تعملوا ماساج و تدعولى, متخافوش من الاكل من العربيات اللى فى الشارع اكلها جميل و نظيف و رخيص و ممكن تسالوا حلال ولا لأ و متنسوش تجربوا الفواكه الموسمية هناك زى الباشن فروت حتحبوها اوى.
يا رب الصور تعجبكم وبرجاء عدم نقلها