وانا مسافر هولندا على طيران الأوكرانية من دبي،...

  • بادئ الموضوع بادئ الموضوع Mahmoud Nunu
  • تاريخ البدء تاريخ البدء
عرض العطلة
M

Mahmoud Nunu

:: مسافر ::
#1
وانا مسافر هولندا على طيران الأوكرانية من دبي، كان معايا بنت مصرية على الطيارة، الناس في مطار كييف ( ترانزيت) مصممين ان انا وهي نعرف بعض وبننكر، وبعد جدل معاهم في النهاية سمحولنا نسافر .. وصلنا مطار امستردام تاني خدونا على جنب وفضلوا يسألونا بتعملوا ايه وليه بتنكروا انكم ماتعرفوش بعض؟ ياعم وربنا مانعرف بعض ، ايوه احنا مصريين ومقيمين في دبي بس مانعرفش بعض!! برضو فضلوا مصممين اننا نعرف بعض فسألتهم انت ليه مش مصدق .. راح قالي عشان دي اول مره في التاريخ اتنين مصريين يسافروا على طيران الأوكرانية من دبي لأمستردام!!!! ضحكت وقولتله انا مبسوط اني دخلت التاريخ :D :D :D راحوا واخدنا على مكتب الهجرة :D من الساعة 12 الضهر وفضلنا منتظريين لحد الساعة 3 ونص وفي الاخر دخلوني لظابط وبدأ يستجوبني .. الصراحه طلع ظابط عسلية ولما عرف اني من مصر، قالي ياراجل فعلاً انا يابني دايما في مصر!! قولتله حلو، امتى اخر مره قالي شهر 9 اللي فات كنت في ( مكان في الغردقة معرفوش) قولتله ايوه عارفه تحفه .. كنت دايما هناك قبل ماسيب مصر :D وراح قالي بص يا دكتور انت ليه بتنكر انك تعرفها؟؟ هاهاها قولتله دكتور مين؟ ::D واحلفلك ماعرفها!! كان فاكرني دكتور :D
المهم افرجوا عني انا والبنت بعد 4 ساعات ... بعد ماخرجت حسيت ان جواز السفر المصري ده هيجيبلي مشاكل كتيره خصوصاً ان نت قلقان من موضوع العنصرية ضد العرب والمسلمين بس الحمد لله ماحصلش اي حاجه تانيه :D .. الموقف عادي جداً بس لو عندك موقف حصلك احسن منه قولنا في الكومنتات :D :D دي اول صوره خدتها بعد ما افرجوا عني :D
16649255_1358901737507445_6138993835821924070_n.jpg
 
#2
انا عايش فى المجر رحت اعمل عملية فى ضرسي .. الدكتور لما عرف انى مصري كان مبسوط لانه كل سنة فى الغردقة قالى انا هتوصى بيك فى العملية عمل تخفيض و قالى انا هستخدم بنج مش هتحس باي حاجة فعلا محستش بحاجة و كان عمال يتكلم عن مصر بكلام جميل و على اللى عمله هناك لحد لما خلص انا مكنتش عارف انه خلاص بقوله خلصت كدا قالى اه .. فضل يتكلم بعد العملية نص ساعة معايا عن مصر لدرجة انه عطل المريض اللى بعدي .. ساعات الجنسية المصرية بتنفع و بتكون حسنة السمعة
 
#3
انت كان المفروض تقول انا اعرفها وخلاص
وتتعرفو علي بعض وتقول انكم مسافرين تعملو سياحة مع بعض
وفعلا تكملو الرحلة سوا
 
#4
وممكن في اخر الفيلم تتجوزو
وفي النهاية هتطلع جسوسة لمنظمة ماسونية وبتستخدمك في جمع معلومات عن طريقة عمل العجوة المصري
 
عرض العطلة
#8
I was in London, and on my way back, there was that old lady who asked me to do the translation for her, we were about to cross the last gate to the plane, and also asked me to hold her bag for her. I had my passeport in my hand so i asked her if she can hold it so i can carry both her bag and mine she was in front of me, and once she had her ticket and passport checked, she took her bag from me and left! And she had my passport and ticket!!! I tried to explain to the police officers that she has my pass and ticket, and they were asking me if i knew her! The answer was no, she s a 70yo lady that i was trying to help since she doesn't speak english! I spend a while trying to convince them, that she s illiterate and i was just helping her. And she had them! They couldn't beleive me .. Then, two officers accompanied me to the plane, just like a terrorist after the search process to ask the lady for my passport and ticket! That she still had on hands! Moral of the story ! An airport is the wrong place to help people and try to act human!
 
عرض العطلة
#11
انا قولت فى الاخر هتقولنا انكو اتعرفتو على بعض وحبيتو بعض بعد المرمطه دى وارتبطو ومعاكو دلوقتى ايمن وجاكلين
 
#13
ده الناس في هولندا زوق خالص و متعاونيين ده من اكتر البلاد اللي عجبتني
و طبعا احنا كمصريين شيفين الويل بره وجوه ربنا يصلح حالنا
 
#14
انا كنت فالمطار و دخلت للظابط فتركيا و قعد يقولي انتي مرتبطه ولا لا و قعد يسالني انتي فسنه كام و كان لطيف اوي و قعد يسالني انا بحب مصر و كنا بنخاف عالانفجارات لحد ما بقت تحصل عندنا و بقينا بنخاف اوي،و قالي انه بيحب المصريين
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة