M
في ناس هنا كتير بتسال على تركيا ،انا سافرت تركيا مرتين في اخر ٦ شهور فهكتب هنا شوية حاجات ممكن اي حد يستفيد منها بالذات لو اول مرة يسافر.
مبدئيا الفيزا لتركيا سهلة مش صعبة و انا عملت كل حاجة بنفسي دخلت على موقع السفارة و حجزت الميعاد بنفسي و عملت الانترفيو مرتين و الحمد لله المرتين اخذت الفيزا ، اولا انت بتحتاج تكون مظبط ورقك يعني على حسب المهنة في الباسبور ، بس انت لو انت بتشتغل في شركة و مكتوب كده في الباسبور هتجيب معاك hr letter و كشف حساب البنك اخر ٦ شهور و مش مهم مبلغ كبير انا حسابي كان فيه حوالي ٢٠ الف جنيه بس عليه حركة كتير و بتعمل حجز طيران و فندق و صورة ٤*٦ خلفية بيضاء،
بتدخل على اللينك ده (/T.C. Dışişleri Bakanlığı Konsolosluk İşlemleri) و تختار القنصلية في القاهرة او اسكندرية بتملى الابليكاشن و بتكون عامل سكان للحاجات ديه و بترفعها مع الابليكاشن على الموقع و بتكمل الخطوات عادي و بعد كده بتختار ميعاد الانترفيو و بتطبع الابليكاشن و الميعاد و بتاخد اصول الاوراق معاك و بتعمل وثيقة تامين من اي شركة سياحة ب ١٥٠ جنيه تقريبا تزيد شوية او تقل شوية و بعد كده بتروح في الميعاد بتقدم الورق بتاعك و بياخد منك الورق ، بالنسبة لحجز الطيران و الفندق ممكن تعمله من عالنت من Booking و Skyscanner من غير ما تدفع ، او اي شركة سياحة ممكن تعملهولك ، لو ربنا سهلك و اخدت الفيزا بتروح تعمل التصريح الامني و هنا في الجروب كتبوا كتير عن الموضوع ده ،بس فعلا الموضوع مختلف يعني انا بعد ما اخدت الورق و رحت قالولي عاوزين برنت مطبوع من التامينات اني مقيد في الشركة و في ناس معايا مطلبوش منهم ده ، فالموضوع محير بصراحة ، لو ربنا سهلك و اخدت التصريح الامني هتبقى جاهز على السفر .
بالنسبة لحجز تذاكر الطيران افضل موقع هوا skyscanner , و عامة فيه مصر للطيران و ديه بتكون طيرتين كل يوم لاسطنبول و الTurkish airlines و فيه طيران النيل و دi بيكون طيارة كل يوم احد و اربع و جمعة و طيران النيل ارخص من مصر للطيران بس بينزل في المطار الثاني في اسطنبول اسمه مطار صبيحة ، دا في اخر الجزء الاسيوي و بعيد عن المناطق السياحية و ملوش مترو فبتاخد باص و دا على حسب انت هتروح فين او الفندق بتاعك فين تختار اي مطار تنزل فيه . و سهل جدا انك تعرف ده من جوجل مابس ، بالنسبة للفنادق انا كنت بحجز من booking , بس بلغي الحجز و احجز مرة ثانية من الفندق و دا بيكون ارخص لان Booking بياخد عمولة .
اول لما توصل المطار اهم حاجة انك يكون معاك فلوس تركي حوالي ٧٠ ليره متغيرش كتير لان في المطار بياخده عموله كبيرة ممكن ٢٠ دولار بالكتير هيبقوا خوالي ٧٠ ليره تاني حاجة انك تجيب خط موبايل او تشغل الانترنت رومينج ، لو مش هتقعد كتير ممكن تشغل الرومينج ، اما لو هتقعد اكتر من اسبوع فارخص و احسن حااجة انك تجيب خط من شركة turk telecom و ديه ارخص شركة بيديلك خط فيه ٣ جيجا انترنت و دقايق تركي كتير بس مش بيشتغل دولي للاسف سعره ٥٠ ليره يعني تقريبا ٢٥٠ جنيه مصري ، هتجيبه وتشغله او تشغل خطك المصري لو انت في مطار اتاتورك فيه محطة مترو هتروح تركب منها و هتجيب كارت اسطنبول و دا مهم جدا بتركب بيه الباص و المترو و الترام و المركب و المتروباص و بتدخل بيه الحمام كمان، بتشتريه ب ٦ ليره من الماكينة جنب بوابة المترو و بتشحنه من نفس الماكنة و ممكن تخلي الشرطي يشتريهولك لان الماكنة بالتركي و مش هتفهم حاجة و بتشحنه ب ١٠ او ٢٠ ليره ، اول مرة بتركب لاي عدد من المحطات بيسحب ٢،٦٤ ليرة و لو هتغير تركب تاني مرة في خلال ساعة بيسحب منك ١،٥ ليره ، بعد كده بتروح مكان الفندق بتاعك سهل جدا تعرف المواصلات في اسطنبول من الصورة اللي موجودة في كل مكان تقريبا ، شبكة المواصلات متتشرة و بتوديك في كل مكان تقريبا مش هتحتاج تركب تاكسي الا نادر جدا او لو بعد الساعة ١٢ لان تقريبا مفيش اي مواصلات عامة بتشتغل بعد ١٢،
اهم حاجة في اسطنبول انك تاخد بالك من السرقة لان السرقة منتشرة جدا هناك في لحظة لو مخدتش بالك ممكن تلاقي حاجة اتسرقت منك و انت مش واخد بالك ، تكون واخد بالك كويس من شنطك و فلوسك و تليفونك و ياريت يبقي بلاش المحفظة و الشنط الصغيرة لانهم بيسرقوها بسهولة كمان بالنسبة للفيزا والماستر كارد تاخد بالك منهم كويس جدا لانهم بيسرقوها و بيدخلوها على ماكينة بتضرب الباسوورد و بتسحب منها فلوس ، و لو اتسرقت او ضاعت منك تبلغ البنك علي طول .
طبعا عشان تلف براحتك لازم يكون معاك جوجل مابس و برنامج اسمه Trafi ميزة البرنامج ده انه بيقولك تروح الاماكن ازاي عن طريق المواصلات العامة ، يعني تركب مترو ايه او باص ايه او مترو و باص مع بعض او تغير خطا المترو و هكذا عشان توصل المكان اللي انت عاوزه ، سهل جدا و مفيد جدا جدا
بالنسبة لاسطنبول فهيا مدينة تحفة و فيها اماكن كتير جدا ممكن تشوفها ، المشي على البوسفور ممتع ، بس لازم تاخد بالك من حالة الجو لان الطقس متقلب جدا فتشوف النهاردة الجو مطر او هوا و على اساس ده تقرر هتعمل ايه ، يعني لو الجو حلو و شمس ممكن تروح Eminonu او تاخد جولة بالمركب في البوسفور او تروح جزر الاميرات princess islands و ديه مليانه عرب و ممكن تقضي فيها النهار كله تقريبا ، طبعا في تركيا لازم تصحى من بدري و تبتدي يومك بدري يعني ١٠ بالكتير تكون في الشارع ،
اكيد Aya sofia و الSultan ahmed و Topkapi palace دول لازم تروحهم ، السلطان احمد من غير فلوس انما Aya sofia ب ٤٠ ليره و Topkapi Palace ب ٤٠ ليره و ممكن تدفع ٧٠ ليره عشان تدخل قصر الحريم كمان ، كمان في Topkapi فيه متحف اللي فيه سيف النبي محمد صلى الله عليه و سلم و شعرات من راس النبي و سيوف الصحابة و حاجات كتير زي كده ، دول ممكن تاخدهم في يومين تقريبا و في نفس المنطقة فيه المسلة المصرية و قصور و جوامع كتير،
من احلى الاماكن في اسطنبول هيا اورتاكوي و اللي يروح هناك لازم ياكل الكومبير اللي هيا البطاطس المسلوقة و جواها حاجات كتير حسب ما انت تختار ،
خط الترام بيعدي على الاماكن ديه كلها يعني ممكن تتمشى جنب خط الترام تبتدي من ٫Karakoy بعد كده Eminonu و سوق مصر و sultan ahmed لحد جامع بايزيد و السوق الكبير Grand carsis .
طبعا ميدان تقسيم غني عن التعريف و بتروحه عن طريق المترو .
فيه مكان حلو جدا اسمه مينيا تورك Minia Turk ده عبارة عن مجسمات لكل المباني و الاماكن الاثرية في تركيا دا بتروحه بالباص المترو بعيد عنه و سهل انك تعرف تروحه عن طريق Trafi .
لو هتروح اسطنبول الاسيوية فيه هناك اماكن كتير زي Kadikoy و USKUDAR و camlica و ديه اعلى هضبة في اسطنبول و ممكن منها تشوف اسطنبول كلها .
الاماكن كتيرة جدا في اسطنبول و ممكن تنبسط جدا هناك ، طبعا بالنسبة للناس اللي بتحب الشوبنج مش هتلاقي احسن من تركيا المحلات في كل مكان والاسعار حلوة جدا .
بالنسبة للشباب اي واحد عربي يشوفك و يقولك تعالى و هظبطك تعرف انه بينصب عليك هياخدك و تقعد في مكان و فجاة تلاقي ازايز اتفتحت و هتحاسب عليها و ديه حصلت مع ناس كتير جدا و دفعوا ١٠٠٠ و ٢٠٠٠ ليره .
الشعب تركي طيب بس مش كتير بيتكلموا انجليزي فحاول تتعامل بالمابس و تسال لو معرفتش.
اي حد حابب يسال في حاجة ممكن يبعت في كومنت و انا ان شاء الله احاول ارد عليه .
مبدئيا الفيزا لتركيا سهلة مش صعبة و انا عملت كل حاجة بنفسي دخلت على موقع السفارة و حجزت الميعاد بنفسي و عملت الانترفيو مرتين و الحمد لله المرتين اخذت الفيزا ، اولا انت بتحتاج تكون مظبط ورقك يعني على حسب المهنة في الباسبور ، بس انت لو انت بتشتغل في شركة و مكتوب كده في الباسبور هتجيب معاك hr letter و كشف حساب البنك اخر ٦ شهور و مش مهم مبلغ كبير انا حسابي كان فيه حوالي ٢٠ الف جنيه بس عليه حركة كتير و بتعمل حجز طيران و فندق و صورة ٤*٦ خلفية بيضاء،
بتدخل على اللينك ده (/T.C. Dışişleri Bakanlığı Konsolosluk İşlemleri) و تختار القنصلية في القاهرة او اسكندرية بتملى الابليكاشن و بتكون عامل سكان للحاجات ديه و بترفعها مع الابليكاشن على الموقع و بتكمل الخطوات عادي و بعد كده بتختار ميعاد الانترفيو و بتطبع الابليكاشن و الميعاد و بتاخد اصول الاوراق معاك و بتعمل وثيقة تامين من اي شركة سياحة ب ١٥٠ جنيه تقريبا تزيد شوية او تقل شوية و بعد كده بتروح في الميعاد بتقدم الورق بتاعك و بياخد منك الورق ، بالنسبة لحجز الطيران و الفندق ممكن تعمله من عالنت من Booking و Skyscanner من غير ما تدفع ، او اي شركة سياحة ممكن تعملهولك ، لو ربنا سهلك و اخدت الفيزا بتروح تعمل التصريح الامني و هنا في الجروب كتبوا كتير عن الموضوع ده ،بس فعلا الموضوع مختلف يعني انا بعد ما اخدت الورق و رحت قالولي عاوزين برنت مطبوع من التامينات اني مقيد في الشركة و في ناس معايا مطلبوش منهم ده ، فالموضوع محير بصراحة ، لو ربنا سهلك و اخدت التصريح الامني هتبقى جاهز على السفر .
بالنسبة لحجز تذاكر الطيران افضل موقع هوا skyscanner , و عامة فيه مصر للطيران و ديه بتكون طيرتين كل يوم لاسطنبول و الTurkish airlines و فيه طيران النيل و دi بيكون طيارة كل يوم احد و اربع و جمعة و طيران النيل ارخص من مصر للطيران بس بينزل في المطار الثاني في اسطنبول اسمه مطار صبيحة ، دا في اخر الجزء الاسيوي و بعيد عن المناطق السياحية و ملوش مترو فبتاخد باص و دا على حسب انت هتروح فين او الفندق بتاعك فين تختار اي مطار تنزل فيه . و سهل جدا انك تعرف ده من جوجل مابس ، بالنسبة للفنادق انا كنت بحجز من booking , بس بلغي الحجز و احجز مرة ثانية من الفندق و دا بيكون ارخص لان Booking بياخد عمولة .
اول لما توصل المطار اهم حاجة انك يكون معاك فلوس تركي حوالي ٧٠ ليره متغيرش كتير لان في المطار بياخده عموله كبيرة ممكن ٢٠ دولار بالكتير هيبقوا خوالي ٧٠ ليره تاني حاجة انك تجيب خط موبايل او تشغل الانترنت رومينج ، لو مش هتقعد كتير ممكن تشغل الرومينج ، اما لو هتقعد اكتر من اسبوع فارخص و احسن حااجة انك تجيب خط من شركة turk telecom و ديه ارخص شركة بيديلك خط فيه ٣ جيجا انترنت و دقايق تركي كتير بس مش بيشتغل دولي للاسف سعره ٥٠ ليره يعني تقريبا ٢٥٠ جنيه مصري ، هتجيبه وتشغله او تشغل خطك المصري لو انت في مطار اتاتورك فيه محطة مترو هتروح تركب منها و هتجيب كارت اسطنبول و دا مهم جدا بتركب بيه الباص و المترو و الترام و المركب و المتروباص و بتدخل بيه الحمام كمان، بتشتريه ب ٦ ليره من الماكينة جنب بوابة المترو و بتشحنه من نفس الماكنة و ممكن تخلي الشرطي يشتريهولك لان الماكنة بالتركي و مش هتفهم حاجة و بتشحنه ب ١٠ او ٢٠ ليره ، اول مرة بتركب لاي عدد من المحطات بيسحب ٢،٦٤ ليرة و لو هتغير تركب تاني مرة في خلال ساعة بيسحب منك ١،٥ ليره ، بعد كده بتروح مكان الفندق بتاعك سهل جدا تعرف المواصلات في اسطنبول من الصورة اللي موجودة في كل مكان تقريبا ، شبكة المواصلات متتشرة و بتوديك في كل مكان تقريبا مش هتحتاج تركب تاكسي الا نادر جدا او لو بعد الساعة ١٢ لان تقريبا مفيش اي مواصلات عامة بتشتغل بعد ١٢،
اهم حاجة في اسطنبول انك تاخد بالك من السرقة لان السرقة منتشرة جدا هناك في لحظة لو مخدتش بالك ممكن تلاقي حاجة اتسرقت منك و انت مش واخد بالك ، تكون واخد بالك كويس من شنطك و فلوسك و تليفونك و ياريت يبقي بلاش المحفظة و الشنط الصغيرة لانهم بيسرقوها بسهولة كمان بالنسبة للفيزا والماستر كارد تاخد بالك منهم كويس جدا لانهم بيسرقوها و بيدخلوها على ماكينة بتضرب الباسوورد و بتسحب منها فلوس ، و لو اتسرقت او ضاعت منك تبلغ البنك علي طول .
طبعا عشان تلف براحتك لازم يكون معاك جوجل مابس و برنامج اسمه Trafi ميزة البرنامج ده انه بيقولك تروح الاماكن ازاي عن طريق المواصلات العامة ، يعني تركب مترو ايه او باص ايه او مترو و باص مع بعض او تغير خطا المترو و هكذا عشان توصل المكان اللي انت عاوزه ، سهل جدا و مفيد جدا جدا
بالنسبة لاسطنبول فهيا مدينة تحفة و فيها اماكن كتير جدا ممكن تشوفها ، المشي على البوسفور ممتع ، بس لازم تاخد بالك من حالة الجو لان الطقس متقلب جدا فتشوف النهاردة الجو مطر او هوا و على اساس ده تقرر هتعمل ايه ، يعني لو الجو حلو و شمس ممكن تروح Eminonu او تاخد جولة بالمركب في البوسفور او تروح جزر الاميرات princess islands و ديه مليانه عرب و ممكن تقضي فيها النهار كله تقريبا ، طبعا في تركيا لازم تصحى من بدري و تبتدي يومك بدري يعني ١٠ بالكتير تكون في الشارع ،
اكيد Aya sofia و الSultan ahmed و Topkapi palace دول لازم تروحهم ، السلطان احمد من غير فلوس انما Aya sofia ب ٤٠ ليره و Topkapi Palace ب ٤٠ ليره و ممكن تدفع ٧٠ ليره عشان تدخل قصر الحريم كمان ، كمان في Topkapi فيه متحف اللي فيه سيف النبي محمد صلى الله عليه و سلم و شعرات من راس النبي و سيوف الصحابة و حاجات كتير زي كده ، دول ممكن تاخدهم في يومين تقريبا و في نفس المنطقة فيه المسلة المصرية و قصور و جوامع كتير،
من احلى الاماكن في اسطنبول هيا اورتاكوي و اللي يروح هناك لازم ياكل الكومبير اللي هيا البطاطس المسلوقة و جواها حاجات كتير حسب ما انت تختار ،
خط الترام بيعدي على الاماكن ديه كلها يعني ممكن تتمشى جنب خط الترام تبتدي من ٫Karakoy بعد كده Eminonu و سوق مصر و sultan ahmed لحد جامع بايزيد و السوق الكبير Grand carsis .
طبعا ميدان تقسيم غني عن التعريف و بتروحه عن طريق المترو .
فيه مكان حلو جدا اسمه مينيا تورك Minia Turk ده عبارة عن مجسمات لكل المباني و الاماكن الاثرية في تركيا دا بتروحه بالباص المترو بعيد عنه و سهل انك تعرف تروحه عن طريق Trafi .
لو هتروح اسطنبول الاسيوية فيه هناك اماكن كتير زي Kadikoy و USKUDAR و camlica و ديه اعلى هضبة في اسطنبول و ممكن منها تشوف اسطنبول كلها .
الاماكن كتيرة جدا في اسطنبول و ممكن تنبسط جدا هناك ، طبعا بالنسبة للناس اللي بتحب الشوبنج مش هتلاقي احسن من تركيا المحلات في كل مكان والاسعار حلوة جدا .
بالنسبة للشباب اي واحد عربي يشوفك و يقولك تعالى و هظبطك تعرف انه بينصب عليك هياخدك و تقعد في مكان و فجاة تلاقي ازايز اتفتحت و هتحاسب عليها و ديه حصلت مع ناس كتير جدا و دفعوا ١٠٠٠ و ٢٠٠٠ ليره .
الشعب تركي طيب بس مش كتير بيتكلموا انجليزي فحاول تتعامل بالمابس و تسال لو معرفتش.
اي حد حابب يسال في حاجة ممكن يبعت في كومنت و انا ان شاء الله احاول ارد عليه .
)