M
Mohamed Yehia
:: مسافر ::
السلام عليكم ورحمة الله وبركاته
اخر جزء ان شاء الله فى رحلة المملكة المتحدة
#UK2016
#part5
الجزء ده هيبقى عن مكان ان شايف انه مميز جدا وعشاق الطبيعة والهدوء هيستمتعوا بيه جدا
اللى متابعنى من قبل كده هيعرف مدى عشقى للطبيعة والجبال
اه المدن ممتعة برضه بس لما تدخل National park الاحساس بيبقى مختلف
المملكة فيها الكتير من المناطق المميزة بس للاسف معظمها محتاج تأجر عربية علشان توصله
وبعد بحث عن انسب مكان لحالتى كان التوجه الى
مدينة "خلنددنو" فى شمال ويلز اسمها صعب شوية علشان اللغة الويلزية مش متعودين عليها
بس هى تتنطق " خال ند دنو" (llandudno)
الوصول ليها كان سهل قطر ساعتين من ليفربول بس هتبدل فى كذا محطة وسعره كان 25 استرلينى رايح راجع
هى تعتبر مدينة سياحية من الدرجة الاولى او منتجع للتصيف زى مثلا راس البر عندنا
طيب ليه مميزة المدينة دى
الجزء الرئيسى من المدينة هو عبارة عن خليج بين قمتين على البحر
قمة صغيرة وقمة كبيرة little and great orme
الخليج يعتبر الشاطئ الرئيسى واللى فيها الناس بتعوم وتلعب بالعجل او حتى بيتشمسوا
كمان فى مركب بتلف بيك الخليج كله و فى كذا نوع السريعة 4 استرلينى
وفى ملاهى للأطفال فيها العاب حلوة وكافيهات ومحلات أكل
دى المنطقة الرئيسية هناك
طيب انا ايه اللى يخلينى أروح مكان زى ده
فى خلنددنو زى ما قلتلكم قمتين بس Great orme او القمة الكبيرة دى المنظر من فوق وهمى جدا وتعتبر محمية طبيعية فى المنطقة
بس لازم سيادتك تتسلق القمة
فى كذا طريقة تطلع بيهم " طفطف أو تلفريك أو باص"
ملحوظة التلفريك كان مش شغال وانا هناك
بس انا اخترت طريقة رابعة وهى المشى
مش هضحك عليكم الطريق صعب مش سهل لان المنحدر كبير بس عادى انا مش رايح اركب طفطف
اول ما تبدأ تتحرك فى طريق القمة هتشوف منظر الخليج وسط البيوت حلو جدا جدا وكل ما ترتفع المنظر هيبقى احلى لحد ماتوصل لاول محطة للطفطف هيبقى احلى منظر للخليج
وهنا تفرش وتطلع اكلك وتقعد تستمتع بمنظر الخليج والجبال والسما والسحاب والطواحين وكل حاجة وفعلا الفيو من المنطقة دى اجمل فيو شوفته فى المملكة كلها
بعد كده تكمل لاعلى منطقة ودى منها هتشوف الناحية التانية من الخليج برضه جبال وبحر وفيها كافيه تقعد تريح او تلعب مينى جولف
بس للاسف المطقة دى هوا شديد جدا جدا فهتلاقى نفسك وقفت خمس دقايق ونزلت
المنطقة كلها مزارع خرفان ومناطق رعى فوق بس فيها زى ما قلتلكم محمية طبيعية ومناطق جبال وصخور
بعد كده تنزل تريح شوية على البحر تاكل ايس كريم وتستمتع بالمنظر وتاخد القطر وترجع علي ليفربول
حاجة لاحظتها وانا هناك ان حركة المد والجزر كبيرة جدا فلو هتعمل انشطة بحرية هناك خليها الصبح لان اخر اليوم كل المراكب والسفن كانوا على الشط وتقريبا نص الخليج اختفى
خلنددنو حلوة جدا جدا وتفع كل الاعمار واى حد هيروح ليفربول لازم يروح يقضي يوم هناك ويرجع
زى ما قلتلكم هى مكان للتصييف وحتى احنا كنا فى شهر 8 بس درجة الحرارة كانت 19 ومع الهوا فوق اعتقد كانت 10 مثلا فميش حد ذكى يروح فى الشتا
المناظر فى القطر كانت حلوة جدا جدا وزى جنوب ويلز الطرق والجبال والقري رائعة
ولازم فى يوم هعمل Road trip هناك
القرى فى شمال ويلز كانت عبارة عن كارفانات يعنى ممكن فى يوم ينقلوا المدينة كلها من مكانها في ساعتين
كده اكون خلصت رحلتى فى UK الحقيقة البلد مميزة جدا وانا الصراحة مكنتش متوقع تبقى كده مناسبة جدا جدا لكل الناس بس نصيحة ابعدوا عن لندن ومتضيعوش وقتكم فيها
اخر جزء ان شاء الله فى رحلة المملكة المتحدة
#UK2016
#part5
الجزء ده هيبقى عن مكان ان شايف انه مميز جدا وعشاق الطبيعة والهدوء هيستمتعوا بيه جدا
اللى متابعنى من قبل كده هيعرف مدى عشقى للطبيعة والجبال
اه المدن ممتعة برضه بس لما تدخل National park الاحساس بيبقى مختلف
المملكة فيها الكتير من المناطق المميزة بس للاسف معظمها محتاج تأجر عربية علشان توصله
وبعد بحث عن انسب مكان لحالتى كان التوجه الى
مدينة "خلنددنو" فى شمال ويلز اسمها صعب شوية علشان اللغة الويلزية مش متعودين عليها
بس هى تتنطق " خال ند دنو" (llandudno)
الوصول ليها كان سهل قطر ساعتين من ليفربول بس هتبدل فى كذا محطة وسعره كان 25 استرلينى رايح راجع
هى تعتبر مدينة سياحية من الدرجة الاولى او منتجع للتصيف زى مثلا راس البر عندنا
طيب ليه مميزة المدينة دى
الجزء الرئيسى من المدينة هو عبارة عن خليج بين قمتين على البحر
قمة صغيرة وقمة كبيرة little and great orme
الخليج يعتبر الشاطئ الرئيسى واللى فيها الناس بتعوم وتلعب بالعجل او حتى بيتشمسوا
كمان فى مركب بتلف بيك الخليج كله و فى كذا نوع السريعة 4 استرلينى
وفى ملاهى للأطفال فيها العاب حلوة وكافيهات ومحلات أكل
دى المنطقة الرئيسية هناك
طيب انا ايه اللى يخلينى أروح مكان زى ده
فى خلنددنو زى ما قلتلكم قمتين بس Great orme او القمة الكبيرة دى المنظر من فوق وهمى جدا وتعتبر محمية طبيعية فى المنطقة
بس لازم سيادتك تتسلق القمة
فى كذا طريقة تطلع بيهم " طفطف أو تلفريك أو باص"
ملحوظة التلفريك كان مش شغال وانا هناك
بس انا اخترت طريقة رابعة وهى المشى
مش هضحك عليكم الطريق صعب مش سهل لان المنحدر كبير بس عادى انا مش رايح اركب طفطف
اول ما تبدأ تتحرك فى طريق القمة هتشوف منظر الخليج وسط البيوت حلو جدا جدا وكل ما ترتفع المنظر هيبقى احلى لحد ماتوصل لاول محطة للطفطف هيبقى احلى منظر للخليج
وهنا تفرش وتطلع اكلك وتقعد تستمتع بمنظر الخليج والجبال والسما والسحاب والطواحين وكل حاجة وفعلا الفيو من المنطقة دى اجمل فيو شوفته فى المملكة كلها
بعد كده تكمل لاعلى منطقة ودى منها هتشوف الناحية التانية من الخليج برضه جبال وبحر وفيها كافيه تقعد تريح او تلعب مينى جولف
بس للاسف المطقة دى هوا شديد جدا جدا فهتلاقى نفسك وقفت خمس دقايق ونزلت
المنطقة كلها مزارع خرفان ومناطق رعى فوق بس فيها زى ما قلتلكم محمية طبيعية ومناطق جبال وصخور
بعد كده تنزل تريح شوية على البحر تاكل ايس كريم وتستمتع بالمنظر وتاخد القطر وترجع علي ليفربول
حاجة لاحظتها وانا هناك ان حركة المد والجزر كبيرة جدا فلو هتعمل انشطة بحرية هناك خليها الصبح لان اخر اليوم كل المراكب والسفن كانوا على الشط وتقريبا نص الخليج اختفى
خلنددنو حلوة جدا جدا وتفع كل الاعمار واى حد هيروح ليفربول لازم يروح يقضي يوم هناك ويرجع
زى ما قلتلكم هى مكان للتصييف وحتى احنا كنا فى شهر 8 بس درجة الحرارة كانت 19 ومع الهوا فوق اعتقد كانت 10 مثلا
فميش حد ذكى يروح فى الشتاالمناظر فى القطر كانت حلوة جدا جدا وزى جنوب ويلز الطرق والجبال والقري رائعة
ولازم فى يوم هعمل Road trip هناك
القرى فى شمال ويلز كانت عبارة عن كارفانات يعنى ممكن فى يوم ينقلوا المدينة كلها من مكانها في ساعتين
كده اكون خلصت رحلتى فى UK الحقيقة البلد مميزة جدا وانا الصراحة مكنتش متوقع تبقى كده مناسبة جدا جدا لكل الناس بس نصيحة ابعدوا عن لندن ومتضيعوش وقتكم فيها
