يا جماعة ايه قصة التصريح الامني دا؟هل ضروري...

[Ahmed Hassan Osman]

يا جماعة ايه قصة التصريح الامني دا؟هل ضروري للسفر لعمان (الاردن)؟
أنا مسافر عمان كمان عشرين يوم سياحة مع نفسي روحت مجمع التحرير عشان اطلع تصريح قالي لازم دعوة أو يكون مكتوب انك بتشتغل فين
قولتوا الباسبور مكتوب حاصل علي بكالوريوس هندسة لكن في البطاقة مكتوب مكان وجهة عملي قالي غير الباسبور بمهنة البطاقة
وممكن الظابط في المطار بالبطاقة مثبت فيها جهة عمله ممكن يعديك وممكن لا
طبعا انا صعب جدا اغير الباسبور
مشيت واتصلت بظابط أسأله قالي لازم تصريح أمنى حتى لو في مهنة في الباسبور
أصدق مين بقى؟
وهل فعلا ممكن يتلغي سفرك للاردن لو مش معاك التصريح الأمني؟
ولا عادي ممكن تعدي من غيرهم؟
أفيدوني بسرعة الله يكرمكم

 

[Hossam Masoud]

غير الباسبور

 

[Haitham Yossef]

لازم واحتمال كبير جدا يرجعك

 

[Hamada Hamdy]

ضابط المطار أهم شئ .. بس لازم التصريح الأمنى

 

[Doola Adel]

وجهة نظرى بلاش الاردن وروح بلد تانيه

 

[Mohamed Ali]

 

[Eng Soly]

حاول تغير الباسبور بيخلص خلال اسبوع بالكتير

 

[Ahmed Hassan Osman]

ما ينفعش لاني شغال في جهة حكومية ولو اتكتب كدا في الباسبور لازم تصريح عمل وموافقة جهة العمل في كل سفرية

 

[Mohamed Abdoalhady]

اعملك زيارة الامارات واطلع من هناك

 

[Ahmed Hassan Osman]

الإمارات!!!!!!!
كدا صعبتها اكتر بكتير
أولا انا حاجز طيران والميعاد قريب
ثانيا تكلفة عالية
ثالثا الإمارات يعني لازم تأشيرة

 

[Mohamed Abdoalhady]

انا عملت حركة قبل كدة عديت بيها عشان اركب كوريا الجنوبية من غير تصريح مش عارف بقي انتا هتقدر تعملها ولا لا

 

[Sheref Hamed Numan]

أنا اخلصهالك اكلملك حد من المسئولين

 

[Bahaa Badary]

ﻻزم تغير الباسبور للاسف علشان كده مفهوش وظيفة والظابط مش هيعديك

 

[Mohamed Mostafa Alkafafy]

سافرت لبنان لمؤتمر من غير تصريح

 

[Ahmed H Shady]

قدامك حل من اتنين
أما تغير الباسبور بنفس الكلام الموجود فى البطاقة يعمل لدى مثلا وفى الحالة دى هيطلعلك علطول التصريح الامنى بعد ما يطلب منك ورقة من جهة العمل
الحل التانى والاسهل تروح تغير البطاقة وتكتب فيها مثلا مهندس مدنى بس من غير جهة الشغل وتطلع الباسبور ع كده وفى الحالة دى مش محتاج تصريح إن شاء الله

 

[Mohamed Nowier]

انا مقيم في اسبانيا حجزت مدريد عمان عديت علي للقاهره رحت شفت اهلي ٦ سعات و رجعت اخد الطيارة لعمان عملولي فلم علي موضوع التصريح الأمني بس عدت عشان انا حاجز من مدريد و شنطي في الطيارة أصلا بس قالولي في عمان ممكن يحصل مشكله و فعلا حصلت بس انا كنت مسافر مع مجموعه إسبان و في شركه سياحه كانت مستنياني و المندوب هو اللي دخلني ،،،،،، و نصيحة في الاْردن بيعملوا المصريين سيّء للغايه و بيفرق معاهم المهنه في الباسبور اوي ف نصيحة تغير الباسبور .....،.

 

[Hamada Farag]

بيقولوا إيران تاشيرتها سهلة جدا رخيصة
حد عنده فكرة بيطلعلها تصريح أمني ولا لأ ؟؟