B
Bahaa Aldeen Farouk
:: مسافر ::
أعتقد ناس كتير مرت بالموقف ده و انا واحد منكم الصراحه 
( أيوه انا اترفضت في شنجن قبل كده 
) لكن بعد الحصول على كذا شنجن عرفت أسرار الموضوع و الحمد لله بقت شنجن لعبتي 
و دي أسرار الحصول على فيزا شنجن :
1. اهم حاجه في كشف الحساب أن يكون عليه عمليات سحب و ايداع كتير خلال اخر 6 شهور , و ده اهم من المبلغ الموجود نفسه , بس كمان لازم تثبت انك قادر انك تعيش هناك و تصرف بدون مشاكل
2. الصورة اللي حتقدمها لازم تكون غير صورة الباسبور ( حتى لو حديثه ) المهم تكون غير صورة الباسبور
3. تأمين السفر لازم يغطي طوال فترة اقامتك هناك
4. بسبب ظروف البلد الاقتصاديه شباب كتير فعلا بتفكر تسافر و مترجعش تاني و ده من اكتر الأسباب اللي بتخلي نسب رفض الفيزا للمصريين عاليه جدا , فلو بتفكر أنك تسافر علشان تكوت و تكسر فيزا , فخلي بالك موظفين السفاره بيعرفوا ده كويس و فيزتك حتترفض ( عندهم قرون استشعار للناس دي )
5. لو حتسافر بدعوة من صديق او دعوة من واحده صاحبتك علشان تروح تتجوز هناك , فنسب رفض الفيزا حتكون كبيره , علشان ده حيثبت لهم أنك مش راجع تاني
6. للأسف السائح المصري مش مهم أوي للسياحه الأوربيه لأنهم عارفين أنهم مش حيستفيدوا منك أوي و عارفين أن أغلب الشباب بيروحوا عاوزين يلفوا أوروبا كلها بأقل التكاليف ( سنكحه يعني ) , و احنا عاملين الصفحات دي بالفعل علشان كده ( مش حنضحك على بعض )
7. لازم تقنعهم انك مسافر فعلا علشان سياحة و ده بيتم أنك تقدم برنامج سياحي محترم لكل حاجه حتعملها هناك بالتفصيل , علشان يعرف أنك فعلا رايح للسياحه فقط مش حاجه تانيه . و لو رايح لمؤتمر مثلا يبقى تقدم دعوة رسمية من مؤتمر أو مكان ليه أسمه و محترم , مش مجرد انك تسجل اسمك في اي مؤتمر يعتبر دعوة من مؤتمر.
8. لو حتزور أكتر من بلد و ده اكيد حيحصل , حاول أنك تعمل البرنامج السياحي اللي حتقدمه للسفارة , في البلد اللي انت مقدم عليها فقط , يعني لو حتقدم على فرنسا و حتزور 5 دول معاها يبقى تعمل برنامجك على فرنسا فقط , لكن خليك لعيب متقدمش مثلا برنامجك أنك مسافر باريس و حتعد أسبوعين علشان محدش حيصدقك , لازم تنوع المدن اللي حتزورها , يعني تكتب انك حتزور مثلا كان و ليون و بوردو و نيس و هكذا
9. الأفضل ان تذكرتك تبقى للدوله اللي حتطلع منها الفيزا , حتى لو كنت عاوز تلف أوروبا كلها بعد كده خلال زيارتك . المهم تكون هي وجهتك الأولى .
10. الصراحه كده , مافيش قواعد ثابته لرفض أو قبول الفيزا , العمليه خزعبليه شوية و ملهاش أي قواعد للرفض أو القبول نقدر نقيم بيها الموضوع بشكل واضح 100% , ناس عمرها ما سافرت باسبورها أبيض و حسابها فيه 5 الاف جنيه و خدتها , و ناس كان معاها شنجن 7 مرات و فيزا أمريكا و بتاع 12 فيزا تانيين و حسابها فيه 100 الف جنيه و أترفضت , فالعمليه مش مضمونه لأي حد , المهم تعمل اللي عليك و تظبط ورقك صح.
11. أوعى تصدق أي شركة سياحه تقولك احنا حنطلعلك الفيزا و مضمونه و الكلام ده , الا لو بتحب يتنصب عليك , شركات السياحه بتساعدك فقط في أخذ موعد و ترتيب الأوراق و تعبئة الأبليكشن و حجز الطيران و الفندق , غير كده الشركه ملهاش أي علاقة بقبول أو رفض الفيزا.
12. في حالة رفض السفاره للفيزا تقدر تقدم تاني يوم عادي جدا في أي سفاره و مافيش حاجه تمنعك من تقديم أبليكشن جديد مباشرة بعد الرفض , و لكن اكيد مش حتقدم نفس الحجوزات و نفس المستندات لأنك أكيد حتترفض تاني , و لكن عن تجربة شخصيه ( اترفضت من سفارة أسبانيا بعدها بأسبوع قدمت في سفارة هولندا و الفيزا اتقبلت عادي جدا )
13. في حالة رفض الفيزا من حقك تعمل استئناف خلال شهر من الرفض و بيتم تقديمه للسفاره اللي رفضتك و في الحاله دي أوراقك بتطلع لمسؤول اعلى من اللي رفضك و بيحدد اذا كان فعلا تستحق الفيزا أو لأ . و اللينك ده حتلاقي عليه تفاصيل الرفض و الاستئناف : /Travel Secrets
14. سواء الباسبور اتختم بالرفض أو متختمتش فده مش نهاية العالم , و مافيش حاجه تمنعك من التقديم مره تانيه في أي سفاره و ختم الرفض مش حيؤثر على فرصتك في الحصول على الفيزا لما تقدم مجددا , لأن كل أبليكشن بيعتبر حاله خاصه و بيتم دراستها بشكل منفصل بعيدا عن أي رفض سابق.
15. نصيحة أخوية : لو حتسافر أوروبا يعني باريس و روما و برشلونه و العواصم المشهورة دي خلال شهر عسل منصحكش , لأن أوروبا أغلبها مشي و زيارة متاحف و معالم أثريه و فرهده , و تجربة أنك تقدم على شنجن و تترفض قبل الفرح مع ترتيبات الجواز حتبقى تجربة مش لطيفه و مش حيكون فيه وقت تغير كل خططك مرة تانيه , فالأفضل أنك تسافر دوله فيزتها سهله أو بدون فيزا اصلا و خلي أوروبا بعدين .
أتمنى لكم التوفيق جميعا , و متخافوش العالم مش كله أوروبا , فيه دول تانيه كتييير تستاهل فعلا الزياره . أبدأ بالسهل الأول و جرب احساس السفر و المغامره و أطمن الصعب حيجي بعدين .
( أيوه انا اترفضت في شنجن قبل كده ) لكن بعد الحصول على كذا شنجن عرفت أسرار الموضوع و الحمد لله بقت شنجن لعبتي و دي أسرار الحصول على فيزا شنجن :
1. اهم حاجه في كشف الحساب أن يكون عليه عمليات سحب و ايداع كتير خلال اخر 6 شهور , و ده اهم من المبلغ الموجود نفسه , بس كمان لازم تثبت انك قادر انك تعيش هناك و تصرف بدون مشاكل
2. الصورة اللي حتقدمها لازم تكون غير صورة الباسبور ( حتى لو حديثه ) المهم تكون غير صورة الباسبور
3. تأمين السفر لازم يغطي طوال فترة اقامتك هناك
4. بسبب ظروف البلد الاقتصاديه شباب كتير فعلا بتفكر تسافر و مترجعش تاني و ده من اكتر الأسباب اللي بتخلي نسب رفض الفيزا للمصريين عاليه جدا , فلو بتفكر أنك تسافر علشان تكوت و تكسر فيزا , فخلي بالك موظفين السفاره بيعرفوا ده كويس و فيزتك حتترفض ( عندهم قرون استشعار للناس دي )
5. لو حتسافر بدعوة من صديق او دعوة من واحده صاحبتك علشان تروح تتجوز هناك , فنسب رفض الفيزا حتكون كبيره , علشان ده حيثبت لهم أنك مش راجع تاني
6. للأسف السائح المصري مش مهم أوي للسياحه الأوربيه لأنهم عارفين أنهم مش حيستفيدوا منك أوي و عارفين أن أغلب الشباب بيروحوا عاوزين يلفوا أوروبا كلها بأقل التكاليف ( سنكحه يعني ) , و احنا عاملين الصفحات دي بالفعل علشان كده ( مش حنضحك على بعض
) 7. لازم تقنعهم انك مسافر فعلا علشان سياحة و ده بيتم أنك تقدم برنامج سياحي محترم لكل حاجه حتعملها هناك بالتفصيل , علشان يعرف أنك فعلا رايح للسياحه فقط مش حاجه تانيه . و لو رايح لمؤتمر مثلا يبقى تقدم دعوة رسمية من مؤتمر أو مكان ليه أسمه و محترم , مش مجرد انك تسجل اسمك في اي مؤتمر يعتبر دعوة من مؤتمر.
8. لو حتزور أكتر من بلد و ده اكيد حيحصل , حاول أنك تعمل البرنامج السياحي اللي حتقدمه للسفارة , في البلد اللي انت مقدم عليها فقط , يعني لو حتقدم على فرنسا و حتزور 5 دول معاها يبقى تعمل برنامجك على فرنسا فقط , لكن خليك لعيب متقدمش مثلا برنامجك أنك مسافر باريس و حتعد أسبوعين علشان محدش حيصدقك , لازم تنوع المدن اللي حتزورها , يعني تكتب انك حتزور مثلا كان و ليون و بوردو و نيس و هكذا
9. الأفضل ان تذكرتك تبقى للدوله اللي حتطلع منها الفيزا , حتى لو كنت عاوز تلف أوروبا كلها بعد كده خلال زيارتك . المهم تكون هي وجهتك الأولى .
10. الصراحه كده , مافيش قواعد ثابته لرفض أو قبول الفيزا , العمليه خزعبليه شوية و ملهاش أي قواعد للرفض أو القبول نقدر نقيم بيها الموضوع بشكل واضح 100% , ناس عمرها ما سافرت باسبورها أبيض و حسابها فيه 5 الاف جنيه و خدتها , و ناس كان معاها شنجن 7 مرات و فيزا أمريكا و بتاع 12 فيزا تانيين و حسابها فيه 100 الف جنيه و أترفضت , فالعمليه مش مضمونه لأي حد , المهم تعمل اللي عليك و تظبط ورقك صح.
11. أوعى تصدق أي شركة سياحه تقولك احنا حنطلعلك الفيزا و مضمونه و الكلام ده , الا لو بتحب يتنصب عليك , شركات السياحه بتساعدك فقط في أخذ موعد و ترتيب الأوراق و تعبئة الأبليكشن و حجز الطيران و الفندق , غير كده الشركه ملهاش أي علاقة بقبول أو رفض الفيزا.
12. في حالة رفض السفاره للفيزا تقدر تقدم تاني يوم عادي جدا في أي سفاره و مافيش حاجه تمنعك من تقديم أبليكشن جديد مباشرة بعد الرفض , و لكن اكيد مش حتقدم نفس الحجوزات و نفس المستندات لأنك أكيد حتترفض تاني , و لكن عن تجربة شخصيه ( اترفضت من سفارة أسبانيا بعدها بأسبوع قدمت في سفارة هولندا و الفيزا اتقبلت عادي جدا )
13. في حالة رفض الفيزا من حقك تعمل استئناف خلال شهر من الرفض و بيتم تقديمه للسفاره اللي رفضتك و في الحاله دي أوراقك بتطلع لمسؤول اعلى من اللي رفضك و بيحدد اذا كان فعلا تستحق الفيزا أو لأ . و اللينك ده حتلاقي عليه تفاصيل الرفض و الاستئناف : /Travel Secrets
14. سواء الباسبور اتختم بالرفض أو متختمتش فده مش نهاية العالم , و مافيش حاجه تمنعك من التقديم مره تانيه في أي سفاره و ختم الرفض مش حيؤثر على فرصتك في الحصول على الفيزا لما تقدم مجددا , لأن كل أبليكشن بيعتبر حاله خاصه و بيتم دراستها بشكل منفصل بعيدا عن أي رفض سابق.
15. نصيحة أخوية : لو حتسافر أوروبا يعني باريس و روما و برشلونه و العواصم المشهورة دي خلال شهر عسل منصحكش , لأن أوروبا أغلبها مشي و زيارة متاحف و معالم أثريه و فرهده , و تجربة أنك تقدم على شنجن و تترفض قبل الفرح مع ترتيبات الجواز حتبقى تجربة مش لطيفه و مش حيكون فيه وقت تغير كل خططك مرة تانيه , فالأفضل أنك تسافر دوله فيزتها سهله أو بدون فيزا اصلا و خلي أوروبا بعدين .
أتمنى لكم التوفيق جميعا , و متخافوش العالم مش كله أوروبا , فيه دول تانيه كتييير تستاهل فعلا الزياره . أبدأ بالسهل الأول و جرب احساس السفر و المغامره و أطمن الصعب حيجي بعدين .