M
Mahmoud Fahmy
:: مسافر ::
Food isn't rational Food is a culture & habit & craving and identity
من أهم الحاجات اللي لازم تجربها لما تسافر مكان جديد هي انك تجرب كل انواع الأكل
فأحب اتكلم عن الاكل في الهند بما اني بقالي في الهند سنه و نص و معنديش حاجه اعملها غير المذاكره و الاكل .
الاكل ببساطه هو لغه الشعوب و ثقافتها ولما نيجي نتكلم عن شبه القاره الهنديه فكل منطقه هنا مختلفه عن التانيه في اللغه و الديانه و المناخ و البيئه حتى الشكل و العرق و اكيد مختلفين عن بعض في الاكل كمان حعرض تجربتي مع بعض الاكلات المشهوره من شمال و جنوب و غرب الهند اكلات لازم تتجرب قبل ما تموت لانها تستحق التجربه فعلا.
1- البرياني :
مين ميعرفش البرياني اكله تظبطلك مزاجك و تكتمك تاكلها و تنام لتاني يوم و ياسلام لو طلبته double masala مزيج التوابل و النكهات في بقك يخليك متحسش بطعم اي اكل بعد كده لانك حتحسه ماسخ من غير طعم سبب كفيل خلى الامبراطوريه البريطانيه تحتل الهند علشان تستولي عالتوابل معاهم حق بصراحه
البرياني فيه منه فراخ و ضان و سمك و جمبري ارشحلك تجرب السمك و الفراخ مع البرياني
2-الشاباتي :
نوع من العيش بيغمس بيه قدامات خضار من اكتر الاكلات اللي الهنود بيحبوها هنا معظم الكل بتاعهم تغميس خضار بانواع مختلفه من العيش الخضار بيبقى مهروس و سايل زي الشوربه متقدرش تفرق بين كل نوع و التاني او تعرف نوع الخضار من الطعم بس لانه بيبقى كله توابل و مشطشط بس طعمه حلو و خفيف عالجيب رخيص جداً يعني .
3-الساموسا و الساموسا شات (samosa chaat ):
اكلات خفيفه كده و رخيصه تنفع وجبات بينيه الساموسا بتبقى محشيه خضار و بهارات و الساموسا شات عباره عن ساموسا عاديه بس بتتهرس في صوص طماطم مع حمص و شويه مكسرات بس بتبقى عجيبه فعلا و ميتزهقش منها و نفس الحكايه رخيصه جداً .
4- البوري و الباني بوري :
البوري عباره عن حاجه زي الفطير نفس الطعم بس بيبقى منفوخ بيتغمس بيه بردو نفس القدامات بتاعة الشاباتي و ينفع بردو يتاكل بالعسل بيبقى جبار
الباني بوري بقى نسخه مصغره من البوري بتبقى انشف شويه تلاقي الهنود متجمعين عند عربيه صغيره شبه بتاعه الكبده في مصر كده و بيضربوا الباني بوري ده الراجل بيخرمه و يصب فيه حاجه شبه الشوربه و لازم يتاكل بسرعه و � من قطمه واحده الا يفتكروك نايتي .
5-الجاليبي -ميلك كيك
jalebi -milk mysory cake ):
من الحلويات الهنديه الكويسه الجيليبي و ده شبه المشبك عندنا بس اخف شويه و طعمه احسن و اقل سكر و الmilk mysory cake ديه عباره عن دقيق معجون في سمنه و سكر تقيله جداً بس حلوه جداً جداً .
ديه من اشهر الاكلات هنا و طبعا فيه حاجات تانيه كتير مش حقدر اتكلم عنها كلها
من الحاجات العظيمه بردو اللي بتتعمل هنا هي الشاي الهنود محترفين شاي و احسن شاي تشربه من اكتر الاماكن شعبيه و ياسلام كده لو معاه osmania bisquits او moon bisquits يبقى
اي مكان تزوره لما ترجع لازم يكون معاك حكايه تحكيها عنه و في سطور الحكايه ديه لازم تتكلم عن الاكل
من أهم الحاجات اللي لازم تجربها لما تسافر مكان جديد هي انك تجرب كل انواع الأكل فأحب اتكلم عن الاكل في الهند بما اني بقالي في الهند سنه و نص و معنديش حاجه اعملها غير المذاكره و الاكل .
الاكل ببساطه هو لغه الشعوب و ثقافتها ولما نيجي نتكلم عن شبه القاره الهنديه فكل منطقه هنا مختلفه عن التانيه في اللغه و الديانه و المناخ و البيئه حتى الشكل و العرق و اكيد مختلفين عن بعض في الاكل كمان حعرض تجربتي مع بعض الاكلات المشهوره من شمال و جنوب و غرب الهند اكلات لازم تتجرب قبل ما تموت لانها تستحق التجربه فعلا.
1- البرياني :
مين ميعرفش البرياني اكله تظبطلك مزاجك و تكتمك تاكلها و تنام لتاني يوم و ياسلام لو طلبته double masala مزيج التوابل و النكهات في بقك يخليك متحسش بطعم اي اكل بعد كده لانك حتحسه ماسخ من غير طعم سبب كفيل خلى الامبراطوريه البريطانيه تحتل الهند علشان تستولي عالتوابل معاهم حق بصراحه
البرياني فيه منه فراخ و ضان و سمك و جمبري ارشحلك تجرب السمك و الفراخ مع البرياني
2-الشاباتي :
نوع من العيش بيغمس بيه قدامات خضار من اكتر الاكلات اللي الهنود بيحبوها هنا معظم الكل بتاعهم تغميس خضار بانواع مختلفه من العيش الخضار بيبقى مهروس و سايل زي الشوربه متقدرش تفرق بين كل نوع و التاني او تعرف نوع الخضار من الطعم بس لانه بيبقى كله توابل و مشطشط بس طعمه حلو و خفيف عالجيب رخيص جداً يعني .
3-الساموسا و الساموسا شات (samosa chaat ):
اكلات خفيفه كده و رخيصه تنفع وجبات بينيه الساموسا بتبقى محشيه خضار و بهارات و الساموسا شات عباره عن ساموسا عاديه بس بتتهرس في صوص طماطم مع حمص و شويه مكسرات بس بتبقى عجيبه فعلا و ميتزهقش منها و نفس الحكايه رخيصه جداً .
4- البوري و الباني بوري :
البوري عباره عن حاجه زي الفطير نفس الطعم بس بيبقى منفوخ بيتغمس بيه بردو نفس القدامات بتاعة الشاباتي و ينفع بردو يتاكل بالعسل بيبقى جبار
الباني بوري بقى نسخه مصغره من البوري بتبقى انشف شويه تلاقي الهنود متجمعين عند عربيه صغيره شبه بتاعه الكبده في مصر كده و بيضربوا الباني بوري ده الراجل بيخرمه و يصب فيه حاجه شبه الشوربه و لازم يتاكل بسرعه و � من قطمه واحده الا يفتكروك نايتي .
5-الجاليبي -ميلك كيك
jalebi -milk mysory cake ):من الحلويات الهنديه الكويسه الجيليبي و ده شبه المشبك عندنا بس اخف شويه و طعمه احسن و اقل سكر و الmilk mysory cake ديه عباره عن دقيق معجون في سمنه و سكر تقيله جداً بس حلوه جداً جداً .
ديه من اشهر الاكلات هنا و طبعا فيه حاجات تانيه كتير مش حقدر اتكلم عنها كلها
من الحاجات العظيمه بردو اللي بتتعمل هنا هي الشاي الهنود محترفين شاي و احسن شاي تشربه من اكتر الاماكن شعبيه و ياسلام كده لو معاه osmania bisquits او moon bisquits يبقى
اي مكان تزوره لما ترجع لازم يكون معاك حكايه تحكيها عنه و في سطور الحكايه ديه لازم تتكلم عن الاكل