بعد إذن الادمن ا/ بهاء الراجل المحترم كنت...

[Moh Mah]

بعد إذن الادمن ا/ بهاء الراجل المحترم

كنت حابب أتكلم معاكوا في موضوع مختلف شويه عن ايه اغرب أو اصعب موقف حصل معاك مع ظابط الجوازات وانت مسافر للاي دوله ادينا بندردش ونأخذ خبره من بعض

بالنسبه لي حصل معايا موقف وانا مسافر جزيره مكاو (جزيره قريبه من هونج كونج ) كنت مسافر من هونج كونج بالعبارات هي من غير فيزا للمصريين ولكككككككككككككن اول ما ظابط الجوازات شاف الباسبور انه مصري لقيته أتكلم في تلفون جنبه ولقيت اتنين ظباط جايين وخادوني غرفه كده وفضلت مستني بتاع ١٠ دقايق وجت واحده ست رخمه جدا بصت علي الباسبور وفضلت تسال الاسءله العاديه طبعا ده كله كويس لقيتها بقي بتقولي ممكن اشوف تلفونك طبعا دي اول مره تحصل معايا مع أني سافرت كتير قلت لها ليه بتقولي لازم اشوفه طبعا أديتها الموبايل ضربت كده رقم وطلع سريال نمبر كتبته طبعا ده رقم تتبع وسألتني معاك فلوس قد ايه وشافتهم طبعا لقتني سافرت كتير علي الباسبور راحت اديتني استيكر الخروج (زي الفيزا كده) ليا وخرجت خلاص للجزيره

ياريت تشاركونا بالمواقف اللي حصلت معاكم ))))))

 

[Mohamed Osman Wahdan]

كنت مسافر روسيا وعند ظابط الجوازات خد الباسبور وفضل يقلب فيه كتير تقريبا كان فاكره دفتر توفير وبعدين بقول فى مشكله .. قالى الكمبيوتر عطلان وقام وقف وبعدين لقيت ظابط ست جت قالتلى اتفضل معايا ودخلت مكتب كده وفضلت تسألني ايه سبب الزياره و سالت على تذكره الرجوع وحجز الهوستل وبعدين اعتذرتلى وبعتت ظابط معايا عشان يختملى الباسبور ويساعدنى فى الشنط لحد ما خرجت من المطار

 

[داليا على نهر الحياء]

ليه دا اكتر دوله منفعينها هيه الصين دا غير البنات اللى هنا داييرين على البيوت اللى بتبيع وتنصب واللى بتحلق لرجالة العيله كلها على ايه دا كله يعنى ؟!

 

[Shadi Muhamed]

الموقف اللي حصل معايا انا و اتنين صحابي مكنش في المطار ولا مع الجوازات.. كنا تلاتة و مأجرين عربية وخارجين من ڤينيس وراجعين ميلانو المهم كنت شبه محموم وحرارتي كانت 39 وزيادة وصاحبي سايق ومقفل عداد عشان نلحق نروح علي مستشفي وبيرعش نور عالي طول الطريق عشان العربيات توسع وفجأة ظهرت دورية شرطة من حيث لا ندري وطلبو مننا الوقوف.. وحصل معانا زي الافلام بالظبط .. الظابط نزل وايده علي السلاح وضارب الكشاف في وشنا وقالنا انزلو وتفتيش زي مابنشوف في الافلام بالظبط موقفينا علي سور الطريق في عز برد شهر يناير وبيفتشونا تفتيش يقل القيمة بجد و لما لقانا معناش حاجة ..اتدور علي العربية وحرفيا فتشها حتة حتة عشان طبعا باين من منظرنا اننا عرب وكان لسه احداث شارل ايبدو كانت لسه طازة .. المهم خلصت الليلة علي مخالفة 13 يورو لمجرد ان صاحبي اللي كان سايق كان بيرعش نور عالي مش اكتر

 

[Emad Al Dakrory]

في واشنطن واثناء البوردينج لقيت مندوب شركة الطيران بيقولي الضابط عايزك ولقيت الضابط جه عندي وسلم علي وقالي ممكن الجواز وطبعا انا اترعبت . اديته الجواز وبعد عشر دقايق رجع وقالي اتفضل وسلم علي تاني وقالي رحلة سعيدة

 

[Mic Heal]

انا بقا كل مرجع مصر بتخانق مع موظفين المطار المصريين تحس انهم واقفين ف كارته ع طريق ام نسمه كل مره يسألوا نفس السؤال البايخ معاك ايه يباشا

 

[Nader Adel]

دى اقل تجارب شوفتها فى ناس شوفتهم بيحكو عن بهدلتهم ف مطارات كوريا و هونج كونج من ضباط الجوازات و ترحيل بعضهم

باسبورنا بجد كارثة كارثه يعنى

 

[Lamyaa Ell Khateeb]

كنت نازله بوكيت فتايلاند وكان لسه معايا الباسبور القديمطبعا كنت فرجة المطار والضابط يقول لى ده كتاب ونادى ناس يتفرجوا عليه والمشكله انا كبير مكنش نافع يتحط على جهاز السكانر الخاص بيهم بالآخر قالولى المرة الجيه وانتى داخله تايلاند لازم تغيريه الجديد الصغير