A
Ahmad Sobhy Amer
:: مسافر ::
بالنسبة للطيران الإماراتية والقطرية ممتازين والقطرية كل شوية بتنزل عروض كويسة وكمان الطيران العماني والسعودي..أما الأماكن فالعاصمة كوالالمبور فيها أماكن سياحية كتيرة أوي زي batu caves ودي معابد هندية على مرتفعات خضرا عالية وتشوف منها المدينة كاملة و مدينة الألعاب المائية sunway lagoon ودي من أكبر مدن الألعاب على مستوى العالم ومش غالية وفي حديقة الطيور رهيبة و طبعا البرجين التوأم وبرج المنارة اللي بيكشف كوالا كلها وفيه Cameron islands مزارع الشاي ودي طبيعة رهيبة وحديقة الأفيال وقريبة من putrajaya ودي العاصمة الإدارية لماليزيا وشبه دبي في جمال المباني والطرق بالإضافة للمولات الضخمة في كل حتة زي pavillion وpurjaya times square وده فيه ملاهي ضخمة مغلقة وهناك China town ده زي سوق فيه ملابس وشنط وهدايا تذكارية وأسعاره حلوة جدا بس لازم تطلع عينهم في الفصال
A
Ahmad Sobhy Amer
:: مسافر ::
وطبعا لازم زيارة لجزيرة لنكاوي اللي بسميها جنة الله في الأرض كل حاجة فيها تحفة التليفريك و الرحلة البحرية mangroov وشواطئ للسباحة زي pantai senang وحديقة الفواكه والتماسيح ودي بيتراحلها بطيران داخلي أسعاره كويسة وفيه شركتين رخاص Malindo Air و Air Asia وفيه جزر تانية زي صباح و penang
A
Ahmad Sobhy Amer
:: مسافر ::
ماليزيا من الدول اللي أسعارها مناسبة بس للأسف فرق العملة دلوقتي طبعا هيحسسك انها غالية شوية الاكل أسعاره كويسة جدا في كوالا في شارع العرب كله مطاعم عربية بالإضافة للfood courts في المولات بس في لنكاوي غالي شوية عن كوالا أما المواصلات فيفضل ركوب المواصلات العامة زي الاتوبيس و القطار المعلق رخيصة ونضيفة ولو هتركبي تاكسي يبقى التاكسي الأحمر مش الأزرق لأنهم غاليين جدا ويفضل أوبر علشان محدش يضحك عليكي