B
Bahaa Aldeen Farouk
:: مسافر ::
مع احترامي لجميع الأراء , فكرة السفر مفردا أو السفر مع جروب لواحد أول مره يسافر عموما أو معندوش خبره كبيره للسفر أو عاوز يسافر و يتبسط و معندوش الجرأه لخوض كل مصاعب السفر و تحدياته في البداية , يبقى طبعا يسافر مع جروب بدون تفكير بغض النظر عن الرحله لفين أو مع مين , و لكن لما كمان الرحله تكون لدوله طبيعتها صعبة شويه أو دوله غير سياحيه 100% زي الهند مثلا أو نيبال أو دوله تعتبر صعب ترتيب رحلاتها يبقى لازم يسافر مع جروب منظم و فاهم هو حيعمل ايه خطوة بخطوة علشان يستمتع بكل لحظه في الرحله , متتوقعوش الناس اللي بتطلع رحلات منظمه دي ناس مش بتفهم أو مش عارفه تسافر لوحدها , بالعكس دي ناس بتكون واثقه في منظمين الرحله و عاوزين يسافروا بهدف الاستمتاع بكل دقيقه و كل مليم مدفوع في الرحله , فمش حيسافروا علشان يغامروا برحله ممكن تطلع حلوة أو تطلع وحشة او يتنصب عليهم هناك من شركات محليه , او يمروا بتجارب أكيد حيكون منها جزء كبير وحش و غير متوقع , في الأول و الاخر الأمور واضحه و بسيطه عاوز تغامر برحلة لوحدك خد القرار و سافر و أنصحك تعمل بحث محترم جدا قبل ما تسافر ( اول مره سافرت تايلاند لوحدي من 10 سنين و لله العظيم قعدت أعمل بحث 4 شهور قبل لسفر و رحت و اتنصب عليا مع أول تجربه مع شركة محلية عادي جدا ) , و لو عاوز تسافر علشان تفك دماغك و تتبسط يبقى تسافر مع جروب منظم
