صباح الخير ولا مساء الخير كل واحد بتوقيته بقا...

[Hend Ali]

صباح الخير ولا مساء الخير كل واحد بتوقيته بقا
حد راح رومانيا قبل كدا يقدر يفيدني الوضع هناك عامل ازاي من ناحيه التعامل مع ال foreigner خصوصا لو مسلمه محجبة؟؟

 

[Nashwa Karmous]

اوعى الفامبير

 

[Kamel Kamo]

مفيش اى مشاكل هناك ... دول شرق اوروبا كلها كويسة جدا فى التعامل .... لكن خروجات بالليل مش هتناسبك للأسف

 

[Enass Attia]

تعاملهم رخم في المطار خلونا نقلع الطرح بس ده كان من حوالي اربع سنين
مش عارفه دلوقتي اتعدلوا ولا ايه

 

[Mic Heal]

باى حال من الاحوال هتكون احسن من مثر

 

[Ahmed El Araishy]

فيه محجبات سوريات هناك شوفتهم والناس بتتعامل معاهم عادى جدا

 

[Hassan Elmasry]

رومانيا الطبيعة حلوه جدا لو هتبقي في منطقة ترانسلفانيا بس دلوقتي في تلج كتير . لازم تروحي براشوف جميلة جدا في الصيف و قريبة من قلعة بران اللي هو دراكولا يعني . و هناك السياح كتير انا شوفت محجبات و جنسيات كتيرة عادي و ابعدي بس عن بوخارست

 

[Mohamed Ibrahim]

زفت يا حبيبتي زفت

 

[Samar Emad]

بصي انا ليا صديقة رومانية بتقولي ان عندهم مسلمين وعرب كتير وفي عرب كتير متزوجين من رومانيات وعايشين هناك وكانت نفسها جدااا اروحلها ازورها
وفعلا بدات اجراءات الفيزا واتصدمت !!
اتقالي ان الفيزا لرومانيا متوقفة للمصريين
طيب ايه السبب ؟!! السبب دواعي امنية !!!
طيب اعمل ايه عشان اروح رومانيا
اتقالي مفيش غير ٣ حلول :
١- يا يكون معايا فيزا شينجن وفي الحالة دي مش هيقدروا يقولولي لا
٢- يكون معايا فيزا امريكا
٣- يكون معايا فيزا UK

وانا مكنش معايا اي حاجة من دول اصلا واترفضت في الشينجن فصرفت نظر خالص عن رومانيا.