#طابا_المصرية #مالديف_مصر طبعا برضو لازم...

  • بادئ الموضوع بادئ الموضوع Kamel Kamo
  • تاريخ البدء تاريخ البدء
عرض العطلة
K

Kamel Kamo

:: مسافر ::
#1
#طابا_المصرية
#مالديف_مصر
طبعا برضو لازم نتكلم على السياحة الداخلية شوية ... من الاماكن اللى ناس كتير مش بتفكر فيها هى طابا ....
طابا من اجمل الاماكن اللى ممكن تشوفها وتحب بحرها والميه هناك روعة والشواطئ جميلة جدا ...
أولا هتكلم ع الفنادق المتاحة حاليا ( لأن معظم الفنادق هناك قافله حاليا )
١- فندق سوفيتيل طابا هايتس ... وده من الفنادق الجميلة جدا هناك بس ممتاز جدا
٢- فندق ستراند طابا هايتس ( الانتركونتيننتال سابقا ) .... وده فندق برضو روعة وارخص من سوفيتيل كمان ....
الفندقين دول موجودين فى طابا هايتس ... والمنظر هناك روعة
٣- فندق موفينبيك طابا
٤- فندق هيلتون طابا
٥-،فندق طابا ساندس ( وده صغير لانه معتمد ع الكازينو )
دول موجودين فى طابا نفسها
الفرق ان اول فندقين عروضهم all inclusive والباقيين half board
طابا للاسف مملة شوية لطبيعتها طبعا ... ومفيش كافيهات كتير وخروجات كتير ... لكن الفنادق هناك دايما بتحاول تبسط النزلاء ..
الانشطه البحرية جميلة جدا هناك ... غوص وسنوركلينج ورحلات بحرية
طبعا متنساش تروح قلعة صلاح الدين وتقضى يوم جميل هناك وخليج فيورد ( اللى صوره فى البوست )
وطبعا لو شباب او عائلات ممكن تروحوا الكامبات اللى على طريق نويبع طابا وتقضوا يوم جميل برضو
ممكن تقضوها مواصلات بس بهدلة شوية ومواعيد ... لوو معاك عربية هتتحرك بسهولة جدا ...
اللى اول مره يروح طابا من طريق نخل يبقى هادى جدا لان المنحنيات وحشة جدا وممكن لا قدر الله يتقلب ع الطريق ...
طابا من اجمل المدن اللة عندنا فى مصر ...
ومش غالية على فكرة ... فى عروض كويسة جدا اونلاين ...
اى اسئلة هرد عليها ان شاء الله
15726848_1834283616815028_2678286169030695372_n.jpg

15823292_1834283643481692_9169068561741115877_n.jpg
 
#2
ما بلاش كلمه مالديف مصر دي .. ادوا المكان مكانته من غير ما تحكوه بمكان تاني .. برضو بتضايق جدا لما حد يقول كده على مرسى علم .. خلو المكان unique هوا جميل لوحده مش محتاج اضافات
 
#4
Taba one of the most wonderful places in the world
طابا على الحدود بين فلسطين والاردن والسعودية، بتشوفهم قدامك كده وانت واقف على البحر، البيفصل بينك وبين ايلات (فلسطين المحتله) هو خط حدودي بالسلك، لو حجزت في هلتون تقدر تشوف ايلات وجيش ال بعده اشتم فيهم براحتك:)
وهتشوف المعبر
هي مدينة مصرية جميلة جدا جوها حلو مفيش رطوبة في الصيف درجة الحرارة ممكن تكون ٤٠ بس انت مش حاسس
من احسن الفنادق (هيلتون - ستراند طابا هايتس - سوفيتل)
فيه اتوبيس شرق الدلتا ده الوحيد ال بيروح طابا ومش قد كده للاسف مفيش طيران، في شركات سياحة دلوقتي بتعمل رحلات بالانتقالات لطيفة جدا في عروض دلوقتي الفرد ب ١٠٠٠ جنية ٣ ليالي
منهم Laxpedia, weekendy, misr travel
سافروا واتبسطوا
 
عرض العطلة
عرض العطلة
عرض العطلة
أعلى أسفل
عودة
قائمة