مساء الخير اولاً تحيه واجبه للاعضاء...

[Adham Fouda]

مساء الخير

اولاً تحيه واجبه للاعضاء المحترمين

ثانياً عندى كذا استفسار من فضلكم بالنسبه للناس الى بتستخدم موقع سكاى سكانر

ايه افضل ڤيزا بنكيه فى مصر للحجز من على الموقع ؟
وهل فى امكانيه تغيير معاد العوده بمعنى انى ممكن احط معاد عوده بعد كذا شهر و اغير رأيى وانا هناك انى اقدم او ااهر معاد العوده ولا مينفعش ؟؟

شكرا ليكم مقدماً

 

[Adham Fouda]

ايه يا جماعه محدش عنده معلومه ،،؟

 

[Abdallah Elgareb]

موضوع الفيزا دا على حسب توتال البنك الى انت بتتعامل معاه وموضوع انك تعدل تذكرة دا بيرجع لشركه الطيران الى انت حاجز منها سكاى م هوا الا موقع زى جوجل مثلا بيجيبلك العروض الكويسه وانت بتختار منه الشركه الى هتحجز عليها ولو فى تعديل او حاجه بترجع تاني لشركه الطيران ال انت حجزت عليها عن طريق الموقع

 

[Abdallah Elgareb]

وفيزا المشتريات مش بتفرق فى نوع البنك بتفرق فى القيمه الى متاحه فيها واكيد بردو فى معلومات اكتر حد هيزودك بيها ونفعنا الله وإياكم

 

[Mohamed Aly Said]

موضوع الفيزا في مصر ده معنديش فكره عنده اما بالنسبة لاسكاي سكانر انا بستخدمه باستمرار الموقع في حد ذاته لا يحجز تذاكر الموقع بيجمع الأسعار من المواقع وشركات السياحه وشركات الطيران وبيرتبهم طبقا لشروط بحثك يعني لو انت عاوز السعر الأرخص او عاوز أوقات معينة في اليوم او طيران مباشر او شركة معينه وهكذا بالنسبه للتغير في المواعيد او الالغاء فدي سياسة الشركة وشروط التذكرة يعني في تذاكر رخيصة جدا غير قابله للتغيير او الاسترجاع وفِي تذاكر التغيير فيها مجاني وبين التذكرتين في تذاكر بتتغير بأسعار مختلفة لإخلاصه انك لازم تبص على شروط التذكرة قبل الشراء وتشوف شروط التغيير والاسترجاع للموقع الي سكاي سكانر هيحولك عليه ولو ما عجبك تختار غير وهكذا

 

[Mohamed Aly Said]

أرجو أكون أفدتك بالرد ده