لسه راجع من سفارة الهند .. البهوات أجازة...

[Antoun Khalil]

لسه راجع من سفارة الهند .. البهوات أجازة النهاردة عندهم عيد .. بقالي اسبوع باحاول اتصل بيهم عشان عامل حساب موقف زي ده بس ماكانوش بيردوا !!
المهم هو قالي التقديم في القنصلية و معرفتش افهم منه فين بالظبط .. أنا رحت االسفارة اللي قدام الماريوت
حد عنده فكرة فين القنصلية بتاعتهم لو سمحتم ؟

 

[Anosh Muhammed Horan]

عندهم اعياد اكتر ما بيستحمو

 

[Reham Eissa]

فى الزمالك ابو الفدا ميدان ام كلثوم العمارة الى فيها HSBC

 

[Reham Eissa]

الدور الثانى

 

[Reham Eissa]

الى قدام الماريوت ده بيت السفير مش هيفيدك بحاجه

 

[Faten Tawfiq]

Marmar Eisa

 

[Shitos Shitos]

الهند بلد مش كويسه ونسبه التلوث فيها عاليه جدا
بجد ما انصحش اى حد يروح هناك
النيبال أفضل وأماكن وطبيعه احلى كتييير

 

[Reham Eissa]

الهند بلد كبيرة وفيها تنوع واختلاف واماكن ملوثة واماكن انضف من انضف مكان فى مصر . وعموما كل حاجه بتختلف من شخص للتانى

 

[Rose Dawson]

النهارده اليوم الوطنى فى الهند

 

[Ragi Turky]

القنصليه في الزمالك اتنقلت من وسط البلد

 

[Hamada Fawi]

ابو الفدا الزماللك عمارة السفارات

 

[Shymaa Fouad]

في شارع ابو الفدا قدام تمثال ام كلثوم المبني الاداري الدور الثاني وعلي فكره معاملتهم محترمه جدا

 

[Hossam Masoud]

ايوة العيد الوطني الهندي ^_^

 

[Khaled Ashour]

انا اخدت التاشيرة يوم الثلاثاء
القنصل مصرية وهي محترمة جدا
وعلي فكرة هما أخدوا النهاردة اجازة بدل امبارح ٢٥/١
ضبط ورقك وهتاخدها بكل سهولة يتكلف ٨٣٠ج

 

[Mohamed Mohamed]

يا فقرك النهاردة فعلا عيد الجمهورية روح الاحد بقي وخلاص

 

[Mohamed Mohamed]

بس يعني لو عاوز تروح سياحة ومالكش حد هناك مقلب يابني والله وقذارة ... لو ليك صحاب وحشينك وكده روح

 

[Hend Ali]

اول ما توصل تمثال ام كلثوم اسأل عن القنصلية خطوات وتكون هناك وفعلا النهارده Republic day of India وع فكره الموظفين هناك محترمين جداااا وياريت لو هتروح تاني تقولي محتاجه تجبلي رقم موظف هناك

 

[Ahmed Abdelhalim Ibrahim]

ياريت تشوفلنا التاشيره السنويه بقيت بكام والدفع بقى مصرى ولا دولار ..وياريت تخلى الموظف اللى هناك يتكرم ويرد ع الناس فى التليفون

 

[Antoun Khalil]

شكرا يا جماعة
اتمنى المرة الجاية ما يركبونيش الفيل زي ما عملوا فيا المرادي