M
Mohammed Nabih
:: مسافر ::
هاكلمكم عن دهب و الملخص اللى عاوز تعرفه لو عايز تروح دهب لوحدك او مع اصحابك.
مبدئيا دهب مايتزهقش منها ابدا و هى عبارة عن :
١-دايفنج و سنوركلنج في اماكن وهمية
-بلو هول - دايفنج + سنوركلنج
-ثرى بولز : دايفنج + سنوركلنج + سفارى فى وادى جنى لو تحب
-لايت هاوس - دايفنج + سنوركلنج و ميزته انه جمب الكامبات دايركت لو هاتروح فى كامب
-لاجونا (خليج دهب) و ده شاطئ رملى شكله تحفة من بره بس مادخلتوش.
٢-فيه اماكن كامبنج شبه راش شيطان و نويبع زى:
- ابو جالوم
-بلو لاجون
٣-السفارى :
-وادى جنى
-white & colored canyon
-الطويلات
٤-و طبعا طلوع سانت كاترين من دهب سهل جدا.
و فيه مكاتب سياحة داخلية كتير في الممشى تقدروا تطلعوا منها الرحلات دي ، و مش مكلفة خالص
دهب مابتخلصش , أنا أكيد ناسى حاجة , فيه مكان مارحتوش اسمه caves
ماجربتوش الحقيقة يقال عنه وهمى
بالنسبة للفنادق و الكامبات الموضوع سهل جدا
- فنادق من على بوكنج دوت كوم بسيطة
-هوستيلز و انصح بالهوستيلز جدا لو هاتروح لوحدك , هاتلاقى ناس كتير جت لوحدها و دماغها متفتحة و هاتتعرف على ناس و تتبسط , بس كل حاجة فيه مشتركة سواء أوض (غرف) أو حمام أو مطبخ.
و نصيحة بلاش hotels.com جربته و حجزت قبل كده و كلمت الفندق قالى مش بنتعامل مع الموقع ده و كلمت الموقع و اتأسفولى و لغيت الحجز . واضح ان فيه مشكلة بين الفنادق و الموقع ده عامة.
- كامبات بقه و دى حبيبتى :
اللينك ده فيه كامبات كتير معظم الحجز بالتليفون و رخيص جدا لانها بسيطة
و انصح بكامب الاسكا لانه نضيف /Alaska Camp & Hotel, Dahab, Egypt و عن تجربة , السراير و الحمامات برايفت و نضيفة , و المطبخ حلو و مشترك و أسعاره حلوة قوى
باقي الكامبات :
/dahab camps - بحث Google
بالنسبة للمواصلات بقه متوفر دايركت لدهب شرق الدلتا معرفش فيه غيره ولا لا بس المواعيد كتير , و احجز قبلها ب 4 ايام عالاقل فى المواسم زى الاعياد و الاجازات.
و لو مالقيتش تقدر تطلع على شرم بشرق الدلتا برضه و فيه باصات كل ساعة او نص ساعة من خمسة الفجر بتطلع دهب .
و سمعت انهم خلوا المشوار خمس ساعات بس من القاهرة علشان لغوا الريست و فتحوا كافيتيريا في الباص ، بس الكماين بتاخد ساعة مثلا
و أى استفسار عن شرق الدلتا اسألوا فى الجروب بتاعهم ناس خدومة جدا
/مواعيد..شرق الدلتا( East Delta bus schedules) Öffentliche Gruppe | Facebook
و اكتر من واحد أكدلي ان جو باص بيروح دهب دلوقت
بالنسبة للأكل :
دهب مدينة سكنية اسعارها سكنية حتى السوبر ماركت عالممشى هناك ارخص من القاهرة
الاسعار سياحية في المطاعم اللي عالبحر مثلا.
لكن تقدر تجيب اكل عادي جدا باسعار رخيصة.
أحب اقولكوا لو عملتوا اللى فى البوست ده هاتوفروا كتير جدااااااااااااا , و هاتستمتعوا اكتر و هاتكسبوا وقت كتير .
و ربنا يقدرنى على فعل الخير
. لو أى خطأ فى البوست او اضافة قولولى عليها و أعدلها ,
أى استفتسار هجاوب لو أقدر.
و اتبسطوا و انتشروا
مبدئيا دهب مايتزهقش منها ابدا و هى عبارة عن :
١-دايفنج و سنوركلنج في اماكن وهمية
-بلو هول - دايفنج + سنوركلنج
-ثرى بولز : دايفنج + سنوركلنج + سفارى فى وادى جنى لو تحب
-لايت هاوس - دايفنج + سنوركلنج و ميزته انه جمب الكامبات دايركت لو هاتروح فى كامب
-لاجونا (خليج دهب) و ده شاطئ رملى شكله تحفة من بره بس مادخلتوش.
٢-فيه اماكن كامبنج شبه راش شيطان و نويبع زى:
- ابو جالوم
-بلو لاجون
٣-السفارى :
-وادى جنى
-white & colored canyon
-الطويلات
٤-و طبعا طلوع سانت كاترين من دهب سهل جدا.
و فيه مكاتب سياحة داخلية كتير في الممشى تقدروا تطلعوا منها الرحلات دي ، و مش مكلفة خالص
دهب مابتخلصش , أنا أكيد ناسى حاجة , فيه مكان مارحتوش اسمه caves
ماجربتوش الحقيقة يقال عنه وهمى
بالنسبة للفنادق و الكامبات الموضوع سهل جدا
- فنادق من على بوكنج دوت كوم بسيطة
-هوستيلز و انصح بالهوستيلز جدا لو هاتروح لوحدك , هاتلاقى ناس كتير جت لوحدها و دماغها متفتحة و هاتتعرف على ناس و تتبسط , بس كل حاجة فيه مشتركة سواء أوض (غرف) أو حمام أو مطبخ.
و نصيحة بلاش hotels.com جربته و حجزت قبل كده و كلمت الفندق قالى مش بنتعامل مع الموقع ده و كلمت الموقع و اتأسفولى و لغيت الحجز . واضح ان فيه مشكلة بين الفنادق و الموقع ده عامة.
- كامبات بقه و دى حبيبتى :
اللينك ده فيه كامبات كتير معظم الحجز بالتليفون و رخيص جدا لانها بسيطة
و انصح بكامب الاسكا لانه نضيف /Alaska Camp & Hotel, Dahab, Egypt و عن تجربة , السراير و الحمامات برايفت و نضيفة , و المطبخ حلو و مشترك و أسعاره حلوة قوى
باقي الكامبات :
/dahab camps - بحث Google
بالنسبة للمواصلات بقه متوفر دايركت لدهب شرق الدلتا معرفش فيه غيره ولا لا بس المواعيد كتير , و احجز قبلها ب 4 ايام عالاقل فى المواسم زى الاعياد و الاجازات.
و لو مالقيتش تقدر تطلع على شرم بشرق الدلتا برضه و فيه باصات كل ساعة او نص ساعة من خمسة الفجر بتطلع دهب .
و سمعت انهم خلوا المشوار خمس ساعات بس من القاهرة علشان لغوا الريست و فتحوا كافيتيريا في الباص ، بس الكماين بتاخد ساعة مثلا
و أى استفسار عن شرق الدلتا اسألوا فى الجروب بتاعهم ناس خدومة جدا
/مواعيد..شرق الدلتا( East Delta bus schedules) Öffentliche Gruppe | Facebook
و اكتر من واحد أكدلي ان جو باص بيروح دهب دلوقت
بالنسبة للأكل :
دهب مدينة سكنية اسعارها سكنية حتى السوبر ماركت عالممشى هناك ارخص من القاهرة
الاسعار سياحية في المطاعم اللي عالبحر مثلا.
لكن تقدر تجيب اكل عادي جدا باسعار رخيصة.
أحب اقولكوا لو عملتوا اللى فى البوست ده هاتوفروا كتير جدااااااااااااا , و هاتستمتعوا اكتر و هاتكسبوا وقت كتير .
و ربنا يقدرنى على فعل الخير
. لو أى خطأ فى البوست او اضافة قولولى عليها و أعدلها ,
أى استفتسار هجاوب لو أقدر.
و اتبسطوا و انتشروا