A
Ahmd Bdwy
:: مسافر ::
مساء الفل على البوب الكبير ♥ الهندسة Bahaa Aldeen Farouk وعلى احلى جروب فعلاً ... كان فى بوست بخصوص مميزات وعيوب شركات الطيران وكده ... انا حبيت اكتبلكم بوست مخصوص عن تجربتنا انا و Doaa Ahmd على طيران الإتحاد لكذا سبب ويارب تستفيدوا من اللى حصل معايا ... والحكاية كالتالى ... سافرت على طيران الاتحاد من القاهرة ترانزيت ابو ظبى والمفروض كان من ابو ظبى الى بوكيت (تايلاند) ... وهنا نقف ... ليه ... لان مدام هتنزل ترانزيت يبقى متعتمدش أبداً على رقم البوابة اللى مكتوبة فى التذكرة (للى مش فاهم ... انت بتاخد تذكرتين ... واحدة من مطار المغادرة لمطار الترانزيت والتانية من مطار الترانزيت لمطار الوصول) ... لازم تخلى بالك من الشاشة اللى بتعرض الرحلات لان وارد جدا (وده اللى حصل معايا) انك تروح تقف فى طابور طويل على رقم البوابة اللى مكتوبة فى التذكرة واساسا بوابتك اتغيرت وانت مش واخد بالك ... طيب لا قدر الله لو ده حصل (وده برده اللى حصل معايا) ... زى الشاطر تروح لمكتب تحويل الرحلات وتعرفهم اللى حصل ... هنا بقى هطلع المصرى اللى جواك ... ازاى ... هيقولولك ان اللى حصل ده غلطتك لانك مفروض تكون متابع الشاشة والقصص دى ... هتقولهم ان المفروض انكم طيران محترم و مدام كاتبين فى التيكت ان البوابة رقم كذا يبقى ميتغيرش رقمها و و و و ومتعليش صوتك اتكلم بالمنطق واقنعهم ... هيبعتوا ايميل باللى حصل .. ايوه متقلقش هيبعتوا ايميل انت مش فى مصر ... وهيردوا بايميل عادى وخلال نص ساعة هيبلغوك بالحل وكان الحل معايا كالتالى ... اركب بعد ساعة ونص طيارة لبانكوك العاصمة ومن هناك اركب ترانزيت لمطار بوكيت أو استنى لتانى يوم واركب لبوكيت على طول لان مفيش الا رحلة واحدة بس يوميا من ابو ظبى لبوكيت ... اخترت الحل الاول ... المفاجأة ان التذكرتين دول (من ابو ظبى بانكوك وبعدين من بانكوك لبوكيت) ببلاااااااااااش ... اعتذار منهم على اللى حصل ... بس كده ... لأ ... الشنط اتاخرت بس اول ما وصلت مطار بانكوك لقيت فى حد منتظرينى من طيران بانكوك بيبلغنى ان الشنط هتتاخر وللاسف هتجيلى على الفندق بس محتاجين شكلها وكده ... الحمد لله كنت مصور الشنط وده فرق جدا معانا وفعلا وصلتلى الشنط على الفندق وببلاش طبعاً ... الخلاصة
1 : لو انت حاجز تذكرتك من بره مصر وهتسافر من مصر لاى مكان يبقى خلى بالك انك لازم تتاكد من الميعاد عشان فرق التوقيت الصيفى والشتوى.
2 : صور شنطتك ومتقولش لنفسك بلاش الفال ده ... عادى .. هتفرق جدا معاك لو حصل ظرف طارئ.
3 : خلى بالك من الشاشة اللى بتعرض رقم رحلتك ورقم البوابة متعتمدش على التذكرة بس.
4 : اوعى تفضل تتفرج على مطار ابو ظبى وتلف فى السوق الحرة وتنسى نفسك وتقضيها صور وكده لان المطار كبير جداً وهتتنفخ جرى لو بوابتك اتغيرت من رقم 15 لبوابة رقم 52 مثلاً (وده اللى حصل معانا ) ومش هتلحق الطيارة برده
5 : الاكل على طيران الاتحاد فعلاً ممتع وطعم بالاضافة طبعا للكراسى المريحة والشاشة بتاعتك اللى فيها اجدد الافلام الانجليش واللى بتديك خصوصية كمان ان اللى جنبك عمره ما هيعرف انت بتتفرج على ايه اصلا (خاصية معينة)
بس خلاص ... انا و دعاء معاكم لاى استفسار
♥
1 : لو انت حاجز تذكرتك من بره مصر وهتسافر من مصر لاى مكان يبقى خلى بالك انك لازم تتاكد من الميعاد عشان فرق التوقيت الصيفى والشتوى.
2 : صور شنطتك ومتقولش لنفسك بلاش الفال ده ... عادى .. هتفرق جدا معاك لو حصل ظرف طارئ.
3 : خلى بالك من الشاشة اللى بتعرض رقم رحلتك ورقم البوابة متعتمدش على التذكرة بس.
4 : اوعى تفضل تتفرج على مطار ابو ظبى وتلف فى السوق الحرة وتنسى نفسك وتقضيها صور وكده لان المطار كبير جداً وهتتنفخ جرى لو بوابتك اتغيرت من رقم 15 لبوابة رقم 52 مثلاً (وده اللى حصل معانا ) ومش هتلحق الطيارة برده
5 : الاكل على طيران الاتحاد فعلاً ممتع وطعم بالاضافة طبعا للكراسى المريحة والشاشة بتاعتك اللى فيها اجدد الافلام الانجليش واللى بتديك خصوصية كمان ان اللى جنبك عمره ما هيعرف انت بتتفرج على ايه اصلا (خاصية معينة)
بس خلاص ... انا و دعاء معاكم لاى استفسار
♥