#استفسار الناس اللى بيسافروا وشايفين ان السفر...

[May Mostafa]

#استفسار الناس اللى بيسافروا وشايفين ان السفر رخيص وان اى حد ممكن يسافر بأرخص الاسعار ازاى بقى بأرخص الاسعار ف حين ان تذكرة الطيران بس غالية يعنى معلش مهو 5000جنيه وﻻ اكتر بالنسبه لبنات امنيه حياتهم يسافروا مش رخيص لو حتى حوشنا طبعا كل حاجه بتزيد الضعف عن كل يوم وبرضو لو شاب بيشتغل وحوش مرتبه او مبلغ منه للسفر برضو حاجه مش سهله ف ازاى بقى بتسافروا وشايفين السفر رخيص ومش عاوزه حد يقولى الاسعار بالدوﻻر ﻻنى مشلوله لوحدى من الدوﻻر

 

[Bahaa Aldeen Farouk]

مش شرط علشان سفر انه يكون خارج مصر , فيه في مصر أماكن حلوة جدا و رخيصه جدا و لو سافرتي ليها حتسي انك خرجتي بره مصر , و ممكن متتكلفيش أكتر من 500 جنيه

 

[Omnya Khaleel]

محدش يعرف سفر لتركيا يتكلف كام

 

[Ahmed Abdel Rahman]

قبل موضوع الدولار كان ممكن بأقل من ١٠ الاف تسافري ١٠ ايام اوروبا ... دلوقتي لأ

 

[Ahmed Moustafa]

ماهو كل حاجه نسبيه برضوا في شايفين 10 الاف جنيه مبلغ سهل وناس شايفاه صعب زي مافي ناس بتشتري عربيه ب مليون وناس بتحوش 20 الف علشان تشتري عربيه برضه.

 

[Osama Mohamad Mohamad]

غالبا عايشين في الخليج

 

[Aya Elmeniawy]

يامي انا كنت بحوش عشان اسافر لقيت الموضوع كبير
هنفضل نحوش سنين
انا من رأيي سافري كل حتة ف مصر الاول بجد

 

[Yasser Ali]

مين قال ان السفر رخيص ؟؟ السفر حاليا زى الحج لمن استطاع اليه سبيلا .

اغلب الشعب المصرى اقصى طموحه حاليا انه يروح شرم الشيخ والغردقه ودهب وطابا او الاقصر واسوان وطبعا دى اماكن كويسه وعلى الاقل محدش هيدفع طيران . بعض الناس هيقولوا يا عم انا لفيت الاماكن دى شبر شبر وزهقت منها ... والله حقك بس انت مفيش قدامك حاليا غير كده !!! انا شخصيا بعشق دهب واسوان برغم انى حافظهم زى اسمى ولكن عمرى ما زهقت منهم وبخس فيهم براحه نفسيه .

بس هقولك حاجه قبل 4 سنين لما كان الدولار ب 7 جنيه كان السفر خارج مصر سهل لناس كتير مش هقول رخيص لكن كان فى المعقول بالنسبه للطبقه المتوسطه من المصريين انما دلوقتى السفر للطبقه الاعلى من المتوسطه والعليا فقط من الاخر يعنى .

 

[Ahmed Sabaa]

السفر دلوقتي بقي صعب بعد التعويم
للناس اللي مرتباتهم ثابتة او بتريد بنسبة لا تتناسب مع انخفاض قيمة الجنيه .. الموضوع هياخد وقت لحد ما مرتبك يتظبط و يبقي تذكرة السفر اللي ب٥٠٠٠ في استطاعتك توفيرها مع شوية ادخار (اللي اصبح شبه مستحيل الآن)
البديل سياحة داخلية او التركيز علي استثمار المبالغ المتوفرة في شهادات او ودائع ووضع خطة طويلة الأجل

 

[Mohamed Yosry]

السفر رخيص ازاى من انهو اتجاه ؟؟؟؟ اكيد اتجاه المغفلين او اللى عايشين الدور انما السفر دلوقتى غالى فشخ واى حد يقولك السفر رخيص يبقى يا اما حرامى او رجل اعمال او مصرى عايش فى الخليج وبيقبض بعملات تانيه او حد اهبل او مغفل عايش فى ميه البطيخ زى تعليقات بعض المغفلين فى جروبات السفر

 

[Mohamed Hassan]

كنت محوش فلوس علشان السفر ومظبط الورق وكل حاجه وهوب الجنية غرق وضيع التجهيزات

 

[Sawsan Alfiky]

السفر رخيص وسهل للمصريين المقيمين بالخارج فقط على سبيل المثال المصريين اللى فى دول الخليج او اوروبا انما المصرى اللى عايش فى مصر كل شىء بالنسبه له غالى وصعب ومفيش حاجه رخيصه فى مصر غير المواطن المصرى فقط هو ارخص شىء وسيبك من اى كلام تانى عشان فى ناس بتخرف وعايشين فى كوكب اخر غيرنا

 

[Omar Mostafa]

الواقع بيقول الغني بيزيد غنى والفقير بيزيد فقر و على فكرة اللي متخيل ان الدولار هينزل ل10 جنية حتى يعتبر بيحلم على اقصى تقدير هيوصل ل15 جنيةو انصح اي شاب عنده فرصة يسافر ميترددش بس ميبقاش خايب و يرجع لو الظروف مناسبة هي ابتديت بترامب و في تصعيد للاحزاب اليمينية في اوروبا و باقي الدول بعدها مش هتعرفو تسافرو

 

[Roto Mina]

انا اعرف مصريين بعدد شعر راسى مش عارفين يسافروا شرم الشيخ حتى بسبب الاسعار والغلاء ويجى شويه بهايم تقولك السفر بره مصر رخيص وسهل وجميل وكيوت هههههههههههههههه عليا الطلاق الناس دى شاربين بانجو اصلى

 

[Abdelrahman Elhesky]

فى مرة حبوا يعملوا متروا الانفاق محطة فى الزمالك.. الناس اللى ساكنة فى الزمالك رفضوا الموضوع تماما. قالك بقى احنا نصحى الصبح و نشوف " الاشكال بتاعة المترو " .. اذا كان اللى من بلدك بيعمل فيك كدا فما بالك بسفارات الدول الغربية او العربية؟ المشكلة مش فى الفلوس يا آنسة، المشكلة فى إحساسك انك من البداية عندك شك ويمكن يقين انك مش هتاخدى تاشيرة.

 

[Hoba Popa]

السفر بيكون حجز طيران + اوتيل+ فلوس تحولها لعمله اجنبيه علشان تصرفها هناك وكلنا عارفين الجنيه قيمته ايه فازاي السفر رخيص

 

[Eslam Mansour]

هو الموضوع نسبة وتناسب الغني مش هيفرق معاه 10 او 20 او حتي 50 ف ده شايف العملية سهلة جدا و فى ناس عارفة ان ال 20 يفرقوا معاها بس يعرفوا يجبوهم ويسافروا ويتمتعوا وفى ناس تانيه لو اعد عمرها مش هتعرف تحوش 20 الف.....على رأيي المثل على قد لحافك مد رجليك وفى النهاية ارزاق وربنا يوسع رزقنا ويرزقنا كلنا ونحقق احلامنا

 

[Randa Mahmoud]

الغالي بالنسبالك رخيص بالنسبة لحد تاني حوشي و روحي اسوان بالف و نص انا لسة راجعة و احلي من بلاد برا و هيجي وقت و ربنا يكرمك و تلفي الدنيا

 

[Hossam Mohamed]

هو رخيص لواحد مثلا مرتبه الشهرى 10 الاف جنيه فيما فوق ساعتها مش هتفرق معاه تعويم ولا غرق للجنيه انما كام واحد فى مصر مرتباتهم بتوصل ل 10 الاف جنيه وبخص بالذكر الشباب !!!!! الريال السعودى والدرهم الاماراتى حاليا عدوا ال 5 جنيه مصرى يعنى مثلا انا ابن عمى شغال فى الامارات وراتبه حوالى 4 الاف درهم اماراتى ومكنش عاجبه ومش مبسوط ......المبلغ ده قبل تعويم الجنيه كان يساوى حوالى 9 الاف جنيه مصرى انما دلوقتى المبلغ ده يساوى 20 الف جنيه مصرى او اكتر !!!! طبعا هو وغيره من المصريين المقيمين فى الخارج استفادوا جدا من تعويم الجنيه انما المواطن المصرى اللى داخل مصر وضعه كارثى بمعنى الكلمة والغالبيه العظمى دلوقتى شايفين ان السفر كسياحه اصبح شىء من الخيال لكن نصيحتى لاى شاب مصرى لسه متخرج وعنده احلام وطموحات نصيحتى ليك ابنى مستقبلك بره مصر لو فعلا عاوز تحقق شىء كويس لنفسك اخرج بره مصر واشتغل واعمل لنفسك كارير محترم وبعد كده ارجع مصر تانى لو عاوز .

 

[Ahmed Mansour]

بعيدا عن بهدلة الجنيه والتعويم مع السفر انسب حل الايام دي بالنسبة للاسعار والمعيشة عموما انك تدوري انك تشتغلي فريلانسر ع النت وتقبضي بالعملة الصعبة عشان تريحي دماغك من حوار الجنيه والدولار والكلام ده سواء بقى حتسافري ولا لا