اهل الجروب الجميل ده لو الواحد اخد رفض تأشيرة...

[Khaled Abdelrahman]

اهل الجروب الجميل ده
لو الواحد اخد رفض تأشيرة شنجن بيتختم على الباسبور رفض ولا بيرجع الباسبور بدون ختم .

 

[M'am Duaa]

لا بياخد reject

 

[M'am Duaa]

بيتحط علامة رفض وما ينفعش تقدم تاني غير بعد 4 شهور

 

[Ahmed Shalaby]

انا اخدت رفض من اسبانيا ومتعمليش اي حاجه علي الباسبور وادوني ورقه فيها سبب الرفض وإني اقدم اللتماس

 

[M'am Duaa]

معرفش بقا بس الراجل بتاع المكتب قالنا كدا

 

[Ahmed Shalaby]

لا عادي محصلش معايا كده و كان ممكن اقدم تاني بس اصلح سبب الرفض

 

[Osama Mohamad Mohamad]

بيتختم على باسبورك ومينفعش تقدم غير بعد 6 شهور ، وأحيانا مش بيختم رفض لو عايز يديك فرصة تظبط ورقك وتقدم تاني عشان بيكون سبب الرفض بسيط ...نصيحة لوجه الله قدم في سفارات مش مشهورة روح سفارة زي لاتافيا وغيرها

 

[Kareem Adel]

يا فندم أنا لسه واخد رفض من فرنسا من أسبوع و متختمليش في الباسبور و كلمت TLS contact قالي ممكن تقدم تاني يوم لو تحب و مافيش حاجه اسمها بعد أربع شهور ولا حاجه

 

[Aya Soliman]

رفض والباسبور بيبقي فاضى

 

[Kareem Adel]

أيوه بيبقي فاضي وبيحطوا في الظرف ورقه متعلم فيها سبب الرفض

 

[Ahmed Soliman]

يا جماعة بس للتوضيح،،،
فى بعض سفارات اوربا اول ما الباسبور بيدخل السفارة بيبقى عليه ختم انه دخل السفارة ، بيبقى عليه بيانات ان الباسبور اتسلم ليهم،،، بعد كدة لو الفيزا ماتخدتش، الختم بيبقى زى علامة انها ماتخدتش، لان عادة الفيزا بتتلزق على الختم لو اتاخدت،،،
الحاجة التانية والاهم ،،، انك تقدم فى سفارة فى اوربا ، السفارة التانية بتقدر تبص على البيانات على السفارات التانية لان السفارات التانية بحسب الاتفاقيات عندها صلاحية اطلاع على السفارات التانية بيبقى باين فى ال system انك قدمت قبل كدة فين واترفضت ليه ،،، بس الموضوع كله ازاى تثبت لهم انك راجع تانى . وفى بردو تفاصيل بقى الله اعلم بيها

 

[Moh Mah]

بيبقي ختم زي ده ومش في كل السفارات

 

[Khaled Abdelrahman]

والله كلكم ناس فى منتهى الاحترام والتعاون
بس انا شايف تباين اراء
يبدو ان كل سفارة بنظامها

 

[Khaled Abdelrahman]

طب لو لم يختم ووضعوا ورقة ينفع يقدم تانى فى مدة سته شهور ولا لازم يتم سته شهور.

 

[Taher Derbala]

على ايامى انا من 5 سنين كان فيه ختم انا اخدت ختمين على الباسبور زمان

 

[Adam Spain]

لا معدشى اختان علىوالباسبورات

 

[Adam Spain]

من سنه معدوش بيختمم خالص

 

[Antoun Khalil]

من واقع رفضي مرتين شنجن بلا فخر "اسبانيا و اليونان"
بيختموا ختم دخول و فيه نوع الفيزا "c" .. لو خدتها بيلزقوا الاستيكر ع الختم ..مخدتهاش بيفضل مشرف في الباسبور
و للعلم في المرتين كان ورقي كله سليم و حساب بنكي فوق ال٢٠٠ الف جنية .. و مسافر امريكا قبل كده

 

[Adam Spain]

كان زمان موضوع الختم ده

 

[Alfy Michel Youssef]

مبيتختمش وبيسجل على السيستم عنده