H
Hisham Ahmed
:: مسافر ::
هونج كونج (الجزء الثالث)
أنا كنت ناوى أكمل الجزء الثالث بالكلام على المواصلات ولكن ناس كتير أوى عمالة تسألنى ....ايه بقى اللى ممكن يتعمل فى البلد اللى انت واجع دماغنا بيها بقالك كتير دى.
خلينى اقولك مبدئيا كده لا هى فيها حاجات كتير تتعمل وفعلا تستحق الزيارة وفيها سياحة كتير جدا جدا.
طيب قبل ما تكلم معاك عن اللى هيتعمل هناك ...سؤال مهم جدا جدا هو الفسح والأماكن اللى هقولك عليها دى
احجزها من على النت فى مصر ....ولا لما أوصل هناك ؟؟؟؟؟؟
أنا رأى إنك تحجزها من هنا على النت أحسن بكتير جدا ....ليه بقى ؟؟؟؟
اولا هتقلل الفلوس الكاش اللى هتخدها معاك كتير ....طيب ممكن حد يقولى طيب ما أروح هناك وأحجزها كريدت
ماشى طيب لو حصل اى حاجة مخلتش الكريدت يشتغل هناك ...وارد عادى وحصلت مع ناس كتير
هتضطر تحجز كاش وتقلل الفلوس اللى معاك وتبقى قاعد متوتر طول السفرية لحسن الفلوس تخلص
طيب متريح دماغك واحجز من هنا خاصة انها نفس الفلوس اللى هتدفع
أول حاجة هكلمك عنها فى هونج كونج فيكتوريا هاربور أو ميناء فيكتوريا وده هتشوف منه الصورة اللى فى خيالك عن هونج كونج اللى بتيجى فى كل الأفلام اللى بتبقى واقف على الميه وشايف ناطحات السحاب الناحية الثانيه .
طيب بكام ؟؟ببلاش يعنى إنزل بس محطة المترو واتمشى هناك براحتك محدش هيقولك هات مليم
بعد ما شوفت هونج كونج من على الميناء لازم تشوفها من قلب المياه هتفرق يعنى ...طبعا
هتطلع على فى محطة اسمها Central هتدور على كلمة Central pier أو Star ferry وتروح لحد Pier 7
تركب المركب من هناك ب HK$95 ...الرحلة ساعة بتتفرج فيها على معالم هونج كونج من الميه مع تعليق على
كل معلم بالانجليزى.
بعد كده عندك ديزنى لاند ومحدش يسأل أعمل فيها ايه عشان اللى يتشاف هناك بيتحس بس ومبيتحكيش.
ودى تقريبا أغلى تذكرة هتدفعها ب 539 هونج كونج دولار.
بعد كده تروح على أحلى مكان فى هونج كونج اللى هو Victoria Peak
بتروح الاول تركب الترام من Victoria peak tram terminal ....هيفضل يطلع بيك لحد
ما توصل لأعلى نقطة فى هونج كونج وهتشوف منظر مهما روحت فى أيه حته فى العالم بعد كده هيفضل المنظر ده مرسوم فى خيالك من جماله ....القصة دى بحوالى 45 هونج كونج دولار .
خش بقى على التلفريك وجماله هتروح تركب من محطة اسمها nagong ping
أطول مسار لخط تلفريك فى العالم اللى هو واصل هونج كونج بلنتاو ايلند وده بقى وهم فعلا
هتفضل تتطلع بالتلفريك لحد ما هتخش جوه السحاب حرفيا ....بص بقى يا سيدى وانت بتحجز هتلاقى فيه حاجه اسمها Stranded cabin وفيه Crystal Cabin احجز الكريستال لان دى الارضية بتاعتها شفافة وهتبقى شايف تحت رجلك الميه وانت بتعدى من فوقها ....جاجه كده وهم وب 255 دولار هونج كونجى والفرق بينها وبين الستاندر مش كبير ودى اخر حاجه هتدفعها فى اليوم ده عشان هتوصل الجزيرة لنتاو دخولها ببلاش ودى عبارة عن مكان كده للبوذيين فى تانى أكبر تمثال لبودا فى العالم وشوية معابد كدا بس مكان لذيذ جدا .
نيجى بقى لرقم واحد فى هونج كونج ...ده بقى أمتع يوم , اكتر يوم فيه فرهده ....أوشن بارك
المفأجاه اللى اتفجئت بيها هناك ان المكان ده أحلى بكتير من ديزنى لاند ومش معروف لناس كتير ...أى حد بيروح هناك بيبقى بيجرى على ديزنى لاند أول حاجه عشان بي يبقى اسموا دخل ديزنى ...المكان ده فعلا أحلى بكتير أوى وفيه كمية حاجات بتتعمل عشان كدا لازم تروح بدرى جدا عشان تلحق تخلصوا عشان انا ملحقتش من كتر الحاجات اللى هناك
تلفريك هتلاقى ...حيوانات كتير هتلاقى ....أحواض سمك هتلاقى ....ألعاب طبعا بالهبل ....وعملين مكان كدا اسموا Old Hong Kong المكان ده حلو اوى
عاملين مصغر لهونج كونج القديمة أيام مكان الإنجليز محتلينها
المكان خيالى ...خد معاك ازايز ميه فاضيه عشان تملى ميه ساقعة ببلاش من هناك لانك لو معملتش كدا هتشترى ازازة ميه كل نص ساعة من كتر اللف وبالذات للناس اللى ناويه تروح فى الصيف ....التذكرة ب 438 هونج كونج دولار .
انا حططلكوا خرايط للاماكن اللى قولتلكوا عليها مع شوية صور ليها ولو حد عندوا أسئلة فى الكومنتات .
يا رب تكونوا استفدوا
أنا كنت ناوى أكمل الجزء الثالث بالكلام على المواصلات ولكن ناس كتير أوى عمالة تسألنى ....ايه بقى اللى ممكن يتعمل فى البلد اللى انت واجع دماغنا بيها بقالك كتير دى.
خلينى اقولك مبدئيا كده لا هى فيها حاجات كتير تتعمل وفعلا تستحق الزيارة وفيها سياحة كتير جدا جدا.
طيب قبل ما تكلم معاك عن اللى هيتعمل هناك ...سؤال مهم جدا جدا هو الفسح والأماكن اللى هقولك عليها دى
احجزها من على النت فى مصر ....ولا لما أوصل هناك ؟؟؟؟؟؟
أنا رأى إنك تحجزها من هنا على النت أحسن بكتير جدا ....ليه بقى ؟؟؟؟
اولا هتقلل الفلوس الكاش اللى هتخدها معاك كتير ....طيب ممكن حد يقولى طيب ما أروح هناك وأحجزها كريدت
ماشى طيب لو حصل اى حاجة مخلتش الكريدت يشتغل هناك ...وارد عادى وحصلت مع ناس كتير
هتضطر تحجز كاش وتقلل الفلوس اللى معاك وتبقى قاعد متوتر طول السفرية لحسن الفلوس تخلص
طيب متريح دماغك واحجز من هنا خاصة انها نفس الفلوس اللى هتدفع
أول حاجة هكلمك عنها فى هونج كونج فيكتوريا هاربور أو ميناء فيكتوريا وده هتشوف منه الصورة اللى فى خيالك عن هونج كونج اللى بتيجى فى كل الأفلام اللى بتبقى واقف على الميه وشايف ناطحات السحاب الناحية الثانيه .
طيب بكام ؟؟ببلاش يعنى إنزل بس محطة المترو واتمشى هناك براحتك محدش هيقولك هات مليم
بعد ما شوفت هونج كونج من على الميناء لازم تشوفها من قلب المياه هتفرق يعنى ...طبعا
هتطلع على فى محطة اسمها Central هتدور على كلمة Central pier أو Star ferry وتروح لحد Pier 7
تركب المركب من هناك ب HK$95 ...الرحلة ساعة بتتفرج فيها على معالم هونج كونج من الميه مع تعليق على
كل معلم بالانجليزى.
بعد كده عندك ديزنى لاند ومحدش يسأل أعمل فيها ايه عشان اللى يتشاف هناك بيتحس بس ومبيتحكيش.
ودى تقريبا أغلى تذكرة هتدفعها ب 539 هونج كونج دولار.
بعد كده تروح على أحلى مكان فى هونج كونج اللى هو Victoria Peak
بتروح الاول تركب الترام من Victoria peak tram terminal ....هيفضل يطلع بيك لحد
ما توصل لأعلى نقطة فى هونج كونج وهتشوف منظر مهما روحت فى أيه حته فى العالم بعد كده هيفضل المنظر ده مرسوم فى خيالك من جماله ....القصة دى بحوالى 45 هونج كونج دولار .
خش بقى على التلفريك وجماله هتروح تركب من محطة اسمها nagong ping
أطول مسار لخط تلفريك فى العالم اللى هو واصل هونج كونج بلنتاو ايلند وده بقى وهم فعلا
هتفضل تتطلع بالتلفريك لحد ما هتخش جوه السحاب حرفيا ....بص بقى يا سيدى وانت بتحجز هتلاقى فيه حاجه اسمها Stranded cabin وفيه Crystal Cabin احجز الكريستال لان دى الارضية بتاعتها شفافة وهتبقى شايف تحت رجلك الميه وانت بتعدى من فوقها ....جاجه كده وهم وب 255 دولار هونج كونجى والفرق بينها وبين الستاندر مش كبير ودى اخر حاجه هتدفعها فى اليوم ده عشان هتوصل الجزيرة لنتاو دخولها ببلاش ودى عبارة عن مكان كده للبوذيين فى تانى أكبر تمثال لبودا فى العالم وشوية معابد كدا بس مكان لذيذ جدا .
نيجى بقى لرقم واحد فى هونج كونج ...ده بقى أمتع يوم , اكتر يوم فيه فرهده ....أوشن بارك
المفأجاه اللى اتفجئت بيها هناك ان المكان ده أحلى بكتير من ديزنى لاند ومش معروف لناس كتير ...أى حد بيروح هناك بيبقى بيجرى على ديزنى لاند أول حاجه عشان بي يبقى اسموا دخل ديزنى ...المكان ده فعلا أحلى بكتير أوى وفيه كمية حاجات بتتعمل عشان كدا لازم تروح بدرى جدا عشان تلحق تخلصوا عشان انا ملحقتش من كتر الحاجات اللى هناك
تلفريك هتلاقى ...حيوانات كتير هتلاقى ....أحواض سمك هتلاقى ....ألعاب طبعا بالهبل ....وعملين مكان كدا اسموا Old Hong Kong المكان ده حلو اوى
عاملين مصغر لهونج كونج القديمة أيام مكان الإنجليز محتلينها
المكان خيالى ...خد معاك ازايز ميه فاضيه عشان تملى ميه ساقعة ببلاش من هناك لانك لو معملتش كدا هتشترى ازازة ميه كل نص ساعة من كتر اللف وبالذات للناس اللى ناويه تروح فى الصيف ....التذكرة ب 438 هونج كونج دولار .
انا حططلكوا خرايط للاماكن اللى قولتلكوا عليها مع شوية صور ليها ولو حد عندوا أسئلة فى الكومنتات .
يا رب تكونوا استفدوا