جماعة لو سمحتم ممكن تساعدوني في تظبيط رحلة شهر...

[Heba Elrakhawy]

جماعة لو سمحتم ممكن تساعدوني في تظبيط رحلة شهر العسل في المغرب؟ لاقيت تيكتس في الوقت المناسب لينا أنا عايزة أروح طنجة وشفشاون .. بس التيكتس أرخص حاجة رايحة كازابلانكا فممكن أتحرك من هناك بحاجة وأقضي ليلة مثلا مش عارفة عايزة حد يساعدني عشان محتاسة .. كمان ايه الحاجات اللي مينفعش أفوتها؟ نصايح وتيبس وكدة .. #المغرب

 

[Enass Attia]

كان فيه كذا حد كتب عن المغرب في الجروب اعملي سيرش عن المغرب داخل الجروب وحتلاقي كل اللي كتب عنها واسأليهم

 

[Heba Elrakhawy]

شوفت فعلا بس مفيش تفاصيل كتير كلها بتقول أن المغرب حلوة، هي تحفة جدا بس ازاي وفي وبكم هي دي الفكرة

 

[Mostafa Mohamed]

أنت لما بتوصلى مطار كازا فى محطة قطر جوة المطار بتقدرى تروحى منها اى مدينة تانية حتى لو حتبدلى بين القطارات او حتروحى أقرب مدينة ليها بالقطر و تكملى بمواصلات تانى الموضوع سهل متقلقيش

 

[Mostafa Mohamed]

انا كنت هناك فى نوفمبر اللى فات
بس طبيعة كل رحلة بتختلف ركزى على تجارب الناس اللى قضت شهر عسل هناك حيفيدوكى اكتر
انا رحت 5 محافظات هناك مش من بينهم طنجة ولا شيفشاون لكن كان نفسى اروحهم هما واجادير و تطوان بس اجازتى خلصت المرة الجاية ان شاء الله
ماتشيليش هم فى المغرب حتستمتعى باذن الله تماما البلد جميلة جدا

 

[سكينة صفادي]

راسليني ف البرايفيت

 

[Maha Rakha]

انزلي في كازابلانكا و اركبي القطر لطنجة و من طنجة توصلوا شفشاون
و مانصحكيش بكازابلانكا خالص الجمال كله في مراكش و الصويرة و حتي الرباط جميلة

 

[AymAn Maart]

Call me I can help u ... I am a travel agent and iam travelling to Morocco next March 01023564874

 

[Mariem Ouaali]

ممكن تاخدي القطار من المطار لطنجة... كازابلانكا كفاية عليها يوم واحد
لكن بما انك جاية المغرب لازم تزوري مراكش هي مش بعيدة عن كازا 3 ساعات بالقطار

 

[Red Eagle]

انتى ممكن تعدى يومين او تلاته فى كازا ومنها تزورى المدن القريبة منها بالقطار زى المحمدية والرباط وبعد كده تروحى الشمال على طنجة والمدن المجاورة ليها

 

[Ehsan Mohamead Wageah]

بصي لو هتروحي من كازابلانكا لطنجة في قطر تقريبا6 ساعات لطنجة
لكن لو هتروحي شفشاون هتاخظي قطر لمكناس و من مكناس تاخدي grand taxi لشفشاون

 

[Latiali Mohmed Rida]

طنجة شفشاون حلوين انصحك تزوري افران سويسرا المغرب ممكن تتحركي عادي من كازا لاي مكان تاني بالقطر او الباص و كمان اظن كازا بتعجب المصريين بس انت رحلتك كم يوم

 

[Morena Kaci]

كازاا عاصمة اقتصادية مش تلاقي فيها حاجة انا بأحب طنجة، مراكش

 

[Ibrahim Nagy]

تطوان بالنسبالي احلى كتير من طنجه و كمان لو حتروحي في الصيف في شواطئ كتير جنبها زي المارتيل شواطيء جميله جدا وكمان تطوان اقرب لشفشاون. الاقامه كمان ارخص وانضف من طنجا

 

[Lamairia Sf]

المهم انني انصحكي عند ذهابكي ان لا تستعيني بمساعدين او موجهين من الشارع لان الاحتيال هناك كثير، بالاضافة الى الحذر عند شراء أغراض من الاسواق الشعبية هناك وهي كثيرة لان فيها الكثير من الاحتيال ، باقي الأشياء فان المغرب رائعة وممتعة و شوارعها مليئة بعروض السحرة ، الأفاعي وأسواقها تحتوي على الكثير من عروض الموهوبين

 

[Latiali Mohmed Rida]

مفيش كﻻم الاحتيال و الاسواق شعبية حلوة و منظمة و وجهة سياح المفضلة الحاجة الوحيدة لحقولك فاصلي فالاسعار زي مبنفاصل احنت وﻻد البلد انا مغربية و مفيش الكﻻم ده المغرب بﻻد حلوة و جمبلة وامنة و ناسهااهل كرم مش حتحتاجي مرافق و ﻻ حاحة

 

[Latiali Mohmed Rida]

 

[Latiali Mohmed Rida]

دي اكثر الاسواق شعبية فواحدة من اصغر المدن المغربية لممكن نقول عنها مهملة

 

[Lamairia Sf]

أحب كثيراً الألبسة التقليدية التي تباع هناك خاصة الانعال الجلدية ذات الصناعة اليدوية

 

[Heba Elrakhawy]

جميل أوي، لو عايزة أشتري قفطان مغربي ونعل مصنوع يدوي تقريبا في حدود كم درهم عشان ميتضحكش عليا؟