S
Sameh Radwan
:: مسافر ::
بسم الله الرحمن الرحيم
تقرير رحلة ماليزيا
اولا :السفر نعمه من نعم ربنا توجب الشكر ان ربنا يسرها لك
ثانيا :كل الشكر للمهندس Bahaa Aldeen Farouk علي كل نصائحه وكل الشكر لكل شخص قدم معلومه او نصيحة او اقتراح في موضوع السفر فمن لم يشكر الناس لم يشكر الله
السفر مش صدفه ولا فكرة طارئه ...السفر تخطيط وتنظيم ودراسه وخطه يديله ومبلغ مجنب للطوارئ بالعربي كده ده امتحان و النتيجة بتعرفها لما ترجع وتشوف انت نجحت بنسبه كام في المائه في اللي انت خططته
يلا بينا بقي
ماليزيا مش دوله بتزورها ...ماليزيا حالة بتعيشها
الترانزيت حاول تخليه مده طويله وتشوف مع شركة الطيران امكانيه حجز فندق وتأشيرة مؤقته ده بيحقق حاجتين زيارة دوله اضافيه ...وجود تأشيرة علي جاوز سفرك مده كافيه للراحة (خصوصا لو معاك اسرتك وفيها اطفال )
اعمل حسابك دايما في عملة دوله الترانزيت لأنك هتحتاجها هتحتاجها (تغير العمله في المطارات بيخسر كثير)
وصلت مطار كوالا بالسلامه ونزلت من الطياره هتلاقي نفسك بتفكر في حاجتين هاعمل ايه دلوقتي و هاروح الفندق ازاي
هتعمل ايه ديه هتلاقي يفط مكتوب عليها ب 3 لغات منهم العربيه هتتحرك ازاي في المطار وهتعمل ايه وعادي جدا انك هتلاقي قطار تركبه ينزلك عند مكاتب التأشيره (شبابيك للماليزيين و شبابيك للاجانب ) خلصت التأشيره هي في الغالب 90 يوم و استلمت شنطتك وخارج من المطار
عندك حلين (الاول تطبيق اسمه grab وده له دور محوري في رحلتك او مكاتب الخدمه داخل المطار )
التطبيق زي اوبر كده بس ارخص لو معاك اسره و شنط كثير هتخش علي مكتب الخدمه تاخد ميني فان وتفاصل بتبلغه اسم الفندق وهو يقولك السعر و بتفاصل لغايه 20 في المائه مثلا
بالنسبه للفندق اغلب ال check in بيبقي الساعة 3 فلو طيارتك هتوصل بدري فالافضل تبعت ايميل للفندق من قبلها لتنسيق ال early check in واختيار الفندق لازم تشوف موقعه ومدي قربه من اماكن المزارات و محطات المونوريل (المترو المعلق)
انا كنت نازل في فندق اسمه wp hotel في منطقه هادئه و لو عندك النيه لزيارة لنكاوي او بينانج والعودة لكوالا مرة اخري فلازم تتأكد ان الفندقةفيه خدمه luggage storage (تخزين الامتعة)
بروجرامك تحضره قبل ما تسافر وتنفذه فور الوصول (نصيحة ابدأ بالمناطق البعيده الاول )
جنتنج هايلاند لو شباب كفايه عليها من 4 الي 5 ساعات لو اسرة ممكن تزود ساعة او اتنين تنزل محطة kl sentral الدور اللي تحت هتلاقي موقف الباص تحجز ذهاب و عوده علشان ما تتسوحش (طيب حبيت تطلع بسياره عن طريق grab اتفق مع السواق يعديك علي باتو كيف batu cave وانت رايح لمده 20 دقيقه وتبقي تظبطه في الrateواول لما توصل جينتتج تحجز باص العوده و بعدين تنطلق بالتلفريك (جنتنج مع باتو كييف كفيلين باستنذاف الطاقه لهذا اليوم ) من 9 صباحا حتي 6 مساءا
صنواي لاجون ديه اكوا بارك و حديقه حيوان مصغره و حاجات كثير كده ممكن ما تلحقش تخلصها خلال اليوم من 10 ص الي 6 مساءاو جنبها مول حلو كده تطلع من الاكوا تخش عليه تعمل شوبنج صغير و تروح ( جميع المولات بتفتح 10 ص الي 10 مساءا ) طيب مالكش في الشوبنج تطلع من صنواي علي i city وتبقي ضربت عصفورين بحجر واحد ( متحف الشمع و snow walk و الحديثة المضيئه ) و انشطه تانيه
لما تروح تزور برجين التوأم محطه klcc عندك الاكواريوم حوالي ساعتين و بعده تخش petro sains مدينه العلوم حاجة كده روعه للكبار والاطفال من (10 سنوات كده) حوالي ساعتين ونص برضه و بعدين تنزل علي النافورة الراقصه و تركب المترو وتنزل علي jalan betalin المدينه الصينيه china town شويه هدايا تذكاريه وتحقيق هوايه واشباع رغبه الفصال عند المصريين تبدأ من الربع وتزود وتسيبه وتمشي ندهلك تنجز نفضلك يبقي مش محقق ربحيه وساعتها الامر يرجعلك في قرار الشراء
التجول في شوارع كوالا متعه لوحده والتعامل مع اهل البلد مريح نفسيا وبلاش بعد 11 بالليل لوجود بعض سكان الشوارع (مسالمين جدا) بس وارد تشوف مناظر غير لائقه للاسرة او للسيدات الافاضل
اشارات المرور هتلاقي زرار في عامود الاشاره تدوس عليه يعجل بفتح الاشاره للمشاه (شوفته مرتين اوتلاته )
لازم تخطف رجلك كده لحد bukit pentang شارع العرب تتمشي تتعشي تتمسج و تغير عمله من الصرافه اللي جنب ماكدونالد افضل سعر عن اكثر من تجربه مش اللي فيها ويسترن يون
ونتابع بكره الي قطعه من الجنه في الارض اسمها لنكاوي
اشوفكم غدا باذن الله
تقرير رحلة ماليزيا
اولا :السفر نعمه من نعم ربنا توجب الشكر ان ربنا يسرها لك
ثانيا :كل الشكر للمهندس Bahaa Aldeen Farouk علي كل نصائحه وكل الشكر لكل شخص قدم معلومه او نصيحة او اقتراح في موضوع السفر فمن لم يشكر الناس لم يشكر الله
السفر مش صدفه ولا فكرة طارئه ...السفر تخطيط وتنظيم ودراسه وخطه يديله ومبلغ مجنب للطوارئ بالعربي كده ده امتحان و النتيجة بتعرفها لما ترجع وتشوف انت نجحت بنسبه كام في المائه في اللي انت خططته
يلا بينا بقي
ماليزيا مش دوله بتزورها ...ماليزيا حالة بتعيشها
الترانزيت حاول تخليه مده طويله وتشوف مع شركة الطيران امكانيه حجز فندق وتأشيرة مؤقته ده بيحقق حاجتين زيارة دوله اضافيه ...وجود تأشيرة علي جاوز سفرك مده كافيه للراحة (خصوصا لو معاك اسرتك وفيها اطفال )
اعمل حسابك دايما في عملة دوله الترانزيت لأنك هتحتاجها هتحتاجها (تغير العمله في المطارات بيخسر كثير)
وصلت مطار كوالا بالسلامه ونزلت من الطياره هتلاقي نفسك بتفكر في حاجتين هاعمل ايه دلوقتي و هاروح الفندق ازاي
هتعمل ايه ديه هتلاقي يفط مكتوب عليها ب 3 لغات منهم العربيه هتتحرك ازاي في المطار وهتعمل ايه وعادي جدا انك هتلاقي قطار تركبه ينزلك عند مكاتب التأشيره (شبابيك للماليزيين و شبابيك للاجانب ) خلصت التأشيره هي في الغالب 90 يوم و استلمت شنطتك وخارج من المطار
عندك حلين (الاول تطبيق اسمه grab وده له دور محوري في رحلتك او مكاتب الخدمه داخل المطار )
التطبيق زي اوبر كده بس ارخص لو معاك اسره و شنط كثير هتخش علي مكتب الخدمه تاخد ميني فان وتفاصل بتبلغه اسم الفندق وهو يقولك السعر و بتفاصل لغايه 20 في المائه مثلا
بالنسبه للفندق اغلب ال check in بيبقي الساعة 3 فلو طيارتك هتوصل بدري فالافضل تبعت ايميل للفندق من قبلها لتنسيق ال early check in واختيار الفندق لازم تشوف موقعه ومدي قربه من اماكن المزارات و محطات المونوريل (المترو المعلق)
انا كنت نازل في فندق اسمه wp hotel في منطقه هادئه و لو عندك النيه لزيارة لنكاوي او بينانج والعودة لكوالا مرة اخري فلازم تتأكد ان الفندقةفيه خدمه luggage storage (تخزين الامتعة)
بروجرامك تحضره قبل ما تسافر وتنفذه فور الوصول (نصيحة ابدأ بالمناطق البعيده الاول )
جنتنج هايلاند لو شباب كفايه عليها من 4 الي 5 ساعات لو اسرة ممكن تزود ساعة او اتنين تنزل محطة kl sentral الدور اللي تحت هتلاقي موقف الباص تحجز ذهاب و عوده علشان ما تتسوحش (طيب حبيت تطلع بسياره عن طريق grab اتفق مع السواق يعديك علي باتو كيف batu cave وانت رايح لمده 20 دقيقه وتبقي تظبطه في الrateواول لما توصل جينتتج تحجز باص العوده و بعدين تنطلق بالتلفريك (جنتنج مع باتو كييف كفيلين باستنذاف الطاقه لهذا اليوم ) من 9 صباحا حتي 6 مساءا
صنواي لاجون ديه اكوا بارك و حديقه حيوان مصغره و حاجات كثير كده ممكن ما تلحقش تخلصها خلال اليوم من 10 ص الي 6 مساءاو جنبها مول حلو كده تطلع من الاكوا تخش عليه تعمل شوبنج صغير و تروح ( جميع المولات بتفتح 10 ص الي 10 مساءا ) طيب مالكش في الشوبنج تطلع من صنواي علي i city وتبقي ضربت عصفورين بحجر واحد ( متحف الشمع و snow walk و الحديثة المضيئه ) و انشطه تانيه
لما تروح تزور برجين التوأم محطه klcc عندك الاكواريوم حوالي ساعتين و بعده تخش petro sains مدينه العلوم حاجة كده روعه للكبار والاطفال من (10 سنوات كده) حوالي ساعتين ونص برضه و بعدين تنزل علي النافورة الراقصه و تركب المترو وتنزل علي jalan betalin المدينه الصينيه china town شويه هدايا تذكاريه وتحقيق هوايه واشباع رغبه الفصال عند المصريين تبدأ من الربع وتزود وتسيبه وتمشي ندهلك تنجز نفضلك يبقي مش محقق ربحيه وساعتها الامر يرجعلك في قرار الشراء
التجول في شوارع كوالا متعه لوحده والتعامل مع اهل البلد مريح نفسيا وبلاش بعد 11 بالليل لوجود بعض سكان الشوارع (مسالمين جدا) بس وارد تشوف مناظر غير لائقه للاسرة او للسيدات الافاضل
اشارات المرور هتلاقي زرار في عامود الاشاره تدوس عليه يعجل بفتح الاشاره للمشاه (شوفته مرتين اوتلاته )
لازم تخطف رجلك كده لحد bukit pentang شارع العرب تتمشي تتعشي تتمسج و تغير عمله من الصرافه اللي جنب ماكدونالد افضل سعر عن اكثر من تجربه مش اللي فيها ويسترن يون
ونتابع بكره الي قطعه من الجنه في الارض اسمها لنكاوي
اشوفكم غدا باذن الله