مساء الخير مفيش اي حد اتجنن كده و سافر...

  • بادئ الموضوع بادئ الموضوع Sandy Twadres
  • تاريخ البدء تاريخ البدء
عرض العطلة
S

Sandy Twadres

:: مسافر ::
#1
مساء الخير
مفيش اي حد اتجنن كده و سافر الفلبين ؟ كله ماليزيا و تايلاند بس و الفلبين ظروفها ايه من حيث الاجرائات و الفيزا سهله زي ماليزيا و الاماكن السياحيه هناك و انا عرفت ان العمله اسمها بيسو و رخيصه ’ ارجو الافاده لو حد عنده برنامج حلو
شكرا ليكم :)
 
#2
التاشيره بتملى ابلكشين فى السفاره
وبتلزقى فيه صورتين شخصيتن .حجز طيران وفندق .وكشف حساب فيه 30 الف جنيه وينفع لو مفتوح من تلات ايام و 40 دولار وتطلعى ع 200 شارع دجله المعادى ...تدفعى 40 دولار وتروحى بعد خمس ايام تستلمى الباسبور بالتاشيره
ملحوظه 1 انا دفعت 385 جنيه قبل التعويم بتلات ايام وكان مكتوب 40 دولار او ما يعادلها بالعمله المحليه
2 فى الابلكشين هيطلب منك اسم حد فى الفلبين تبقى اكتب اى اسم واعملى عنوانه مانيلا وقولى انه مصرى متزوج فلبينه
خليك هاديه معاهم وهتلاقى 2 بيقبلوا الورق ست وراجل فلبينين خليك مع الست متفاهمه والراجل اللى هناك اضربيه قلمين عشان خاطرى
 
#3
الفلبين تحفة و رخيصة وفيها اماكن جميلة و الشوبنج هناك رخيص و الطبيعة مبهرة عندهم جزيرة وهم احنا بنسافر كتير ليها مانيلا و كلارك علشان انا بشتغل كابن كرو انا انصحك تروحي هناك :)
 
عرض العطلة
#7
سمعت اني مانيلا اعلي نسبة في اسيا في معدلات الجريمة طبعا ده كلام جوجل وكام بحث لكن انا شغال معايا فلبينين ناس طيبة جدا ومحترمين
 
#9
انا سافرت الفلبين بس انا روحت مانيلا و مكنتش مسافر من القاهره

انا حجزت علي خطوط كاثي باسفيك لاني كنت عاوز اروح هونج كونج الاول

المهم الفيزا بتاخد ٥ ايام عمل للمصريين
الابليكشن موجود علي موقع السفاره و يتم تقديم خطاب جهه عمل و حساب بنكي و حجز ذهاب و عوده و حجز فندق انا حجزت فندق اسمه red planet و ده في منطقه اسمها malate و ده قريب من السفاره الامريكية و شارع الامم المتحدة

المهم مانيلا مدينه زحمه جدا بالنسبه للمواصلات داخل مانيلا ممكن استخدام اوبر متوفر و مش غالي

الفسح مانيلا فيها مولات كتير لهواه الشوبنج

العمله اسمها بيسو الدولار بيساوي 47 بيسو

يتم تغير حاجه بسيطه من المطار و يتم التغير بعد كده من الصرافات في الشارع احسن لان الريت أعلي
انا غيرت من المطار الدولار ب ٤١ بيسو و من الصرافه كان ب ٤٨ بيسو
بالنسبه للاكل انا كنت بروح سوبر ماركت كبير في مانيلا اسمه روبنسون ده ذي كارفور حتلاقي كل حاجه متوفرة
انا كنت بأكل فواكه بس بسبب الحلال و الحرام

المهم الفلبين مش مانيلا
فيها جزيره روعه اسمها Palawan تحفه احلي من المالديف ممكن تروجها بطائره و ممن بال Ferry يااخد حوالي يوم في المياه

و في برده جزيره Cebu جميله جدا

و في جزيره بوركاي جميله برده و ممكن زيارتها بنفس ألطريقه

المشكله في الفلبين الجو زي اي مكان في شرق اسيا رطب جدا و شتاء

انا زرتها في اغسطس كان جو صعب قوي

نصيحه

الفلبين مش مانيلا
انا المره الجايه ان شاء الله مش حاقعد في مانيلا الا يوم واحد بس و هو يوم السفر

ملحوظه بالنسبه لمعدلات الجريمه في مانيلا
مانيلا فيها Homeless كتير قوي و كان في ناس كتير كده علي البحر و حتي كانوا جنب السفاره الامريكية فأي حد يخلي باله من حاجاته
 
عرض العطلة
#12
انا سافرت الفلبين حلوه جداااا
بس نصيحه لو هتروحي مانيلا اخرك فيها يوم او يومين لانها زحمه جدااااا اكتر من مصر بكتير والطريق اللي بيتاخد في عشر دقايق بياخدوه في ساعه ونص
في منطقه اسمها بوركاي دي فيها water activity حلوه قوي
في جزيره اسمها بالاون فيها مكان اسمه نيدو دي وهميه عامله زي مالديف كده دي تعتبر احسن جزيره واحسن مكان فالفلبين

بالنسبه للفيزا مقدرش افيدك قوي لان معايا باسبور اجنبي فبسافر بيه
 
#14
دي بلد زبالة ومفيش فيه اكل حلال وبياكلو خنزيروكلاب وبيشتغلو بالسحر والشعوذة ومفيش فيها امن ويقتلو بعض في الشارع عيني عينك..تايلاند وماليزيا احسن بكتير وخصوصا ماليزيا ارقي دولة في شرق اسيا
 
#15
851586_126361977548599_392107290_n.png
 
عرض العطلة
#16
والله فعلا يا ساندي الفلبين عاملة زي غرب افريقيا قاعدين في عشش ولا في مياة ولانور وكل شوية تجي عاصفة جوية تخد العشش اللي عاملينها
 
#19
انا خدت 14 يوم من 23 نوفمبر لغاية 8 ديسمبر ...ومشوفتش اللى انتوا بتقولوا عليه والفتى والهرى ده خالص ...هو حضراتكم بتتكلموا ع الفلبين ولا دوله تانيه ..
 
عرض العطلة
عرض العطلة
عرض العطلة
أعلى أسفل
عودة
قائمة