M
Moud Ezz
:: مسافر ::
دهـــــــــــــــــــب
انا روحت دهب مرة واحده بس فى نص ديسمبر قعدت اربع ايام بس، وكان معايا مراتي ف هاحكيلكوا عملت ايه
احنا حجزنا بنفسنا ف فندق red sea relax ع البحر ف منطقه اسمها اللايت هاوس علي الممشي..منطقة حيوية
غرفه ب ٤٠٠ جنيه ف اللليله بالفطار، ٣ نجوم ..كل فنادق دهب ٣ نجوم و فطار بس ماعدا فندقين تلاته بس صدقوني الفندق تحفه و مش هاتحتاج اي رفاهيه هناك عشان البلد بسيطة وهادية..فيه حاجات ارخص من كده كمان للشباب
البلد معظمها اجانب ضاربهم السلك و كلاب كتييير بس كلاب ودودة جدا، والاجانب تحس انهم عايشين او شغالين هناك.. السياحه هناك مش شغالة اوى زى الاول، بس الدنيا رخيصة جدا و جميلة يعني تروح اى سوبر ماركت تشترى اى حاجة بنفس سعر القاهرة مفيش اسعار سياحية
نبدا من الاول خالص، احنا طلعنا ملاكي انا وواحد صاحبي و زوجاتنا عشان نشير ف البنزين، كنت ماشي علي ١٢٠-١٤٠ ووصلنا ف ٧ ساعات..النفق وانت رايح بيبيقي ماشي و انت راجع هايقف شوية..ممكن طبعا تروح جوباص او طيران ( ارخص طيران النيل ممكن يعمل رايح جاى 1000 - 1100 جنيه )
وصلنا اول يوم تعبانين طبعا يادوب اتغدينا في كينج تشكن، بيعمل اكل بيتي حلو و رخيص..الفرد من ٥٠ ل ٧٠ جنيه واتمشينا شويه علي الممشي اللي هو قدام الفندق وروحنا.
دهب عامة بتنام بدرى عشان كله بيصحي الصبح يغطس و يسنوركل. فيه مكانين بس زحمه بالليل مطعم كنج تشكن و مطعم شارك اللي اتغدينا فيه تاني يوم..مطعم شارك ده احلي من سبكترا ب فيو تحفه و هاتدفع حسابك بس بدون خدمه او ضرائب او حتي تمن الشاي البدوى او السلطات... اما الاكل و الناس اللى شغالة رائعين..الطبق هناك من ٨٥ ل ١٢٠ جنيه الا اذا كنت هاتاكل سمك..السمك غالي ف دهب
المهم تاني يوم اتفقنا مع الفندق نطلع سنوركلنج ف بلو هول و ناخد مركب من بلوهول ل ابو جالوم ..كلفتنا بالغدا ١٦٠ جنيه الفرد بالمواصلات بالمركب بالغدا بإيجار عدة السنوركلنج (نضارة و زعاتف بس)..طبعا ممنوع الغطس ف بلوهول او ابوجالوم للمبتدئين. سنوركلنج بس.
كنت اول مرة أسنوركل, مع انى مش باعرف اعوم بس كانت تحفة, البحر الاحمر رااااااائع..شفاف جدا, و مليان شعب مرجانية و سمك ملون سبحان الله, كمان لو ناوى تغطس لازم تسنوركل الاول عشان تتعود تتنفس من بقك
احنا اتغدينا سمك ف ابوجالوم خيال علمي , ,اطعم سمك دقته ف حياتي (و رخيص جدا عن دهب نفسها) و هاتلاقى هناك سيناوية ممكن تشترى منهم حاجات مصنوعة يدويا, وتشرب شاي بدوى او تشترى العيش البدوى
تانى يوم بقي روحنا نعمل سنوركلنج ف حته اسمها ثري بوولز و عملنا سفاري ف وادى جوناي..الاتنين مع بعض ب ١٠٠ جنيه الفرد بس من غير غدا، السنوركلنج ف ثري بوولز ممتع جدا و البيتش باجي كان تحفه و ممكن تاجر جمل او حصان تتمشي بيه ع البحر .
واتغدينا بالليل سمك عند غريب كان جامد بس غالي ..السمك هناك غالي شويه. دفعنا ٨٠٠ جنيه احنا الاربعه
اخر يوم غطسنا ف اللايت هاوس ..أول مره اغطس و مش باعرف اعوم اصلا..ب ٢٨٠ جنيه للفرد لمده ٤٥ دقيقه تحت المياه..منتهي الجمال والابداع..واجرنا جو برو ب ١٠٠ جنيه.
الاسعار دي اغلي شويه من المحلات والاماكن اللي بتطلع رحلات..بس انا كنت حابب افضل مع الفندق اضمن
حاجة كمان مهمة. الطريق من السويس لدهب ايه ف الجمال..من احلي الحاجات ف الرحله.. الجبل مع البحر حاجة ساحرة.
بلدنا جميله اوى
اخر حاجة بقي..دهب حر بالنهار و ساقعة بالليل بس البحر دافئ ع طول.. دهب مايكفيهاش اسبوع، انا هاروح تاني اكتشف بقيتها.
انا روحت دهب مرة واحده بس فى نص ديسمبر قعدت اربع ايام بس، وكان معايا مراتي ف هاحكيلكوا عملت ايه
احنا حجزنا بنفسنا ف فندق red sea relax ع البحر ف منطقه اسمها اللايت هاوس علي الممشي..منطقة حيوية
غرفه ب ٤٠٠ جنيه ف اللليله بالفطار، ٣ نجوم ..كل فنادق دهب ٣ نجوم و فطار بس ماعدا فندقين تلاته بس صدقوني الفندق تحفه و مش هاتحتاج اي رفاهيه هناك عشان البلد بسيطة وهادية..فيه حاجات ارخص من كده كمان للشباب
البلد معظمها اجانب ضاربهم السلك و كلاب كتييير بس كلاب ودودة جدا، والاجانب تحس انهم عايشين او شغالين هناك.. السياحه هناك مش شغالة اوى زى الاول، بس الدنيا رخيصة جدا و جميلة يعني تروح اى سوبر ماركت تشترى اى حاجة بنفس سعر القاهرة مفيش اسعار سياحية
نبدا من الاول خالص، احنا طلعنا ملاكي انا وواحد صاحبي و زوجاتنا عشان نشير ف البنزين، كنت ماشي علي ١٢٠-١٤٠ ووصلنا ف ٧ ساعات..النفق وانت رايح بيبيقي ماشي و انت راجع هايقف شوية..ممكن طبعا تروح جوباص او طيران ( ارخص طيران النيل ممكن يعمل رايح جاى 1000 - 1100 جنيه )
وصلنا اول يوم تعبانين طبعا يادوب اتغدينا في كينج تشكن، بيعمل اكل بيتي حلو و رخيص..الفرد من ٥٠ ل ٧٠ جنيه واتمشينا شويه علي الممشي اللي هو قدام الفندق وروحنا.
دهب عامة بتنام بدرى عشان كله بيصحي الصبح يغطس و يسنوركل. فيه مكانين بس زحمه بالليل مطعم كنج تشكن و مطعم شارك اللي اتغدينا فيه تاني يوم..مطعم شارك ده احلي من سبكترا ب فيو تحفه و هاتدفع حسابك بس بدون خدمه او ضرائب او حتي تمن الشاي البدوى او السلطات... اما الاكل و الناس اللى شغالة رائعين..الطبق هناك من ٨٥ ل ١٢٠ جنيه الا اذا كنت هاتاكل سمك..السمك غالي ف دهب
المهم تاني يوم اتفقنا مع الفندق نطلع سنوركلنج ف بلو هول و ناخد مركب من بلوهول ل ابو جالوم ..كلفتنا بالغدا ١٦٠ جنيه الفرد بالمواصلات بالمركب بالغدا بإيجار عدة السنوركلنج (نضارة و زعاتف بس)..طبعا ممنوع الغطس ف بلوهول او ابوجالوم للمبتدئين. سنوركلنج بس.
كنت اول مرة أسنوركل, مع انى مش باعرف اعوم بس كانت تحفة, البحر الاحمر رااااااائع..شفاف جدا, و مليان شعب مرجانية و سمك ملون سبحان الله, كمان لو ناوى تغطس لازم تسنوركل الاول عشان تتعود تتنفس من بقك
احنا اتغدينا سمك ف ابوجالوم خيال علمي , ,اطعم سمك دقته ف حياتي (و رخيص جدا عن دهب نفسها) و هاتلاقى هناك سيناوية ممكن تشترى منهم حاجات مصنوعة يدويا, وتشرب شاي بدوى او تشترى العيش البدوى
تانى يوم بقي روحنا نعمل سنوركلنج ف حته اسمها ثري بوولز و عملنا سفاري ف وادى جوناي..الاتنين مع بعض ب ١٠٠ جنيه الفرد بس من غير غدا، السنوركلنج ف ثري بوولز ممتع جدا و البيتش باجي كان تحفه و ممكن تاجر جمل او حصان تتمشي بيه ع البحر .
واتغدينا بالليل سمك عند غريب كان جامد بس غالي ..السمك هناك غالي شويه. دفعنا ٨٠٠ جنيه احنا الاربعه
اخر يوم غطسنا ف اللايت هاوس ..أول مره اغطس و مش باعرف اعوم اصلا..ب ٢٨٠ جنيه للفرد لمده ٤٥ دقيقه تحت المياه..منتهي الجمال والابداع..واجرنا جو برو ب ١٠٠ جنيه.
الاسعار دي اغلي شويه من المحلات والاماكن اللي بتطلع رحلات..بس انا كنت حابب افضل مع الفندق اضمن
حاجة كمان مهمة. الطريق من السويس لدهب ايه ف الجمال..من احلي الحاجات ف الرحله.. الجبل مع البحر حاجة ساحرة.
بلدنا جميله اوى
اخر حاجة بقي..دهب حر بالنهار و ساقعة بالليل بس البحر دافئ ع طول.. دهب مايكفيهاش اسبوع، انا هاروح تاني اكتشف بقيتها.