حد فكر قبل كدا يزور ايلات او القدس مثلا هل...

[Mohamed Gamal Gemy]

حد فكر قبل كدا يزور ايلات
او القدس مثلا
هل فلسطين ليها سفارة ونقدر نطلع فيزا ولا من السفارة الاسرائيلية ؟

 

[Ahmed Reda]

انت اكيد بتهزر

بس عموما انت ممكن تزور اسرائيل بس فلسطين مش عارف

ولو عربي صعب شويه يوافقوا تنزل إسرائيل ك سائح

 

[Abd Al Hameed]

فلسطين بتدخلها من الاردن ..

 

[Malik Essam]

هتاخد علي باسبورك ختم اسرائيلي و دا معانا انك هتتحرم تخش الدول العربية

 

[Abdallah Elgherezy]

اعتقد تقدر تروحها من سيناء اما لو عاوز فيزا والكلام دا لازم إجراءات اسرائيليه وهتكون تحت سيطرتهم وتدفعلهم من الأخر بتعترف بيها كدوله عاصمة القدس

 

[Dalia Akmal]

هو ينفع تدخلها من الاردن انا سالت ففي الحوار دا بس الفكرة هتبقي بختم من اسرائيل و طبعا انت معرض للخضوع للانترفيو و الظابط يا يوافق يا لا بس في النهاية ختم من اسرائيل

 

[Doaa Yassin]

نفسى اروح المسجد اﻻقصى

 

[Mohamed Gamal Gemy]

يا جدعان دة مجرد سوال
هو انا هقوم ارتب شنطتى واسافر يعنى
ليه دخلتونى ف حوار انى معترف ب اسرائيل وبتاع

 

[Mohammed Abd Elkader]

اسرائيل دولة ليها سفارتها في كل البلدان العربية يعني تقدر تقدم على فيزتها وتدخل عادي وكان في شركة طيران مصرية بتروح ووقفت
دلوقتي المتاح هو انك تدخلها من الأردن أو تركيا
دول اقرب طيران متاح ليها

 

[Gogo Micho]

اسرائيل ممنوع دخولها الا بتصريح أمنى وده مش هايطلع لو سنك اقل من ٤٥ سنه من الاخر اما بخصوص الختم مابختموش الباسبور يعنى محدش هايعرف انك زورتها.

 

[Ashraf Ahmed]

فى شباب مصرى كتير بيشتغل فى اسرائيل
و مفيش اعتراف اكتر من السفارة نفسها
المشكلة فى النفخ اللى هيحصل لما ترجع

 

[Mahmod Mohamed]

أكيد لا

 

[Mahmod Mohamed]

انت عايز تخشها ليه اساسا

 

[داليا على نهر الحياء]

الاردن سفارة الاردن كان اروح للمسجد الاقصى خوفونى

 

[Sofia Elaraby]

انا فعلا فكرت أزور القدس ....ولكن للأسف عرفت ان هاخد ختم إسرائيلى

 

[Manal Essmat]

محبكش من قله البلاد

 

[Mohamed Gamal Gemy]

على كل حال انا مش قصدى اى حاجه بس اما نسافر لفسطين دة اكبر دليل على اننا معترفين بدولة فلسطين انما اما نكون كلنا سلبيين وخايفين ومستخبين ورا قناع انك تهاجمنى عشان مجرد سوال دة اكبر دليل انو عدم الاعتراف بدولة فلسطين وانا اسف انى الموضوع اتحول لسياسة وهمسح البوست

 

[Mohamed Gamal Gemy]

لينا حق ك عرب نلف كل دول العربية ليه الاجانب بس يدخلو بلادنا ونرحب بيهم لينا نفس الحقوق واكثر

 

[May Yousry]

بتقدم علي فيزا اسرائيل لكن لازم تكون ضمن مجموعه والمجموعه دي لها حد ادني كعدد ، وبتروح عن طريق الاردن وده اسهل واسلك واسلم طريقه . ومافيش اي أختام علي الباسبور لان التاشيرة بتبقي اون لاين او مطبوعه علي ورقه مش زي السفارات التانيه علي صفحه من الباسبور وختم الدخول بيديك كارنيه بدل ما يختم علي الباسبور .
بالنسبه للزيارة فأنا رايي الشخصي ان اقل واجب ناحية الفلسطنيين والمكان العظيم ده اننا نتضامن معاهم بالزياره مش اننا نتجاهلهم .