السلام عليكم يا شباب انا قصتى باختصار إنى قدمت...

[Abdelkhalek Saleh]

السلام عليكم يا شباب
انا قصتى باختصار إنى قدمت مرتين على فيزا المغرب سياحة وكنت مقدم كل الأوراق المطلوبة وحسابين واحد دولار والتاني مصرى
وطبعا السفارة المغربية ما بتقولش اى أسباب للرفض وبالتالى مش عارف أسباب أنهم يرفضونى إيه.
حد يقدر يفيدني يا شباب بالله عليكم.

الأوراق إللى كنت مقدمها:-

1-جواز سفر الوظيفة فيه ليسانس لغات وترجمة ألماني.
2-حساب بنكى بالمصرى وآخر بالدولار
3-حجز فندق..
4-تزكرة طيران ""مش حجز مبدئى"".
5-تأمين.
6-HR Litter بوظيفة مترجم براتب 3500 جنيها.

حد يقدر يقولى ايه الخطأ إللى عندى عشان انا تعبت من إللى بيحصل بدون تفسير دى.

 

[Moh Mah]

انت عاوز تسافر المغرب ليه ؟؟

 

[Mohamed Ramadan El Arga]

الوظيفة هيه السبب
كان لازم تقدم الباسبور فيه الوظيفة
كده هما حسوا انك معندكش نيه للرجوع

 

[EL Sadat MoHyi]

انا فعلا حصل قدامي موقف شهر اكتوبر الماضي امام سفارة المغرب بحي الزمالك ... ناس كتير تم قبولها و شخص سامعه بيكلم وتحد و يقوله انا اترفضت بسبب إجراءات أمنية ... فهما فعلا بيكون سبب الرفض عندهم امني ... لان الورق لو ناقص من البداية ما هيستلموا منك

 

[EL Sadat MoHyi]

في بلاد كسياحة افضل كتير صدقني ... فكر انك تغير وجهتك

 

[Alhussain Tawfiq]

هى مغرب بترفض جديده دى

 

[Mouhcine Elmaghribi]

انا باستغرب زيک ههههههه

 

[Mohammed Younes Junior]

نصيحتي روح لمكتب سياحة و اطلب منه يخلصلك التأشيرة طالما الموضوع مهم

 

[Dreemer Mazago]

أساسا انك تكتب فى خانة الوظيفة ب جواز السفر : حاصل على ليسانس / بكالوريوس ... دة بيخفض نسبة القبول النصف
كمان الجواز ابيض بدون أى تأشيرة. .. دة بيخفض لك نسبة القبول النصف الآخر
طيب تفسير الكلام دة☝☝اية:
كونك حاطط الوظيفة : حاصل على ليسانس، دة معناه انك بدون عمل وغالبا ها تهرب و تكسر الفيزا وأنك قادم للبحث عن وظيفة وليس للسياحة
و جواب HR بيكون الغرض منه بالدرجة الأولى معرفة دخلك وقدرتك على الإنفاق على رحلتك
اما فى حالة وجود الوظيفة فى الجواز : مترجم فى شركة ××× للسياحة مثلا ، دة معناه انك مؤمن عليك فى التأمينات الاجتماعية و لك وظيفة و راتب والا ما استطعت إضافة الوظيفة فى البطاقة الشخصية و جواز السفر
..
ثانيا : جواز سفر ابيض ب دون تأشيرة بيكون مثير للريبة ... خصوصا فى حالتك الوظيفية حاصل على ليسانس
أما لو كان على اى تأشيرة فذلك معناه انك ب تسافر و ترجع تانى

 

[Saso Adel]

كلمه حاصل علي دي لوحدها مشكله غير باسبورك واكتب الوظيفه والافضل انه يكون متامن عليك انا في شركه سياحه وبقابل كتير بيترفضوا بسبب حاصل علي تو حجز الاوتيل غير مؤكد

 

[Ibrahim Nagy]

لو عاوز تتجوز مغربيه خليها تعمل توكيل لحد من قرايبك في مصر عند واحد عدلي في المغرب وتوثقه من الداخليه والخارجيه و تبعتهولك مصر تتجوزها في المجمع او عند اي شهر عقاري جواز رسمي اسلامي و حتاخد فيزا عادي بعديها

 

[Dr-hossam Mohamed Nagi]

م

 

[Mohamed Ali Mahdy]

اعتقد رفض امنى بيبقى من عندنا فى مصر

 

[Wessam Salah]

ممكن ايزك يساعدوك في حوار الفيزه ده

 

[Arwa Alami]

https://www.anaqamaghribia.com/vb/f...لتفصيل-زواج-مصري-من-مغربية-بالمغرب-وايضا-بمصر