انا عايزة اسافر لتايلند بس كنت عايزه اسال...

[Mon Mon]

انا عايزة اسافر لتايلند بس كنت عايزه اسال الناس اللى راحت
هى البلد امان
يعنى لو سافرت جروب مع بنات بس هقدر اتحرك بامان وكده

 

[Gogo Micho]

طبعا امان جدا. الى يعيش فى مصر يمشى فى حته فى كوكب الارض. طبعا باستثناء دول الحروب

 

[Ahmed ElBakri]

أمان

 

[Ahmed El Araishy]

البلد امان عالاخر لان اغلب شعبها بنات او ولاد متحولين لبنات ، يعنى مفيش حاجه تخوف
الخوف هناك لو انتى ولد ، انا والله كنت خايف على نفسى هناك

 

[Amani Boujday]

طبعا امان جدا تايلند من احلى البلاد الي هتروحيها و موبايلاتنا و شنطنا كنا بنسيبها عالبحر و ننزل المية و نسيبها في المركب او مع السواق و عمرو مانقص من عندنا حاجة و ماحدش بيدايقك بكلمة ولا يعاكسك ولا يبصلك بصه اتكلي على الله ومش حتندمي

 

[Mon Mon]

انا متشكرررة جداااااا
تسلموا يارب

 

[Kassem Shaker]

هو خطاب جهه العمل لتايلاند بيتكتب فيها المرتب

 

[Ibrahim Omara]

مفيش مكان أمان في السرقه
اتسرق موبايلي في الصين وعليه كل داتا الشغل وتليفونات وعناوين
كوني حريصة على حاجتك
اي حاجه تانيه أمان جدا جدا
اعملي اللي انتي عايزاه محدش يبصلك الا في مصر

 

[Hisham Attia]

فى حفظ الله

 

[Mohamed A Ibrahim]

امان بس كلها قله ادب ومن وجهه نظرى متنفعش للعوائل ولا البنات .... روحو ماليزيا افضل

 

[Ahmad Abdelwanis]

الخوف هناك علي الرجالة مش علي البنات

 

[Ahmad Abdelwanis]

امان من ناحية ان مفيش حد هيعاكسكوا ولا هيضايقكوا بس من ناحية السرقة طبعا مفيش مكان سياحي امان خصوصا ان البلد اهلها فقرا جدا وكل الاماكن السياحية مكتوب فيها (احترس من النشالين) خصوصا بانجوك

 

[Mohamed Fawzy]

اه امان

 

[Suzy Gad]

خلى بالك من السرقة بس..غير كده هى امان جدا

 

[Mon Mon]

حاولوا تكتبوا امان ع اد ماتقدروا لان بابا هيشوف الكلام ده

 

[Bahaa Aldeen Farouk]

مع اني مش بحب أتدخل في الموضوع ده على الجروب بس رأيي من الاخر بما انها اول مره تسافروا و لو لوحدكم يبقى لازم تطلعوا رحله منظمه يعني يكون محجوز الرحلات و الانتقالات و كل الفنادق و الطيران و يكون معاكم برنامج منظم ساعه بساعه حتروحوا فين و تعملوا ايه , و كل يوم العربيه تجيلكم لحد الفندق معززين مكرمين تروحوا الرحله و ترجعوا تاني للفندق . بحيث ما تتعملوش تقريبا مع أي حد من الشارع و تكونوا معرضين لأي شيء مش لطيف و يكون برنامجكم منظم بالكامل . حيكون كل اللي عليكم تروحوا تستمتعوا و ترجعوا بالسلامه و بس . لو محتاجين مساعده تحت أمركم

 

[Amr El-mahdy]

هوه ده احسن اقتراح

 

[Mohamed Omar]

امان جدا وجميله وكانت رخيصه قبل التعويم

 

[Mohamed Mahmoud]

يعني ينفع جروب بنات يروح تايلاند
طيب هايروحوا فين في تايلاند
يا جماعه تايلاند عنوانها السياحه الجنسيه
تايلاند رقم 2 في العالم للسياحه الجنسيه
انتوا لو تفكروا في سياحه ثقافية هما مش عندهم اي ثقافه اطلاقا دول ناس الي الآن بيعبدوا الأصنام
لو سياحه شاطئية المياه هناك مش تيجي في نصف حلاوة مياه البحر الأحمر عندنا أو الساحل
لو جو حلو الجو هناك حر طول الوقت
أنا قولت اللي شوفته هناك ولا إيه رأيك كابتن Mohamed Omar

 

[Mohamed Omar]

تمام يا باشا كلامك صح.. بس انا بتكلم على بوكيت جميله جدا وبالنسبه لبانكوك هم ممكن يروحوا المولات ويعملوا شوبينج هناك ومش لازم يروحوا الاماكن اللى مش ولابد اللى تقصدها