تحديث: طيب هل ممكن تقديم مثلا عقد عربية أو...

  • بادئ الموضوع بادئ الموضوع Kholoud Ali Amer
  • تاريخ البدء تاريخ البدء
عرض العطلة
K

Kholoud Ali Amer

:: مسافر ::
#1
تحديث:

طيب هل ممكن تقديم مثلا عقد عربية أو شقة لو مفيش حساب بنكي كويس كنوع من تحسين الموقف للي مقدم ولا السفارات مبتاخدش بالكلام دة :)

أزيكم يا جماعة عندي سؤال مهم بلييييز..حد قبل كدة سافر بحساب في مكتب البريد مش في بنك؟ أنا عايزة استخدم الحساب بتاع بابا في تجهيز أوراق الفيزا بس هو عندة حساب في مكتب البريد من زمان مش في بنك ..هل ينفع ولا لازم بنك؟ شكرا ليكوا :)
 
#3
الفكرة في كشف الحساب انه يثبت ان الشخص عنده مقدرة مالية ودخل شبه ثابت في بلده فبالتالي مش هايروح يكسر الفيزا ويهرب (اللي بيعملها دايما حد مش لاقي ياكل في بلده)... فاظن لو البريد طلع كشف حساب وحركة الفلوس داخلة خارجة هايأدي نفس الغرض
 
عرض العطلة
#7
على ما افتكر كان فى حاجة زمان اسمها Travel checks , ممكن تشتريها من شركة توماس كوك ،، ويبقى معاكى إثبات ان معاكى مصاريف تكفى وقت الرحلة بتاعتك ، وهى عبارة عن شيكات بتستخدم كا سند مادى وممكن تتغير فى اماكن كتير فى العالم، الموضوع ده كان تقريباً من ٨ سنين وواحد صاحبى عمل الموضوع والسفارة مكنش عندها اى مشكلة ، وممكن لو تحبى تخلى السفارة تصدق انك ممكن تستخدمى حساب الوالد، اعتقد انك ممكن لو بابا يعملك توكيل بالحق فى استخدم مثلاً مبلغ معين لانك هاتبقى مسافرة ،
الموضوع على اعتقادى وخبرة شوية سنين السفر مدام الشكل للورق الى هما عايزينه مش موجود ممكن بطريقة انك تثبتلهم بس انك راجعة تانى ، مبيبقاش فى مشكلة ، بس ممكن تدورى على Travel checks ديه الاول ومعتقدش ان حساب البنك هايبقى ساعتها فيه مشكلة،
ربنا يوفقك
 
#8
انا شايف الردود معظمها مركزة علي نقطة القدرة المالية علي تغطية الرحلة ودا موضوع ثانوي من تقديم كشف الحساب . يا استاذه خلود حساب البريد حساب توفير حركتة محدودة من سحب او ايداع وبالتأكيد مفهوش حركة مشتريات لان علي حد علمي مفيش كارت بيطلع وبالتالي هيكون مجرد كشف فية معاملات محدودة من سحب وايداع كاش فقط . ودا يخلي موقفك ضعيف جدا لانه مش هيثبت او يوضح اسلوب حياتك المالية ودا المطلوب في السفارات .
 
#9
هو الحركة فيه كسحب وأيداع كبيرة لكن مافيش مشتريات بكارد طبعا لان دة مش متوفر طبعا في مكاتب البريد..لكن من ناحية الحركة ع الحساب فهي كبيرة وبيتم الايداع والسحب عليه بصفة شبة منتظمة
 
#10
تايلاند الهند تركيا روسيا اوكرنيا الفلبين الصين .لغاية السنه اللى فاتت ينفع فيهم كشف حساب مكتب بريد ...وبيطلع ب 20 جنيه ...مشكلته انه بيطلع عربى ..والحمد لله مفيش اى سفاره قالتلى ترجمه .غير الهند واتحججت انه معايا دعوه تجاريه ومشيت عادى ..دول اللى جربتهم وسمعت انه ممكن يطلع انجليزى بس من الفرع الرئيسى اللى فى القللى
 
عرض العطلة
#11
السفارات بتقبل كشف حساب البريد عادي أنا قدمت بيه قبل كداا وبياخدوه وبيطلع من المكتب الي في رمسيس وبيطلع أي لغة انت عاوزها و ٣٥ جنيه وبتستلمه نفس اليوم
 
#12
بالنسبة للعقود او اوراق ملكية الأصول احيانا بيتم قبولها . افتكر بريطانيا مثلا بتقبل اوراق زي كدة لكن كل سفارة ليها document check list لكل نوع ملف وبالتالي بياخدوا بس الاوراق المطلوبة وبيرفضوا ياخدوا اكتر منها .
 
#15
ينفع يا افندم حساب في دفتر البريد و بيطلع كشف حساب باللغة اللي حضرتك عاوزها من المكتب الرئيسي برمسيس .
و انا شخصيا حصلت به على فيزا شنجن اكتر من خمس مرات و فيزا إنجلترا كمان . و كنت بأقدم لهم كشف الحساب و صورة من الدفتر .
مافيش ان شاء الله اي مشكلة
 
عرض العطلة
#16
انا اعرف واحد سافر تايلاند بحساب توفير بريد بتاع والدته.
والنبي يا جماعه مش كل واحد يعمل فيها سفير و يقول ينفع او مينفعش من دماغه
 
#18
ينفع طبعا كشف حساب بريد .. وانا اعرف شخصيا اكتر من واحد خدوا تاشيرات شنجن وكانوا مقدمين كشف حساب بريد .. واي ورقة فى الدنيا ينفع تترجم ترجمة معتمدة فى اي مركز ترجمة معتمد بس بالنسبة لكشف الحساب خلي بتاع الترجمة يدبس مع الترجمة الاصل وليس الصورة
 
عرض العطلة
عرض العطلة
أعلى أسفل
عودة
قائمة