E
Emy Tahri
:: مسافر ::
اينعم انا لفيت اماكن كتير حلوة. بس بلدي كان اول البلاد اللي لفتها كويس
ده كان مقال نشرته ليا صفحة Shee Travels
و حبيت انشره هنا تاني
المغرب ... بلدي الجميل العظيم.. بلدي اللي مهما حصل بفضل احبه و متمسكة بكل ذرة تراب فيه،.. بحبه جدا و نفسي الدنيا كلها تحبه... من يوم ما ابتديت اكون نشيطة على الانترنت و انا كل همي ان الناس تتعرف على بلدي ... بمميزاته و عيوبه.. كان ديما نفسي اتكلم عن المغرب عن طريق الصور .. هوايتي المفضلة.. حببت ناس كتير فيه و ده بشهادتهم .. كل الناس غالبا بتحب تسافر دول واماكن تانية وانا منهم .. بس قررت اني قبل ما اسافر اي اماكن تانية ازور بلدي كويس... من شمالها لجنوبها لشرقها و غربها.. نوعا ما لفيت اماكن كثيرة
عايزة اقولكم ان الفيزا للمغرب مش صعبة يعني المهم يكون ليك مهنة وورقك تمام بالكتير اسبوعين و بتاخد الفيزا .. المغرب مكان آمن جدا و ده بشهادة كل اللي زاره
تقريبا السفر من مصر مكلف شوية خصوصا تذكرة الطيران ... غالبا السعر ما بين 3500 ل 4500 جنيه مصري.. التكاليف على حسب كل واحد بقا ... بس مثلا من ٦٠0٠ ل ٨٠٠٠ جنيه مصري ممكن تفسحك معظم اهم الاماكن في المغرب بالاوتيلات او الهوستل او اماكن موجودة عندنا اسمها "رياض" دي عبارة عن حاجة شبه اوتيل بس ستايل مغربي بتكون ارخص نوعا ما.
.
مدينة "فاس": .. بنسميها المدينة العلمية للمغرب .. عشان معروفة بأقدم جامعة في التاريخ" القرويين" فاس مدينة عريقة من اهم مدن المغرب.. اجمل ما فيها المدينة القديمة.. الجوامع و الشوارع
مدينة "إفران":
دي بعيدة عن فاس بحوالي نص ساعة.. . مدينة جبلية ساحرة .. بنسميها سويسرا المغرب.. من انظف و اجمل و اصغر مدن المغرب .. على الطراز الاوروبي .. وجهة لكل حد بيعشق التلج في الشتا ..و في الصيف كمان للي مش بيحب الحر ... حواليها جبال و غابات
"مدينة الرباط:
عاصمة المغرب اهم معالم المدينة (صومعة حسان) .. (قصبة الوداية) و الحارات باللون الازرق واحسن مكان ممكن تشرب فيه شاي مغربي" أتاي"..ضريح محمد الخامس و الحدائق الاندلسية .
مدينة "الدار البيضاء" Casablanca:
العاصمة الاقتصادية للمغرب و واحدة من اكبر المدن في افريقيا .. كازا مدينة كبيرة جدا... زحمة جدا بس جميلة ..هي خليط كده متناقض ... ساعات تحبها و ساعات تزهق من رتم الحياة السريع فيها
اهم معالمها هو مسجد الحسن التاني المبني فوق المحيط الاطلسي .. هو يعتبر سابع اكبر مسجد في العالم .. كازابلانكا مهما زرتها هتلاقي نفسك بتكتشف حاجات جديدة فيها كل مرة... هتحب شوارعها القديمة و الحديثة... هتحب المولات و الاسواق القديمة.. و اشهر سوق قديم هو "سوق الحبوس" هتحب المطاعم الفخمة و المطاعم الصغيرة الحلوة اللي ممكن تلاقيها في الاحياء الشعبية
مدينة "مراكش الحمراء":
و ده عشان لون اغلب البيوت فيها أحمر.. مراكش من انظف مدن المغرب واقلهم تلوث.. مراكش من اكتر الاماكن اللي بيحبها السياح ..اشهر الاماكن فيها ساحة جامع الفناء .. بالنهار بتكون مكان لعروض متنوعة.. افاعي وقرود وناس كتيرة كل واحد بيعرض مواهبه.. سوق شعبي ممكن تجيب منه حاجات مغربية ... زي الصابون و الجلابية المغربية "جلبية" و بالليل نفس الساحة بتتحول لمطاعم في الهواء الطلق .. ممكن تاكل فيها احلى "طنجية مراكشية" الاكلة دي عبارة عن لحمة مطبوخة في قدر من الفخار .. مراكش مشهورة بالاكلة دي .. مشهورة برضه المدينة دي بالقصور القديمة والاسوار وحاجات كتيرة حلو الواحد يكتشفها والمميز في مراكش كمان ان حواليها قرى جميلة جدا و جبال الاطلس .. القرى اللي حوالين مراكش اغلبها صغيرة و طبيعتها تجنن انا نزلت صور لقرية اسمها "ويرجان" يمكن اكتر من اكتر الاماكن هدوء في الدنيا.. لو عاوز فعلا تنسى اي دوشة في الحياة انصح اللي جاي مراكش يروح يريح دماغه في المكان ده.
مدينة "الصَويرة":
مدينة جنوب المغرب وبعيدة عن مراكش بحوالي ساعتين .. مدينة ساحلية جميلة على المحيط الاطلسي.. و من اقدم اقدم المدن المغربية و ليها تاريخ عريق و فيها اجمل الاسوار والقلاع .. اهمها اسوار "صقالة" وميناء صقالة و(باب البحر) هو اول باب يدخلك كل ما ذكر سابقا
كل المدن اللي اتكلمت عنها دي من الغرب و انت نازل الجنوب
"رحلة لصحراء مرزوقة":
بعد المدن في رحلات جميلة جدا للصحراء جنوب شرق المغرب الرحلة دي من مراكش لصحراء مرزوقة بتتكلف ما بين 80 لحد ١١٠ يورو ..هدخل معاكم في تفاصيل اسعار و تكاليف في بوستات ثانية ..عشان هدفي من البوست ده تشوفو جمال المغرب وخصوصا ان بنات كتير بيخافو ييجوا عندنا لوحدهم مع ان الفيزا للبنات اسهل بكتير من الولاد ...
نكمل الرحلة ... الرحلة مدتها ٣ايام رايح جاي.. و عشان توصل مرزوقة لازم تعدي على مناطق تحفة .. اهمها"قصبة ايت بن حدو" مرورا من طريق جبلية علوها تقريبا 2200متر اسمها "تيشكا" المهم القصبة دي من اهم الاماكن السنيمائية في المغرب و في العالم و اتصور فيها افلام عالمية مهمة جدا من بينها "لورانس العرب" بتاع عمر الشريف ..
و فيلم the Mummy
Prince of Persia
Gladiator
Alexander
و افلام كتييرة جدا ..
البيوت فيها من الطين... بس شكلها حلو اوي و مريحة جدا
بعد القصبة نروح كمان لمدينة مهمة سينمائيا اسمها ورزازات و فيها الجامعة الاكبر للسينما في المغرب و استوديوهات تصوير و متاحف مبهرة الصراحة انا انبسطت جدا فيها
الطريق كله بجد ممتع من مراكش لحد ما نوصل الصحراء
نيجي للصحراء الساحرة بكل المقاييس
من لون الرمل .. لشكل كل حاجة حواليك.. اوتيلات و خيم كل حاجة معمولة بطراز مغربي بربري جميل جدا من الاوتيل للخيم الرحلة بتكون على الجمال ... حوالي ساعة و نص و اللي مش بيقدر بيروح بعربيات الصحراء الممتعة تحس انك جوا البحر و بتغطس و تطلع تاني .. رحلة زي دي ممكن تنسيك هم السنين... خصوصا بعد الفرجة على النجوم بالليل و الاكل و السهرة الحلوة .
لسة كتير يتحكي عن المغرب بس حاليا اختصرت اهم المدن السياحية ...ولسه في بوست تاني عن مدن في شمال المغرب هتكلم عنه عشان الشمال يجنن.
واي حد عنده اي استفسارات عن اماكن وتكاليف يكتب تعليق على البوست و انا هرد ان شاء الله.
يلا تعالو زورونا
.. هتنبسطو و مش هتندمو ابدا .. كل اصحابي اللي زاوا المغرب قالو انه بلد بيجمع بين الحضارة الاوروبية والعربية و كل اللي رجع بلده رجع بذكريات حلوة اوي.
ده كان مقال نشرته ليا صفحة Shee Travels
و حبيت انشره هنا تاني
المغرب ... بلدي الجميل العظيم.. بلدي اللي مهما حصل بفضل احبه و متمسكة بكل ذرة تراب فيه،.. بحبه جدا و نفسي الدنيا كلها تحبه... من يوم ما ابتديت اكون نشيطة على الانترنت و انا كل همي ان الناس تتعرف على بلدي ... بمميزاته و عيوبه.. كان ديما نفسي اتكلم عن المغرب عن طريق الصور .. هوايتي المفضلة.. حببت ناس كتير فيه و ده بشهادتهم .. كل الناس غالبا بتحب تسافر دول واماكن تانية وانا منهم .. بس قررت اني قبل ما اسافر اي اماكن تانية ازور بلدي كويس... من شمالها لجنوبها لشرقها و غربها.. نوعا ما لفيت اماكن كثيرة
عايزة اقولكم ان الفيزا للمغرب مش صعبة يعني المهم يكون ليك مهنة وورقك تمام بالكتير اسبوعين و بتاخد الفيزا .. المغرب مكان آمن جدا و ده بشهادة كل اللي زاره
تقريبا السفر من مصر مكلف شوية خصوصا تذكرة الطيران ... غالبا السعر ما بين 3500 ل 4500 جنيه مصري.. التكاليف على حسب كل واحد بقا ... بس مثلا من ٦٠0٠ ل ٨٠٠٠ جنيه مصري ممكن تفسحك معظم اهم الاماكن في المغرب بالاوتيلات او الهوستل او اماكن موجودة عندنا اسمها "رياض" دي عبارة عن حاجة شبه اوتيل بس ستايل مغربي بتكون ارخص نوعا ما.
.
مدينة "فاس": .. بنسميها المدينة العلمية للمغرب .. عشان معروفة بأقدم جامعة في التاريخ" القرويين" فاس مدينة عريقة من اهم مدن المغرب.. اجمل ما فيها المدينة القديمة.. الجوامع و الشوارع
مدينة "إفران":
دي بعيدة عن فاس بحوالي نص ساعة.. . مدينة جبلية ساحرة .. بنسميها سويسرا المغرب.. من انظف و اجمل و اصغر مدن المغرب .. على الطراز الاوروبي .. وجهة لكل حد بيعشق التلج في الشتا ..و في الصيف كمان للي مش بيحب الحر ... حواليها جبال و غابات
"مدينة الرباط:
عاصمة المغرب اهم معالم المدينة (صومعة حسان) .. (قصبة الوداية) و الحارات باللون الازرق واحسن مكان ممكن تشرب فيه شاي مغربي" أتاي"..ضريح محمد الخامس و الحدائق الاندلسية .
مدينة "الدار البيضاء" Casablanca:
العاصمة الاقتصادية للمغرب و واحدة من اكبر المدن في افريقيا .. كازا مدينة كبيرة جدا... زحمة جدا بس جميلة ..هي خليط كده متناقض ... ساعات تحبها و ساعات تزهق من رتم الحياة السريع فيها
اهم معالمها هو مسجد الحسن التاني المبني فوق المحيط الاطلسي .. هو يعتبر سابع اكبر مسجد في العالم .. كازابلانكا مهما زرتها هتلاقي نفسك بتكتشف حاجات جديدة فيها كل مرة... هتحب شوارعها القديمة و الحديثة... هتحب المولات و الاسواق القديمة.. و اشهر سوق قديم هو "سوق الحبوس" هتحب المطاعم الفخمة و المطاعم الصغيرة الحلوة اللي ممكن تلاقيها في الاحياء الشعبية
مدينة "مراكش الحمراء":
و ده عشان لون اغلب البيوت فيها أحمر.. مراكش من انظف مدن المغرب واقلهم تلوث.. مراكش من اكتر الاماكن اللي بيحبها السياح ..اشهر الاماكن فيها ساحة جامع الفناء .. بالنهار بتكون مكان لعروض متنوعة.. افاعي وقرود وناس كتيرة كل واحد بيعرض مواهبه.. سوق شعبي ممكن تجيب منه حاجات مغربية ... زي الصابون و الجلابية المغربية "جلبية" و بالليل نفس الساحة بتتحول لمطاعم في الهواء الطلق .. ممكن تاكل فيها احلى "طنجية مراكشية" الاكلة دي عبارة عن لحمة مطبوخة في قدر من الفخار .. مراكش مشهورة بالاكلة دي .. مشهورة برضه المدينة دي بالقصور القديمة والاسوار وحاجات كتيرة حلو الواحد يكتشفها والمميز في مراكش كمان ان حواليها قرى جميلة جدا و جبال الاطلس .. القرى اللي حوالين مراكش اغلبها صغيرة و طبيعتها تجنن انا نزلت صور لقرية اسمها "ويرجان" يمكن اكتر من اكتر الاماكن هدوء في الدنيا.. لو عاوز فعلا تنسى اي دوشة في الحياة انصح اللي جاي مراكش يروح يريح دماغه في المكان ده.
مدينة "الصَويرة":
مدينة جنوب المغرب وبعيدة عن مراكش بحوالي ساعتين .. مدينة ساحلية جميلة على المحيط الاطلسي.. و من اقدم اقدم المدن المغربية و ليها تاريخ عريق و فيها اجمل الاسوار والقلاع .. اهمها اسوار "صقالة" وميناء صقالة و(باب البحر) هو اول باب يدخلك كل ما ذكر سابقا
كل المدن اللي اتكلمت عنها دي من الغرب و انت نازل الجنوب
"رحلة لصحراء مرزوقة":
بعد المدن في رحلات جميلة جدا للصحراء جنوب شرق المغرب الرحلة دي من مراكش لصحراء مرزوقة بتتكلف ما بين 80 لحد ١١٠ يورو ..هدخل معاكم في تفاصيل اسعار و تكاليف في بوستات ثانية ..عشان هدفي من البوست ده تشوفو جمال المغرب وخصوصا ان بنات كتير بيخافو ييجوا عندنا لوحدهم مع ان الفيزا للبنات اسهل بكتير من الولاد ...
نكمل الرحلة ... الرحلة مدتها ٣ايام رايح جاي.. و عشان توصل مرزوقة لازم تعدي على مناطق تحفة .. اهمها"قصبة ايت بن حدو" مرورا من طريق جبلية علوها تقريبا 2200متر اسمها "تيشكا" المهم القصبة دي من اهم الاماكن السنيمائية في المغرب و في العالم و اتصور فيها افلام عالمية مهمة جدا من بينها "لورانس العرب" بتاع عمر الشريف ..
و فيلم the Mummy
Prince of Persia
Gladiator
Alexander
و افلام كتييرة جدا ..
البيوت فيها من الطين... بس شكلها حلو اوي و مريحة جدا
بعد القصبة نروح كمان لمدينة مهمة سينمائيا اسمها ورزازات و فيها الجامعة الاكبر للسينما في المغرب و استوديوهات تصوير و متاحف مبهرة الصراحة انا انبسطت جدا فيها
الطريق كله بجد ممتع من مراكش لحد ما نوصل الصحراء
نيجي للصحراء الساحرة بكل المقاييس
من لون الرمل .. لشكل كل حاجة حواليك.. اوتيلات و خيم كل حاجة معمولة بطراز مغربي بربري جميل جدا من الاوتيل للخيم الرحلة بتكون على الجمال ... حوالي ساعة و نص و اللي مش بيقدر بيروح بعربيات الصحراء الممتعة تحس انك جوا البحر و بتغطس و تطلع تاني .. رحلة زي دي ممكن تنسيك هم السنين... خصوصا بعد الفرجة على النجوم بالليل و الاكل و السهرة الحلوة .
لسة كتير يتحكي عن المغرب بس حاليا اختصرت اهم المدن السياحية ...ولسه في بوست تاني عن مدن في شمال المغرب هتكلم عنه عشان الشمال يجنن.
واي حد عنده اي استفسارات عن اماكن وتكاليف يكتب تعليق على البوست و انا هرد ان شاء الله.
يلا تعالو زورونا
.. هتنبسطو و مش هتندمو ابدا .. كل اصحابي اللي زاوا المغرب قالو انه بلد بيجمع بين الحضارة الاوروبية والعربية و كل اللي رجع بلده رجع بذكريات حلوة اوي.